我佩服所有可以solo trip既人
試過搞唔掂 好驚
入餐廳驚落單 唔知點埋單 唔敢入冇人行既舖頭 唔敢自己落bar飲野 但係香港完全冇問題 點解會咁-.-

19歲仔，呢個禮拜第一次去緊東京八日solo trip睇櫻花。我自己去之前其實都好驚自己搞唔掂，同埋啲人喺度話自己點點點。我喺香港宅男一個，怕係街同陌生人interact，例如入餐廳嗌嘢食都要啲courage 😂。而家去到尾二一日，回顧一下其實都唔使太擔心。雖然全程要照顧自己飲食都係會驚，但係做多咗你係會明白食餐飯啫，衰咗唔會死嘅。落單埋單唔少餐廳有指示或者自助式撳機（呢個對我嚟講係超正，因為唔使同人interact）。搵到餐廳可以喺google望下係咩環境先。埋單就趁你未食完觀察下其他食客點做，同埋留意下啲餐廳通常會貼晒啲payment method出嚟，自己開定想用嘅。

簡單嚟講都係靠觀察其他人點做，唔識就學下人哋。多啲觀察學多啲當地嘅unwritten rules（例如電梯日本係靠左企），自己嘅行為盡量唔好影響到人哋，就冇咁易俾人話。最後都係想講solo trip好值得去。行程完全自己話事勁flexible。幾點起身，食咩嘢，行咩行幾耐都係隨心所欲。呢個trip都係我畀自己嘅一個重大考驗嚟，訓練自己獨立嘅同時又可以學嘢同享受。

幾好吖，有次食食吓飯座隔離呀叔係咁一輪咀不停同我講嘢，講足成餐飯，我一句都聽唔明，只能夠點下頭，繼續自己食。
有時玩果陣又會遇到啲好Nice嘅人，會同你傾吓偈，知道你唔係本地人，就鬥用啲唔鹹唔淡英文溝通。
Btw有野有的野係慣性依賴，我solo去旅行自己玩，自己解決問題完全無問題，但同老婆去我就會變左慣性敞平，所有同人溝通，埋單比錢，的濕碎野我會全部扔哂比老婆，我個人完全放空，但如果同其他人去，而其他人又敞平，我又可以接手handle翻的麻煩野。

solo trip先正👍👏，唔洗再就人行程！
自己想去邊就去邊！自己想食咩就食咩，
唔駛再就人時間，唔駛再跟住大隊行啲你唔想行嘅景點，
我認我份人係自私，唔想就人去邊又唔想搞到人，所以我最想，
我已經被迫焗住同人去旅行幾年，直到兩年前，我屋企人終於放心比我自己獨遊，
solo trip真心好正👍👏，包保一試上癮，係行程個幾日你會好Enjoy個幾日嘅自由自在，
你都嚟試下👍👍

solo 過兩次 差唔多日日都行錯路🤣 我比較隨性 求其搵一間野入去食就得 真係溝通唔到就開Google Translate
試過miss咗班機跟住要瞓一晚機場🤣 嗰陣仲要係冬天 超級凍
除咗夜晚要開燈瞓 暫時冇咩困難
好處就係可以瞓到幾時到得 或者 一日唔出街都得

未solo 之前我都會驚 但途中就覺得好自由 會上癮 係會有少少寂寞但會習慣

唔知我係唔夠膽定點
但係我係香港都係成日一個人周圍去
行山影相食野
會係街聊人講野 會問路
但一諗到去solo trip就卻步
唔知係因為中意同人share 即時感受定 一個人無信心
如果拍拖旅行會enjoy d, 同屋企人又無咁大興趣
但其實自己無話特別想去一啲地方
我諗中意solo trip 既人都係好有目的
好想做某啲野先咁enjoy

我會形容獨旅係一次發現自己的機會. 當然揀一個令你有安全感嘅國家獨旅係首要條件！我每次獨旅，順利去到自己想去嘅地方，食到想食嘅嘢，真心覺得自己好叻，讚下自己. 我有遇見更好的自己！如果你驚都係著，咁你要搵下點解自己會驚？然後克服佢. 希望將來有你變勇敢，會遇見更美好嘅自己！加油💪🏻

踏出第一步就得，建立適應同耐受😆不過都明自己一個行入無人嘅舖頭，之前去Brooklyn小店，店主不斷small talk但我有啲英文字聽唔門，當下覺得又熱情又尷尬，不過臨走時已經適應咗^o^所以只要行入去就無想像中難。Solo trip係一種試過就返唔到轉頭嘅爽，去過三次only但覺得同friend去又係另一種溫暖熱鬧！

