📌 我個人認為喺香港，普
共 67 條紀錄
我個人認為喺香港，普遍嚟講女人比男人幸福好多。可能好多女人唔同意。
理由如下：
1、男人有事冇乜人幫，女人有事好多人幫。
2、普遍對女人態度好好多。
3、行為上雙重標準：
例如露體狂，男被認為是變態，女被認為情緒有問題。
4、女人中上樣或以上容易賺錢。
5、女人成功標準低，男人成功標準高好多。所以好多男人自卑唔係因為無能，而係成功標準太高。
唔覺，香港係睇你實力 你勁就係勁 廢就廢 認命就好 唔關男女事
我身邊大部分女性都遭受過性騷擾或者性侵犯，男仔追唔到唱對方係雞，一堆人和應：有付出嘅好男仔你都唔珍惜；賺得錢嘅就會俾人懷疑：俾人包養啦佢，係咪搵到Sugardaddy啊？；一班好朋友影兩張相：綠茶，一對人喺下面評論邊個靚邊個唔靚；鍾意運動或者車就即刻勁多考考男喺度質疑對方夠唔夠資格；識得揸車：女司機出嚟講聲，我避開；唔化妝=唔打扮自己唔尊重場合，好多工都要求女仔要化妝
原來對你哋嚟講係一種幸福？
好多女人都好奇怪，你地覺得受到不公平嘅待遇，就會出嚟表達不滿。但當你地受到優待(例如我講的五點)，就會隻字不提，好似當啲優待從不存在。
男人見到女人受到不公平嘅待遇，往往都願意伸出援手；女人見到男人受到不公平嘅待遇，往往都袖手旁觀。
係咩？通常都係見到一堆男人喺度檢討受害者咋喎，反而女人就真係成日出嚟護航男寶寶
我就真係冇受過呢啲優待啦，加上你所講嘅呢啲睇落係優待，其實背後佢哋都係俾人奚落，有咩咁優？男人就真係隻字不提自己嘅優待啦，身為第一性好多尖酸刻薄嘅說話都唔係發洩喺你哋身上，一堆粗口難聽嘅句子都係針對女人，男人真係好奇怪，日日都講呢啲說話然後而家就避而不談

5.你唔成功係因為你比其他男人弱，唔好夾硬燒埋女人嗰份
香港男人冇樓冇車都唔叫成功啦，對女人邊有呢啲咁嘅要求啊
其實啲男人嘈緊嘅嘢係父權塑造出黎男尊女卑嘅社會，佢哋投訴緊自己有咁多權力，點解我唔可以同女人一樣去做鴨🤣
點解我要努力鍛鍊，服兵役去掌握軍事權力，點解我要努力賺錢，唔可以靠人養🤣🤣🤣🤣
父權成功案例，玩家陳x希，事件發生後，佢可以退落嚟，離開娛樂圈，婚後就稱讚為好爸爸，好丈夫。但其他女仔下場呢？退穩，婚姻失敗，其中一位受害者，一句說話(我好天真，好儍)就被世人恥笑多年，社會對男女雙方睇法截然不同。
2026啲女仲攞1926嗰陣嘅慘況嚟講
又鍾意攞嚟M生仔嚟講，鍾意切男人，M痛又唔切自己子宮，生細路自己有份決定又講到好痛好慘男人害嘅，男人唔使受好好，你老母你有讀書知會痛，唔頂得咪撚生！
最搞笑係男人嘅生理狀況需求又可以唔理，𥄫女就係變態，但女人嚟M同佢非親非故都要顧及遷就佢，咁又唔係變態，男人唔顧佢就涼薄，你唔顧男人但要男人顧你☕️
M痛確實慘
但同化妝、美容、着靚衫……呢啲根本係選擇，冇人迫佢哋
咁都可以賴落男人
潑婦罵街level係咁
只要諉過於人就無錯就大條道理屈你鬧你
有事就示弱屈你，無事就屌你
講咩女人容易賺錢
你攞個數據嚟睇吓囉
https://hk.indeed.com/%E8%81%B7%E6%B6%AF%E8%B2%BC%E5%A3%AB/%E8%96%AA%E9%85%AC/%E9%A6%99%E6%B8%AF%E5%B9%B3%E5%9D%87%E5%B7%A5%E8%B3%87
男人人工都係高30%
啲高層大部分依然係男人
女人點樣賺錢易啲
女人企起身並唔會令男人跌低，除非有人本身就企係女人脊椎上🤷🏻♀️ 你嘅失敗同女人零關係，應該怪自己人心不足蛇吞象
我幾時有講過女性令到男性成功標準高？
我只係話女性成功標準較低，
例如 做到60分已經好多人讚/認為做得好
男人做到80分都冇乜人讚
