成件事好癲

根本有好多人「超讀」晒樓主既意思做：
「佢好憎女人可以咁幸福」
「佢想引起兩性對立」

但明明一句都冇講過
佢只係表達出對於女性引人共情嘅能力好羨慕
比盡都係妒忌

從來冇講過任何一句女人係行緊Easy mode
「多一根 苦一生」
只係樓主表達自己作為男人，有任何痛苦都唔會俾人正視，根本冇講過啲痛苦係女人造成

最好笑係嗰個何文田金冬天（自稱）
喺度用自己收dick photo嘅事情嚟九唔搭八咁覆樓主
搞到樓主好似係send屌照俾佢嘅人咁
所以唔可以有人安慰

由頭到尾都冇人話女人冇屬於自己嘅問題
但依家個世界就係容不下男人吐任何苦
男人羨慕女人有某啲自己冇嘅嘢
就係攻擊女人

說好的打敗父權去咗邊？
定係大家怕冇咗父權帶比自己嘅好處
但係又唔想接受父權帶比自己嘅壞處？

樓主有冇攻擊女性嘅意圖我判斷唔到
亦都唔會過分解讀
但我好肯定佢前面幾句講得好啱
冇人care佢感受
因為佢係男人

佢唔係攻擊女性，但佢顯然用咗女性嘅處境同佢自己嘅處境作比較。
「多一根」、「女仔一個story就多人噓寒問暖」咁樣用自己嘅苦難對比女人冇呢種苦難仲唔叫暗示女人easy mode？
「女人少一根就苦一生，著得少出街就驚人偷拍，男人就算唔著衫出街都冇所謂。」我咁講，你唔覺得我比較緊男女之間苦難嘅分別？咪玩啦

其實真係唔覺得你比較緊我哋之間嘅苦難
唔好幫我答你自己嘅問題
我只會覺得你着得少會驚俾人偷拍，呢件事係慘
然後你好羨慕男人

你明我講咩未？

係呀 咪就係羨慕個部分出事，係咪你話男人搵錢好艱難，然後話「唔似女人，影下相就賺到錢」咁你估會唔會比人屌？
同埋第二樣係，被羨慕嘅個一方可唔可以有權指出你羨慕嘅東西係「虛假」的？就好似cm講，男人以為女人post一張相就有安慰，先唔講好多女人post完都冇安慰，就算有好多都係想屌佢，咁呢種情況仲值得羨慕嗎？
好簡單一個類比話你知點解有啲女性會咁嬲，假設小明父母死晒，係孤兒，冇人會迫佢補習，然後有日小明個fd話「唉我補習好辛苦，小明就好，日日放學走去玩。」小明一定心諗屌你老母，你係度羨慕我冇老豆老母？純粹想舉出個極端少少嘅例子，等你明白個班經常收到ig騷擾嘅女性喺聽到他人嘅「羨慕」之後嘅心情。

得罪講句，要做到睇唔出嗰層「超讀」嘅意思，真係只有喺你本身就將「性別對立」，定義為男性唔會引起/只會由其他性別引起，先至有可能做到😂

如果原原Po只係得頭4句我會認同原Po解讀

The OP’s experience can be understood as shaped by toxic masculinity, rather than by women, and by the same logic, women’s difficulties are not caused by the OP

Framing it through comparison introduces an unnecessary gender dichotomy and misattributes the source of the problem

Both men’s emotional neglect and the kind of attention women receive are shaped by broader social norms, not by each other

好奇唔明點解要提女性多人噓寒問暖？如果冇意思點解要寫出嚟？

白水完美示範咗樓主講嘅男人一呻就會畀人屌

正正證明左父權社會令男人失去左對同性+自己既同理心
依啲位大多男人扮死魚, 唔出黎捍衛自己既性別
已經比個父權社會train到習慣晒:「講黎都冇用, 都係我錯, 做野好過」

父權又好乜柒都好，佢都唔適合喺呢個時候衝出嚟話個事主言論好危險。人哋只係表達自己慘啫又冇攻擊女性，羨慕都唔得？條友同理心仲少過我🤦🏻‍♂️

師兄必須講返
無論係父權定女權
就咁睇返原post樓下啲留言同認同數
原post無講錯過

我老婆成日share佢threads睇到啲嘢俾我睇
啲女人嘅同溫層post好勁
我老婆成日睇到O晒嘴
喺你見唔到嘅地方，其實keep住有一堆仇視男性同指責男性點樣唔夠完美嘅女人喺度圍爐（都萬幾like)