唔係人人都啱獨遊，旅行最緊要都係搵到啱自己嘅方式，玩得開心又relax，要全程戰戰兢兢咁就無意思啦，雖然有人話去多幾次就得、試吓用乜乜工具幫手，其實樓主真係唔使勉強自己認同其他人講獨遊嘅好處，當然樓主覺得想俾多次機會自己就盡情去試，就算最後都真係唔enjoy亦唔需要覺得有問題

完全冇問題，我一把年紀2025年獨遊咗兩次大阪，年頭同年尾，不過要小心冷親，係有一次行入藥庒抽筋，爭啲隊冧人地個架，有位香港人小姐問我有冇事❤️，藥庒叔叔仲比咗塊止痛貼我😂，餐廳落單指比佢睇，我有去酒店lounge飲嘢，仲有去剪頭髮，係夜晚瞓覺要開燈🤭，試咗你會上㽼😂

加油，最大嘅阻礙同難關其實係自己，踏出第一步就返唔到轉頭啦，同埋最主要係唔好驚7，身體語言加d簡單字句this同that，就ok啦，同埋善用電話都好有幫助，例如翻譯同相機功能，有時收銀位同櫥櫃太遠，想買個樣嘢可以影低佢，然後俾店員睇，都輕易解決到溝通問題。

我一個人solo超爽，懂少少日文，英文+普通話流利暢順。去日本、中國旅行基本沒難度。
去年台北4次，西安1 次，北京1次，大阪2次（其中一次是我拉上朋友），東京1次。

真的不難。
今年：已台北1次，正在杭州旅行中，5月尾東京8日，6月底常州5日~

咁你可以喺香港solo trip🐒
其實韓國唔少餐廳都係用部iPad落單同埋用部iPad埋單
直接插張信用卡落去部iPad度就俾到錢
但建議用wowpass/toss之類嘅遊客信用卡
就算真係俾人盜用信用卡都冇咁金
by the way自己落Bar飲嘢呢個solo trip真係唔建議

solo真系好正 想去邊就去邊 想點就點 好過夾人 仲要睇夾中咩人 夾中極品真系寧願自己住
多數去台日韓 台灣溝通無問題啦 韓國食野可以揀d用機落單即時付款 食完走得0接觸人 日本餐廳多數1人餐order完會有小單食完拎去埋單 很ok r🤔

第一次我獨遊日本我開頭都驚驚哋，
超級i的我到時真係好肚餓到扁咁滯，就會突然間有一個勇氣入餐廳要令自己填飽個肚，指住個餐牌指手畫腳就會食到自己想食嘅嘢😜

（自己已經solo trip 4次，嚟緊可能會有第5次）

係日本只要你識this one yes已經可以解解到大部分問題🤷🏿‍♂️

Solo trip 超過10次嘅人表示唔係人人都啱solo trip，個人覺得日本係比較啱第一次solo嘅人，因為好多自閉位，同好多人一個人食飯，同埋好多餐廳都係用iPad落單，反而韓國就好適合，因為有啲餐廳，係唔可以一個人入去😁

都明白既，但只要揀啲唔係太複雜太高難度既地方，即使搞唔掂都差極有個譜，如果唔知啲字點解、唔知點埋單，可以即刻上網查，宜家好多野都有人做過，你遇倒既問題其他人一樣會面對到，所以唔駛太擔心

驚嘅話去d安全同熟嘅地方先 我都暫時未夠膽去完全陌生嘅地方 日本同台灣都好岩做solo trip初嘗試 我都試過唔識落單埋單戈d 會等緊野食期間係咁觀察其他人點做🤣 耐左膽大左就會開始享受到獨遊嘅快樂

我成日solo trip，然後經常會旅途中識到人，男性100%爛桃花，最後俾我發現係懷有惡意既kam佬，係女仔先有好人，會keep到😔
呢個世界來自男人既惡意太多
所以我由好鍾意solo trip到好驚，以後唔敢

確實很佩服，需要提前做很多攻略吧，而且出問題要完全是自己解決，出門在外危機意識警惕心完全要跟上，自己住酒店不能安心睡要全程警戒模式…暫時還是無法挑戰，家人也不會放心哈哈哈

全世界都係嗰啲流程，係咁上下
咪觀察吓人哋點做
反正去到外國冇人識，做錯咗咪講sorry
至於去bar，呢個就真係要小心
唔對路就即閃，小心啲自己飲開嗰杯嘢（不論你係男定女都係咁話）

