我今年f5 想問仲有邊度請part time 我星期一至五可以一放學即刻衝去返工一直到收尾 星期日同公眾假期都可以返 以前返過半年pizza hut 組長同經理都覺得我勤力 做嘢快手
我真係非常需要part time😭想自己搵錢自己交補習費…自己大個女了唔想再浪費屋企人嘅錢🥲🙏🙏求各位好心人推介一下
p.s.唔考慮m記 ptgf
我有申請過旺角嗰邊嘅pizza hut但睇到星期六返唔到就冇覆我了🥲
欣賞你嘅勤力同孝心
不過除非屋企經濟條件好差
又或者你完全唔係讀書材料
否則唔建議咁早chur part-time
如果能夠讀好啲書入到大學
第時出嚟做嘢就容易啲揾份好工
到時幾個月嘅收入已經等如你返幾年pt
然後你長遠仲可以為屋企人帶嚟近好嘅生活
我呢邊可以平啲 / 免費幫手私補
唔想見到有學生因為經濟問題
少咗時間讀書影響前途😅
主要可以幫手補數 / phy / M2
其他科都可以提供資源
詳情可以dm我‼️
好少有你呢啲後生咁生性，我響thread見到嗰啲幾乎都係姓賴
中五中六臨近dse呢啲時間真係唔太建議，不過真係要返既過7仔，百佳呢啲收銀應該唔錯
星期一至五一放學就可以番pt，星期日又可以番pt，即係一星期得個星期六要補習？番6日pt去交一日既補習費，也太勤力了吧
我會話,屋企唔係真係急需嘅話
真係唔好擺太多時間返part time
用DSE一下入到大學係最撚慳錢
馬鞍山西沙請星期一至五夜班廚房助手，有$70/hr架😎
唔怕辛苦可以試吓sukiya🤣而家返緊覺得啲人真係好好 做外場嘅話係會攰啲但係做下做下時間好快過
我有收風有間係top賣衫嘅想請人 你可以留意下 $65一個鐘
賣衫多數坐係度冇乜野做 你可以用嚟搵下書都冇紡😲
咁都算實踐到搵錢，不過都係個句讀到書就好好讀！記得平衡好時間
hi我都唔想見到有人因為錢而冇得補習
你英文需唔需要補習？
可以考慮收平啲或者免費
中五升中六真係唔建議搵pt
認真要專心讀書
我哋鋪頭請人，係堅尼地城，如果地點啱你，可以dm我。
而家呢個市道就算大人有全職都好難搵多份part time
10年8年前我返嘅part time可以容許你一日淨係返4個鐘，一個禮拜返兩日
而家返得少會cut左你
訓練人要好多成本，你一個禮拜返得兩日，或者放學後去返4個鐘，佢地要好耐先賺得返個成本
你可以考慮非傳統方法幫人賺錢，例如接job做剪接嗰d（姨姨我都老喇呢方面唔識好多
盡量唔好用太多時間做part time 因為倒頭來你唔夠時間準備DSE 你將來要用既時間 金錢會遠比而家多
夠18歲有銀行戶口有東亞/銀聯炒散咭,就申請做酒店餐飲炒散
小學補習，私人功輔
如讀名校人工會高啲
前提係讀好dse先，係你可扭轉人生的一次機會