而佢地keep住淨幫單一性別圍爐
就係會加深對立
明明一方面佢地係推廣緊反父權社會
而另一方面又迎合曬父權男性只能自救嘅循環

多一根苦一生呢句野已經imply緊男人慘過女人啦

其實宜家D個平台比我有種感覺就係世界一切的苦難都係父觀社會做成的，
好似推倒左父權主義世界就一切安好一樣，
男的再無痛苦，女的不再約束，
父權只有壞處，而推翻父權只係好處，
信仰味好重。

都幾難超讀原po樓主講既野wo，想唔比人誤會就唔好女人前女人後啦..夾硬話無咁既意思真係掩耳盜鈴😂

先唔好講香港女權嚴重 連外國統計都話男性自殺率比女性仲高30%以上 因為好難訴苦 無傾訴對象 唔准喊 導致睇唔開爆發就多數去到極端情況 而女性的確係比較容易被開解 都要將乜都賴晒落父權 一隻手拍唔響 如果女性都多啲關懷男性而唔係呵責 問題一樣會少好多 我唔見得佢哋所講嘅父權社會男性 唔肯被女性開解喎

女人起碼會第一時間撐返自己人先，假設果個樓主係女人就會有人第一時話白水係說教男，可能樓主都係想體驗下俾人撐嘅感覺，而唔係講大道理😂

女權走火入魔左好耐🤭

應該話讀書考閱讀理解係好事定壞事
到底依加係過度理解定係完全唔理解
我就咁睇篇文比我感覺
就係作者純粹想呻下苦
無咩其他延伸
但係就好多人睇到其他嘢

Well said.

有時用咗「某種性別理論」的框框去睇世界，連基本的閱讀理解能力都會少咗。

白水把樓主話「男仔唔易俾人關心，女仔易比人關心」，上升至怪責女性，暗示女人Easy mode等好「危險」的言論，忽略了樓主背後可以只係呻下男人命苦和羨慕女性。。。

若一個女人話個個月M痛好慘，男人唔使M痛真係好，佢地會否覺得呢個女性怪責男人、暗示男人Easy mode、「危險」呢？如果唔會，咁點解男人講就係怪責異性？係咪一種性別偏見？

唔講對錯 有一個解 就係你當白水=女人 成件事就好合理 個人可能會舒服D

件冬菇如果放自己個真樣上來，
你估仲有冇人會send dick pic俾佢❓
P圖P到連自己都呃L埋，
已經Block左件冬菇🚫
所有極端女權L都Block晒

師兄Over左, 我對佢同樣冇咩好感
Block 都ok 但未至於要攻擊樣貌
唔需要做啲你唔鍾意既人做既事黎作賤自己🫶

照騙本身就可恥

其實好多時啲po啲出寫果陣唔會再睇多次，或讀下邏輯通唔通順。
佢寫時字詞trigger到一班人
亦係呢個平台train到啲受眾咁樣
佢個po 4日，仲燒緊，仲有好多9唔搭8嘅人插埋一腳。

好可能佢果時真係低潮寫，想要人聽下自己講呻。

然後果位季節屬性嘅人，佢係咪成日海巡自己個名，佢周圍都要出現。佢嘅搭嗲仲衰過白滾水😂

好多時"所謂女權"想做既都係想要一套由女性主導既父權
真係女權想平等既都不多了

「句句不是人, 句句都是人」

金冬菇好明顯俾人特別針對 佢借題發揮唔好咁認真

有easy mode 意味 ＜係被人關心果1方面＞ 但我都覺 d人 over解讀， 樓主並無踩低女性。 只係借用女性呻 會比較易獲得別人關心去帶出男性情緒表達比較易受忽略

點諗都係多一根染色體最苦一生喇

佢哋嘅立足點係佢哋好慘，將佢哋迫到咁慘嘅男人仲喺到爽爽過
當任何人(包括女人)想講男人都慘嘅時候佢哋自然會不惜一切咁消滅呢d聲音