我依家讀緊社工hd ，但係而家對社工唔太感興趣，同埋feel到冇咁鐘意做社工（gpa都低）我有啲想gap一年睇吓轉咩科定係堅持讀？
我仲未出實習已經有啲頂唔順，想讀其他，但係仲未諗到讀咩好😭
Quit 左u先，休息一下靜落嚟，比自己多啲空間去探索下🥹
諗唔到讀咩好，不妨轉個角度feel下有啲咩你係想keep住想做/學
即刻走人，唔好迫自己讀落去，讀社工唔係咁容易，迫自己真係超級辛苦，仲要望到個GPA，會更加令自己苦惱。唔好諗為咗拎個牌，唔好嘥時間落啲冇興趣嘢度，你人生唔係為咗俾人睇你有幾叻（拎咗個社工牌），你人生係要你活得自己鍾意。
同埋下面留言講嘅hd 兩年讀埋佢，唔係咁簡單架。呢兩年勁辛苦，仲要出埋實習，完全冇假放。
堅持同埋攞咗個牌先，反正你HD都係兩年嘅事，之後再睇吓想讀咩先轉
除非你真係好認同社工既價值觀，自己又真係好有興趣，如果唔係既話都係盡早轉行。 因為行內好多人都做到hihi, 仲要cut budget, 同埋讀同做完全係不同的事。
諗清楚自己想要啲乜，而家可以做到啲乜，較重要。
建議走人，cut budget 社工位會愈來愈少，辛苦讀完又冇工開
會唔會觀察多排先，我讀緊書加出埋實習都覺得自己唔中意做，但又唔知可以做咩畢業就試下，做左第一份做case，都係唔中意，一個月就quit 。到第二份做另一個field, project加管理，先發現好啱自己 。社工有好多範疇，咩都關社工事，可以多方面都試下再決定 。
我之前同你差唔多，我最後連GPA都唔睇，淨係睇合唔合格就算數，因為有時你太睇Grade你自己好辛苦chur到自己死，因為啲嘢係唔會做得晒短時間內
如果你話出實習都頂唔順，咁出實習一定好大鑊，而且好高壓
照顧自己感受為先啦～
唔鐘意既話唔使逼自己，你會好痛苦，搵啲自己鐘意既野讀啦。
如果覺得都讀得唔算太大壓力，咁反正未有方向，不妨grad埋再諗去向