我個人覺得做飲食業，提供埋紙巾比食客係好基本。。食完飯沬個嘴都要。。
但偏偏香港好多餐廳都唔肯行埋呢一步。
見過餐廳每枱放一包紙巾
然後比個阿伯成包紙巾袋走
第二日開始就無提供啦🤡
見有好多comments 都話係因為有人衰貪心拎袋拎走，搞到啲餐廳唔再咁做。 我覺得呢個唔係主因。
一樣米養百樣人，世界咁大度度都有仆街仔。但呢一行為並唔係無解。
最簡單，好似老麥咁，本身出餐跟一兩張，有需要再問staff拎。再唔係放收銀處又得。
最根本都係啲餐廳老世小家，想慳賺埋呢少少。
有評論話驚人攞走曬紙巾，但呢d絕對係少數。咁大陸唔少餐廳都有提供喎，咁人地又唔驚，唔通香港人比大陸人.........🤔🤔🤔
我見過問佢拎紙巾$2/包，
另一間水就要$7/枝
堂食都咁
當我錯重點
唔係老母會教落日常褲袋衫袋更新袋一定一兩包紙巾跟身㗎咩
我都係做餐飲 公司都有提供紙巾
基本set左係枱
唔好話貪心啊浪費個d我唔理啦
但我地都唔會特登擺出黎
有需要既客人會出聲問我地拎
不過如果真係咁有需要
我諗隨身自己帶一包都唔係好難既
以前有D茶記會比D好似牛油紙咁既紙巾, 個嘴抺極都唔乾淨咁😂唔知大家有無用過
唔成疊放出黎驚人偷我明 ，但有需要先特登問佢要一張紙巾抹咀都逼人買包紙巾個啲真係冇下次， 唔通我要支牙籤又要成筒買？ 落少少調味又要成樽買？
為個一張半張紙巾麻煩個客係小家 執咗都唔可憐👎
我個人覺得做m記，提供埋茄汁調味料紙巾比食客係好基本。。食薯條張落，食完飯沬個嘴都要。。
但偏偏全香港m記都唔肯行埋呢一步。
老麥以前甜酸醬都唔使錢，咪又係比班人又食又拎，結果而家咪要收錢囉
有評論話驚人攞走曬D紙巾 咁每位顧客派兩張可以嗎？
問過銀龍，莫講紙巾唔俾，就連問佢有冇三文治紙，佢都話冇……當然冇再幫襯佢啦
提供紙巾咪畀人哋掹曬, 嘥氣啦
我試過搭巴士, 見到關愛座有個阿嬸, 拎住一卷公廁最大卷嗰啲廁紙, 乜嘢都冇包, 隻手穿係中間個窿就咁坐巴士🤣
原本香港「餐廳」一定有紙巾，我人生第一次見無紙巾，要同佢買一包包，就係麻辣米線啲大陸嘢
香港人出街好少無紙巾, 好少用餐廳既, 第一唔乾淨, 第二費事問佢地攞, 所以我地唔太注重呢樣野, 更加唔會因為無呢樣野而介意.
做飲食成功嘅人係去賺錢，
做飲食失敗嘅人係去慳錢。
其實大陸餐廳都做到
真係唔明香港餐廳點解唔得
香港客仲cheap過大陸客咩？
可以消費完提供1-2張，有好多方法可以比客，好似麥當勞咁每個餐都比少少，但香港好多餐廳就係要逼人比嗰幾蚊去買哂成包，特別係嗰啲食米線食有湯嘅餐廳最鐘意用呢招，等人食完嘢成嘴油逼住幫襯餐廳買紙巾就係為咗抹一下嘴
擺包紙巾係到有啲撚樣真係抽到成枱都係 講真袋你幾十蚊仲要扣燈油火蠟幫你執咁多野真係要諗諗 咁當然你問都實會畀既
自己帶紙巾有什麼問題？
餐廳俾啲紙巾都唔知乾唔乾淨
況且疫情之後好多人都唔用餐廳提供嘅纸巾