多讀書，多睇新聞，根本無數據事實顯示女人成功率高於男人，每個行業高層女性邊個無高學歷靠拼搏多年？係你被網絡荼毒太多，以為靠樣成功根本係某類人廢到唔甘心，又唔敢妒忌成功男人，轉欺凌女人嘅成功造黃謠，靠此圍爐取暖，醒下啦
我講嘅 成功係指某一方面，唔係整體，亦唔係指名城利就。例如女仔個樣60分叫靚，男仔個樣80分先叫靚。好多方面都係咁，所以冇乜人會讚男人，反而好多人讚女人。
醒下啦，有優待從不承認，自欺欺人好嗎
現實同你描述嘅完全兩個世界咯，女人點打扮自己都係比人話60分，明明個男人自己大肚腩成隻豬咁，都認為自己有80分啦，你根本係度閉門自車，食唔到優待係你天生條件差後天又唔肯努力，呻慘妒忌同你零關係嘅女性，只會更令人睇唔起🤪
有樣嘢搞錯咗，呢度講嘅唔係生理性別女，而係靚女先係女人
班女人會即時話女人好慘bababahh 攞哂著數仲要呻慘
而男狗公會白馬騎士上身扮公正 實則踩男人以搏取女人俾佢地破處
留言已經2個例子
1、男人有事冇乜人幫，女人有事好多（男）人幫。
2、（男人）普遍對女人態度好好多。
3、行為上雙重標準：
例如露體狂，男被（女人）認為是變態，女被（男人）認為情緒有問題。
4、女人中上樣或以上容易賺錢。（邊個睇樣？男人囉。）
5、女人成功標準低，男人成功標準高好多。所以好多男人自卑唔係因為無能，而係成功標準太高。（咩為之成功標準先？邊個定？男人？）
你以上全部以為嘅女人著數都係男人搞出嚟，不如你哋檢討下先，男人要幫男人💪🏻
以前女性就好慘，好多重男輕女、男尊女卑的思想，而家好似調返轉。
女人有事好多人幫係指咩事？指搬水？係咪醜女都受惠？中上樣就最多得30%女有，其他70%點？根本男又好女又好都有各自困難，人係自私，唔會因作為女性就著so, 話男人成功標準高，女人唔係咩？30就要開始比人笑老笑醜，哩種欺凌又點計？仲有結婚生育既壓力都係施加女人身上，1個人男35未結婚無人會笑人，但女人呢？根本個社會本欣pk刻薄,入面生活既人就無一幸免，怪就怪自己民族性衰格。
第一樣超級堅！ 特別我喺寫字樓工，經常都見到喺咁樣的。 然後女人仲講，男人比女人幸福，過得好。 笑死！！
點解要咁啊…
男人、女人、窮人、富人各有自己嘅苦難…
呢個地球成個地獄咁，大家都係度受緊唔同花款嘅苦，比較咩呢？
人睇人好，每個人都覺得自己先係最慘。
你見人笑，就覺得人哋幸福，可能人哋琴晚先𠝹完手，仲孭緊老竇走佬筆債，你點會知？
梗係有啦，你見到做女人咁多好處，咪鼓勵你做囉，正面架
不如睇返數據先，男平均入息多定女人入息多。好多結婚生埋B嘅女士除咗要返full time仲要照顧屋企，連小朋友讀書活動報名處理文書都係女人攪埋。
5. 男女成功標準理應係一樣，都係講收入，不過滿足感黎講，男同女既標準就可能有分別。
唔係， 女人差唔多全部方面嘅成功標準都係較低。
例如女人考到車牌，啲人話好勁呀！
男人考到車牌，啲人話唔難啦。
運動方面更加唔使講啦，啲女人做到基本嘅動作，已經大把人話你好犀利。
父權社會創造出黎個時最重要係要女人無條件無限服從男人 而家對男人最有利嘅呢一條規則都已經被取消了 點解仲要叫這是父權社會
1. 個別問題，好多男人都好多人幫你見唔到啫
2. 個別問題，邊個唔知女人脾氣好好，有苦照忍，男人講兩句就開拖，寸步不讓。所以應該係女人對其他人態度好好，男人對其他人態度好worse
3. 樓主自以為是嘅雙重標準。望返露體狂定義並冇分性別：偏好在公共或半公共場合對不知情者曝露身體中通常不會暴露的部分的行為，例如暴露陰莖、臀部或乳房。
4. 男人中上樣都容易賺錢，只不過好多男人不屑於賺外貌錢咋嘛，冇人逼你㗎。你自己唔賺，跟住怪人唔俾錢你，打橫嚟講啫
5. 呢個簡直係極大誤解。你班普通男人廢就廢啦，唔去望下幾多傑出成功人士都係男人？人哋男人得你唔得，就賴自己唔係女人。只係想為你自己嘅無能懦弱搵藉口遮羞，搵女人做替死鬼係因為女人脾氣好唔同你一般見識
