想講少少元朗雞地錦X堂（邪教唔建議返！！！）
仲記得嗰陣時有個組長叫Hatty，之後佢係咁叫我邀請人返教會，唔邀請就鬧我，仲係咁叫我交什一奉獻我心諗我仲係個學生點樣比奉獻啊？ 仲有佢一定要我每個禮拜都要返教會，我有重要嘢做都唔得，都要返，整到我冇哂朋友，仲有嗰陣有另外一個組員我同佢仲有Hatty完左小組去食嘢，之後我就同另外嗰個組員去餐廳搵定位先，因為嗰陣Hatty傾緊電話，之後Hatty黎到鬧我地話做咩唔等埋佢，公主咩？使唔使抱埋你呀？ 再加埋我嗰陣係未有亦都唔知咩係方言佢就係咁叫我求 （問佢又唔同我講係乜嘢 ）咁我點知求黎做乜啫，佢仲問我可唔可以去你屋企食飯當同你屋企人傳福音呀？我心諗可以咁傳嘅咩？佢真係好厚面皮。整到我屋企人好反感，佢仲要係喺我同我媽咪講電話嘅時候問！整到我俾人鬧，嗰陣時我仲係學生點交什一奉獻呀佢仲不停叫我交，佢仲話我唔交天父唔喜悅我，之前我返嗰陣時有個組長叫Hatty佢不停叫我一齊返教會唔邀請人就鬧我，大佬呀我返得開心自然會邀請㗎啦使唔使你叫呀？係咪先，呢間完全唔似教會！
最好笑就係原來奉獻要洗咗禮嘅先可以俾，未洗禮嘅唔需要比佢哋啲組長呃咗我成年，因為我去咗另一間教會，佢哋話11奉獻只係俾嗰啲洗禮嘅基督徒去比教會，入邊嗰班牧師同埋家務全部都係詐騙者，喺度灌輸叫做借題發揮要你奉獻俾呢間教會，佢哋仲要係有政府撐，各位劉牧師又話係滅罪委員會委員，跟住又係所謂嘅神父，根本就係魔鬼與天使，有家長父母嚟到教會佢哋就會講返啲正常人話，最喜歡每人播放我啲所謂嘅悲哀嘅詩歌等人哋喊，早上佢哋個所謂嘅塵土，仲要見到啲人傻咗咁樣跪喺度喊喺度背重嗰啲叫做方言，如果真係返元朗教會我寧願返元朗朗基督教會政Chung嘅好過呢間咁嘅所謂不知所謂垃圾嘅邪教，邊有可能返咗兩日教會仲要我街上四處拉陌路人返去信主，其實係一間公司唔係教會越多人返嚟就越多人奉獻咁間公司越嚟越多錢，又可以豁免唔使交稅，每年就係搞埋啲咩慈善步行籌款又話興建教堂．但係永遠都唔講興建嘅地方時間日期乜都冇所以呢間嘢擺到明係呃人，因為我都返過去已經三年
好多教會都係掛羊頭買狗肉，其實可唔可以搵國家安全部介入清除某啲宗教？ 充公埋佢哋啲錢同財物，唔好害人。
我明白你，之前12年前只係返去聽下歌，都已經非常反感，尤其佢哋籌錢既做法，簡直on 9
我都返過一次，個場係好似戲院咁樣。基督徒比奉獻是自由的，要比十一只是舊約的規條而已。
我自己係基督徒，都有聽好多呢間嘅故事。。真係好癲
從來奉獻係自由，捐得甘心樂意先係神喜悅，如果強迫嘅冇意思
邀請唔到人返教會俾人d*u都好乸奇怪，我教會從來唔會強制邀請（只會鼓勵），傳福音係正面嘅事，但係唔會做到上埋屋企，好似做緊sales 囉，所以一定要搵返適合自己嘅教會去敬拜神係最好
yes ar, 同埋返教會其實主要都係敬拜神同埋聽話語，而唔係全程R friend
其實依間嘢廿年前都已經係出名邪教，
但係都今日都未收皮
初初你會咁諗，覺得係某啲教會嘅問題，日子耐咗，你會發覺成個耶教根本就係邪教，所以索性離教
有冇叫你禁食靈修？個陣中學返左幾次chur到我block左條友，次次去都傳個袋黎奉獻，中學生有幾多錢姐，最後個次真係揸住個銀仔掉落去算
呢間我N年前返過一陣，最後頂唔順個vibe 唔再返去。
我有嘗試因為介紹我去嗰個朋友而堅持，但係入到去係唔自在。星期日唔翻一次好似有罪咁, 感覺好chur. 而且d人聽道聽到又喊又跪我覺得好得人驚。有時根本突登播d “心靈音樂” 令你喊 。（因為每個人都有脆弱嘅時候，尤其你喺無助嘅時候就會俾教友叫你試吓返教會。）初時好似釋放到情緒, 後期覺得好toxic.
佢地係咪好中意係YOHO招人入會？我之前係yoho遇過問我有無時間聽佢地教會啲野
中學有個老師成日借補課為名
其實就係想帶人返教會
好記得當時佢話想補課既同學報名係校外活動 一大早就集合 但原來係去教會先 聽完唔知咩分享會叫我地捐錢 正正就係呢間教會
我15年前都有翻過
不過啲人就好正常的
再上面個啲就吾清楚
之前仲請過王祖藍上過黎🦆💨
一講方言可以走，連講緊咩都唔知，只係一堆high 咗既人係lalalelelulu 咁叫。 傳教係別人要心甘情願去相信主，而不是教會要追求數字上提升而迫人來決志信主攞人個人資料就當係啲人信主囉。
點解基督教可以開咁多堂口，洗唔洗向總會（例如聖公會之類）申請Permit先開得？？
教會很大,多錢多人唔代表屬靈,若內心不是向神,同聯誼會無分別.