我個人覺得做飲食業，提供埋紙巾比食客係好基本。。食完飯沬個嘴都要。。
但偏偏香港好多餐廳都唔肯行埋呢一步。
見有好多comments 都話係因為有人衰貪心拎袋拎走，搞到啲餐廳唔再咁做。 我覺得呢個唔係主因。
一樣米養百樣人，世界咁大度度都有仆街仔。但呢一行為並唔係無解。
最簡單，好似老麥咁，本身出餐跟一兩張，有需要再問staff拎。再唔係放收銀處又得。
最根本都係啲餐廳老世小家，想慳賺埋呢少少。
見過餐廳每枱放一包紙巾
然後比個阿伯成包紙巾袋走
第二日開始就無提供啦🤡
有評論話驚人攞走曬紙巾，但呢d絕對係少數。咁大陸唔少餐廳都有提供喎，咁人地又唔驚，唔通香港人比大陸人.........🤔🤔🤔
大陸係你入座嘅時候俾錢買咗紙巾，嗰盒嘢要兩蚊，你可以唔要退返個兩蚊
唔成疊放出黎驚人偷我明 ，但有需要先特登問佢要一張紙巾抹咀都逼人買包紙巾個啲真係冇下次， 唔通我要支牙籤又要成筒買？ 落少少調味又要成樽買？
為個一張半張紙巾麻煩個客係小家 執咗都唔可憐👎
睇完笑左🤣
講真我唔知係咩人會咁做
但真係有人咁做
如果唔係洗手間啲紙都唔會要上鎖
我同事，土生土長香港人，屋企又唔係特別窮，都唔知點解要錦做😂
原本香港「餐廳」一定有紙巾，我人生第一次見無紙巾，要同佢買一包包，就係麻辣米線啲大陸嘢
老麥以前甜酸醬都唔使錢，咪又係比班人又食又拎，結果而家咪要收錢囉
我個人覺得做m記，提供埋茄汁調味料紙巾比食客係好基本。。食薯條張落，食完飯沬個嘴都要。。
但偏偏全香港m記都唔肯行埋呢一步。
以前有D茶記會比D好似牛油紙咁既紙巾, 個嘴抺極都唔乾淨咁😂唔知大家有無用過
有評論話驚人攞走曬D紙巾 咁每位顧客派兩張可以嗎？
我都係做餐飲 公司都有提供紙巾
基本set左係枱
唔好話貪心啊浪費個d我唔理啦
但我地都唔會特登擺出黎
有需要既客人會出聲問我地拎
不過如果真係咁有需要
我諗隨身自己帶一包都唔係好難既
問過銀龍，莫講紙巾唔俾，就連問佢有冇三文治紙，佢都話冇……當然冇再幫襯佢啦
旺角多年前無俾，佢係有一疊疊，試過問阿姐攞，阿姐話唔係俾啲客嘅，最尾佢都有靜雞雞都俾咗幾張我……
其實大陸餐廳都做到
真係唔明香港餐廳點解唔得
香港客仲cheap過大陸客咩？
麥記、大家樂、大快活、有啲大陸人開嘅店、有啲我去開嘅非連鎖點，目前有俾一兩張甚至有自助式紙巾。男人唔帶手袋，好多時褲袋唔記補充一包紙巾，餐廳唔一定要提供紙巾，但係提供咗就係多一個方便到客人嘅服務。
我反而覺得澳洲牛奶公司唔應該比杯水，張枱已經咁細，仲要加杯水喺度根本就冇位擺嘢
同埋真係好唔鍾意搭枱
可以消費完提供1-2張，有好多方法可以比客，好似麥當勞咁每個餐都比少少，但香港好多餐廳就係要逼人比嗰幾蚊去買哂成包，特別係嗰啲食米線食有湯嘅餐廳最鐘意用呢招，等人食完嘢成嘴油逼住幫襯餐廳買紙巾就係為咗抹一下嘴
係 真係好撚on9 出街食已經唔係平
茶餐廳叫個飯都要成90蚊 紙巾都無張 唔知慳乜
我夠覺得隨身帶紙巾係紳士淑女嘅行為，偏偏有啲人唔肯帶紙巾出門
自己帶紙巾有什麼問題？
餐廳俾啲紙巾都唔知乾唔乾淨
況且疫情之後好多人都唔用餐廳提供嘅纸巾
香港人出街好少無紙巾, 好少用餐廳既, 第一唔乾淨, 第二費事問佢地攞, 所以我地唔太注重呢樣野, 更加唔會因為無呢樣野而介意.
身為食客， 食店唔提供紙巾都冇所謂， 因為就算你提供我都唔會用， 我諗大多數香港人出街都一定自己帶幾包Tempo
呢個世界冇免費午餐，羊毛出在羊身上，餐廳包紙巾只會增加收費，費用隱藏喺個餐度，咁不如自己自備紙巾，用者自付，又可以確保紙巾質素，唔使捆綁被迫用餐廳啲劣質紙巾
你做過就明 好鬼多癲佬........有門口路過唔係入嚟食飯 行入嚟好似明星咁舉住個手板 隻手就拎走咗大半包紙巾 再舉住另一隻手出返去.........
日式餐廳睇落仲keep到提供紙巾，所以客源問題🤷🏼？