我今日係牛池灣仆街，左邊眼眉位置爆左，去左急症室縫左六針，返屋企同我老母講返跌親個情況。
Feedback係：好人好姐你好地地走到去咁遠做咩，唔熟唔又睇路！
大佬我宜家係咪知道牛池灣有個靚位係仆街勝地所以特燈去試下個地係咪真係咁硬？
唔引戰，只係家家都有難相處的老母
完全理解🫂我又想分享下我果個🤣
話說，上年10月中租左個單位自住，因為打算長住都想住得舒服d，所以用左小小錢汁過下間屋。點知整好無耐，喺上年12月中就確診左乳癌3期。鑑於要專心打仗，將會零收入，所以就搬返媽咪度住。媽咪上黎幫我汁野，一開門….
媽：「嘩！好靚喎你整到！都叫左你唔好裝修架啦，嘥晒d錢！你睇下，而家嘥晒啦！」
我：「邊有人會估到自己會無啦啦生cancer ……」
原諒亞媽有時唔識/唔敢表達內心果種關心！ 始終亞洲人唔慣將愛同關心輕易講出口！ 又或者佢細個佢亞媽即你亞婆都係咁同佢講野！ 祝你傷口早日康復💐
角色調返轉，佢跌親，我再咁樣 feedback 佢，然後解釋我係因為唔慣將d孝順講出口，咁樣係唔係等於要包容對方？有時底線過左就係過左，但我明白你既意思，多謝你🙏🏻
有時有得嬲好過無得嬲…. 我已經無嬲既機會！祝你地早日和好🫶🏻
之前係越南出車禍，人生第一次縫10針係隻腳度。我翻到香港只係簡單講左句跌親整損，因為我一誠實交代所有野，係會換來無止境不間斷既責罵& 仲會間歇性提返起喱件事，直到佢死亡為止。
所以我由好耐之前已經學識，唔需要所有野對我媽太過誠實。我愛佢，唔代表我會一直喜歡佢。
好彩無咩事就簡單交代，唔好彩死左咁就可以乜都唔洗講🤓
其實好多冇受過教育嘅人就會咁
就算宜家都會有
只不過上一代個比例再多啲咁囉
睇字都feel 到痛🙈祝早日康復🫂
同款老母，發生咩事都係我錯，所以冇再聯絡
佢地無腦架🤡佢地字典入面係無「將心比己」呢4個字..
Btw, 你要好好處理傷口，小心受感染
你一定流左好多血！你現在傷口一定好痛和好驚！你的眼睛內無傷就安心！聯想起多年前小女心神不專時被她新買來的麫包刀割傷手腕後流很多血後電聯我返家叫救護車送院。她同樣要縫左6針。她服2粒止痛丸都不能止痛，瞓吾倒！可想你現時有多痛！好好休息！別生你母親氣！
無文化嘅上一代就係咁
完全唔想同佢地有交流，就算好事都唔會鄧你開心 只會溪落人。
唔係唔識關心人 而係唔會關心人
祝你早日康復！
我都有個同款老母，不過算啦～你要進入化境，佢講乜當佢唱歌，我後生個陣諗住呻完有兩句安慰，從來都無，依家已經少d溝通少d傷害
Bro i know how that feel
有口難言 情況比你更worse
我老母次次咁講嘢我都問佢係咪大肚果陣冇驗羊胎水 ，可能我係弱智㗎wo
我食西藥有副作用肥咗幾十磅，我老豆就話我成日食零食食到咁死肥🙄