結論：樓主作為男人極度情緒用事，缺乏邏輯理性思考，鍾意表面判斷事物，並且亂咁label人，極為可憐愚蠢
1-2其實都關你哋男人事喎，點解連你哋啲男人都對男人咁差？例如喺職場上，男上司通常對男下屬態度冇咁好，做錯嘢又會呼喝，同埋男同事之間又唔會點樣幫手，其實點解會咁嘅？
你見到女人有人幫、有著數，但睇唔到代價——被低估、被物化、被雙重要求。呢啲唔係幸福，只係另一種壓力。
我淨係講第五點！你話女人成功標準低，我見到嘅係女人事業要成功、同時又要兼顧家庭、外表、承受年齡壓力，係multi-KPI。男人反而係單一KPI (事業/收入）。
你將女性嘅結構性壓力當成『幸福』，其實只係你睇得太表面。
唔覺，1.有冇人幫係考驗你的社交網絡；2.態度好唔好，男女都睇氣場態度和人品而定。3.男女生理上是有差異，如果你朋友遇到女性露體狂，你會笑佢遇到好事。4.等等，男人中上同樣容易賺錢，正如第二點。5.因為社會默認女性的成功係照顧家庭，但掉轉唸，女性無論你幾努力都只係被期待照顧家庭，沒人會對你嘅成功有期望，係另一種的絕望。自卑不論男女都有，但好多時只係心魔，人人都有。
我吾認同，依然好多廢人認為女人努力同成果係=做雞。
女人有一樣幸福係：有得選擇，你鐘意事業權力，升到女高層都得。你鐘意全職湊仔又得，打散工裸辭探索世界又得。
男人就無論任階層，有錢如鄭志剛都係要返工，根本上男人冇左事業、搵錢能力，就社會性死亡
我覺得返工時都有優惠 例如做錯野時
男 她多時會鬧得狠d
男人中上樣或以上都容易賺錢呢其實
如果男人唔覺自己係無嘅，咁可能係自信過高實質未到中上樣啫
而有d對男性嘅求同女性唔同，係從古時父權社會產生出黎，應該男性要做主導，要叻過女性，男性要成為負責屋企重擔嘅角色，我哋唔論實質有無叻過同有無做野呢d，但期望係由始而黎
其實我諗大家對一個人嘅成功嘅標準都好一致，廢就係廢，成功就係成功，唔洗講男人靠咩女人靠咩
有d人講說話得確好鍾意性騷擾人去貶低人哋嘅成功嘅，之前有個考車牌嘅女人俾人網上性騷擾問佢除咗幾多件衫。我唔清楚男性考車牌會唔會俾人問呢d，但我肯定問嘅人係好咸濕鍾意性騷擾同貶低人
好唔好過，人人情況都唔同，唔係男女嘅關係，係人口臭唔口臭
第4點唔系好同意，首先無論系男系女只有樣好睇多數都容易賺錢，而家呢個世界一啲男生得個樣靚仔啲或者陰柔啲邊個唔愛？仲有可能收穫一啲男銅添。
另外我想表達，呢個世界厭女嘅人比厭男嘅人多，就好似你甘。
中上樣或以上嘅女仔，有好多揾錢途徑：例如私影、賣電子相、廣告……同埋有太多人對佢地好，主動幫佢地俾錢。
中上樣以上嘅男人就少好多
同埋我唔係厭女，啱啱相反
其實慕強外協又好都係人性無得解
一去到要俾半杯水幫唔夠好既人
就玩弄文字魔障掩飾葉公好龍
一係驚你唔死踩多幾腳
所以冷眼旁觀算最大功德
我都覺得有啲係人性，例如我做補習，好自然會對女學生好啲😂😂 所以要控制一下自己，唔好咁偏心。
我最想講嘅嘢係，社會普遍對女性較好係事實，但係啲女仔唔會承認。
你講嗰啲情況都係某小部分情況姐
身為一個係香港生活既女人我唔覺得自己幸福過男人
吓，講賺錢係用靠樣揾色嗰d做代表，唔係睇平均入息/資產水平，或者高官/大公司高層邊個性別佔多d？
睇你點界定咩叫幸福啦
當你每次想著件背心岀街
去到邊總有個丫婆丫嬸望住你
入到地鐵總有人望住你，想食左你咁
你又會唔會覺得幸福先？
女性都有男人體會唔到既難受
🤔我同身邊嘅同事/fd都已經去到一個，就算男人咸濕都係將個重點擺咗去「佢係個死kamL」，而唔記得咗佢係個男人嘅境界
人嘅分類只有正常/Kam、廢/唔廢
除非對住某啲行業嘅老屎忽，有條柄係真係待遇好啲
男人形象係強大但要負更多責任 女人形象弱小但可以過得輕鬆啲 男人係形象上有優勢 女人係實際上有優勢 兩邊都有優劣 其實冇乜問題