係咪驚language barrier多? Solo trip勁開心
行入冇人既鋪人哋同你打招呼咪話I’m just browsing, 個sales即刻由得你啦!
去bar就坐bar檯, 同下bartender傾兩句, 再唔係㩒下電話囉, 冇問題㗎？

第一次獨遊日本，英文又差，日文更加唔識。唯有做好功課同搞好點樣搭車返酒店最重要。
其餘就信google map同翻譯apps
真係驚就去d遊客景點為主，起碼你唔識都跟人行到去。

日本其實好適合自閉，點餐機買完搵位坐低就得
1係就直頭住bnb 去超市買餸自煮
再唔係去qrcode落單店
我試過全日淨係同酒店開門比我走果個講左句早晨，之後成日無講過野

i人勝地

其實日本會好好多，第一次獨遊唔好韓國，因韓國要做好多功課，好多餐廳不可單人入內，日本可以用翻譯機溝通，都有漢字，搭JR線找不到怎轉線，日本人都會解答到你

Solo trip係西班牙去餐廳會係咁俾人請酒飲😂
啲人勁熱情，講明我唔識西班牙文都係咁同我講
只要你一開始planning避開治安唔好既區，真係冇乜嘢好驚，仲好自由好開心

環境習慣既問題

係香港,因為你係"住"係香港
所有野都慣左,你唔會有陌生感

但係出去旅行完全唔同
因為唔係自己習慣既地方
陌生係最大問題
所以唔敢係完全不奇怪

你試過番唔到轉頭
鍾意幾點起身就起身
想食乜去邊自己話事唔使夾
缺點係有啲悶 同埋有啲餐廳你未必食到
例如打邊爐😂
不過如果一個人獨處其實有時候都幾舒服

又咁講。好多地方都係i人friendly。
俾錢好多時已經可以自肋，所以又唔駛太驚。
而你會好驚嘅話，應該係你對嗰個地方/嗰個活動有啲前設，例如唔安全/有壞人？

去多幾次就會上癮架啦！
你係未搵到solo trip你最享受/放鬆嘅位係咩？只要一click中嗰一下，你就會愛上solo trip！信我！👍🏻😎
(Solo台灣環島中😜

世界比你想既安全，宜家重有翻譯軟件，不過建議女性獨遊要做功課，盡量去治安比較好既地方，尤其落酒吧，我都淨係係上海落過一次😂

去左一次 都驚嘅😂但真係舒服唔洗就人 想食咩想去邊 想留幾耐自己話事真係好爽 唯一就係太耐無講野返到香港係咁走音

其實你踏出咗第一步，之後就唔會再咁驚㗎喇🤣 或者你試吓下次同朋友去旅行，搵一日你哋分開自己行一日試吓膽先啦

舒適區問題，你慣左局限一個環境就唔敢出圈嘗試
其實你當你學識柒咪柒又唔使死的話，你就會發現好多新大陸

香港也要試下去極少去的地方
假設返工在銅鑼灣,
好似大西北去小西灣/將軍澳
住東區去上水粉嶺, 西貢 遊半日

超愛solo trip ！(´▽｀)
十分自由開心 完全唔覺得孤單
每次獨旅都覺得自己能量特別強大獨立冇有怕！

Solo trip其實可以好開心，我今次去旅行正正就係solo trip ，鍾意幾多點醒就幾多點醒，想食乜就食乜

而家都solo trip緊
表示真係唔驚😹😹可能因為慣左自己一個周圍走 同埋所有野都係自己決定 唔洗就人地

由啲連鎖舖頭入手先，慢慢慣咗就ok ，或者跟住啲local入，但要預咗有機會俾人趕返出嚟😂 特別係日韓

日本 大城市旅客區 用英文都冇問題

真係淆嘅話咪搵自助 Check in check out 嘅酒店，用自助點餐機嘅餐廳

再唔係搵啲有英文menu
不過要留意有冇雙重定價
上次去完好彩冇遇過

覺得識人難過一個人去旅行💦💦💦
同埋以家好多國家都用qr落車啲電話自己會轉語言所以其實好方便

啱啱先至去完8日7夜獨旅，我仲嫌太短
一個人先至爽，做乜都冇人理，想點就點，隨時做乜就做乜

其實所有野都好好除咗無人同你講野/鳩嗡，solo trip個幾日係我人生最靜個幾日，做咗幾日自閉仔

喺外國冇人會特別留意你
埋單落單講英文+當地語言
好多餐廳鋪頭日日都對住遊客
你唔買佢先驚

放心，柒多幾次就會識，同埋無人會認得你。同埋可以望下人地係點叫野食點埋單，有樣學樣。