📌 我個frd有輕生的念
共 47 條紀錄
我個frd有輕生的念頭點算
認識咗12年，佢今年先22歲，兼職認識咗個大佢5年嘅男仔拍拖，有病感染HIV，我知佢而家一定又驚又委屈，打擊好大，明明佢嘅人生先啱啱開始，佢係一個咁好嘅人，自己賺嘅都唔多，由中四開始都會攞出部份零用錢做善事，點解會係佢遇到呢啲事，點解我最好嘅朋友會遇到咁嘅事，點解唔可以俾佢有一段美好嘅初戀？好唔公平，我想安慰佢，想留住佢，但我唔敢亂開口，驚更加傷害到佢
我建議你帶佢去睇醫生，問一問有無得睇醫生解決先。
之後睇下有無得帶佢去社工，
或者輔導之類嘅專業人士
身體，心靈都要醫，
最緊要係，你要陪佢多d, 起碼人生中，佢知道有你錫佢。
你都辛苦架，為你加油
大家嘅意見同埋鼓勵，我有逐個cap圖俾佢睇，想問吓大家有冇病友group，我想俾佢睇吓啲同樣中招，但仍然堅持 正常生活嘅人
首先，明白你個frd 呢一刻一定好痛苦，好不安。
不過，HIV而家只要定時食藥，食到病毒係undetectable 既狀態，基本上都可以好似正常人生活，可能免疫力會低少少，出街去多人地方帶口罩保護自己注意衛生就ok，藥方面政府有資助補貼。
甚至可能醫好hiv 既藥好快就會出現，比啲時間等一等唔好咁心急走住
俾我就會公開條仔嘅樣，幫其他姐妹/兄弟唔好中招⋯ hiv圈子自己開個group玩唔得咩，定係普遍反社會，要搞9其他人
女仔可以拍拖，但唔可以咁容易發生性關係，有咗/染上性病，受苦的都係自己，講咩女人都有性需求，要解放，騙女仔㗎咋……女人唔識保護自己，無人會保護到你
HIV 依家醫藥進步 ART 療法可以治療 一直治療加追蹤到 undetectable 就已經無傳染性，終生治療同追蹤一直無傳染性就可以正常生活，希望幫到佢！（因為讀生活方式醫學碩士，真的覺得實證醫學科研好重要，性健康與生育都重要支柱要努力大推）
同佢講而家感染hiv已經係一種長期病患，食藥控制就好。
早啲帶佢睇醫生，HIV係有高機率發展為愛滋病，但係最少可以控制住拖住唔發病，將來有冇得醫冇人知，但係一直有治療研究
叫佢take it easy啦 既來之則安之
不過要畀佢同其他香港女仔知
條路自己揀仆街冇得冤
有咁多好男仔唔揀揀個性病男
會唔會係貪樣/高大/甜言密語？
如果男仔知自己感染HIV , 而佢冇知女方，已經構成傷害人身罪； 如果因病女方死亡，構成謀殺案
Hi, 要知道感染咗HIV唔係等死，一路食住藥都可以健康生活落去，做自己想做嘅嘢。
睇咗你哋少少嘅post，依家可以做嘅好簡單，就係去睇咗醫生先，一路食住醫生俾嘅藥，壓低病毒量去到檢測唔到，之後嘅可以大家一齊再諗，有咩需要都可以隨時聯絡我哋
其實生命線個workshop教咗第二個重點,就係要敢開口chok佢係咪想自殺,點解咁做呢？導師教由惗自殺到自殺個過程就好似一條河流,冇人出聲即係任由佢自殺嘅惗法發酵到自殺行為,出聲拋佢係咪想自殺目的係折斷呢條河道,等佢自殺個惗法揚咗出嚟,亦等佢知道有人關心佢,從而減低佢進行自殺嘅機率。
有冇人係香港撒瑪利亞會上過類似反自殺課程？
唔好講到咁無辜啦，一切皆因色心起。
心存淫念，做咩事都會不順😗
都可以報警，在香港明知自己患有性病（如 HIV/AIDS）而故意或在魯莽情況下傳染他人，屬嚴重刑事罪行
🫂攬攬你個朋友 我曾經都留唔住自己個朋友 因為自己本身口賤唔識講嘢 所以我嗰陣揀咗唔出聲 咁就失去咗佢 你可以聽佢訴苦 或者簡單俾個擁抱佢 同佢一齊了解吓呢個病 陪佢一齊睇醫生 渡過呢關
N年前,外國有個反自殺嘅團體叫生命綫,參加咗個workshop教點樣同想自殺嘅人傾電話,一開始第一樣教,就話要有心理準備,你一開口講嘢對方有可能馬上進行自殺,萬一死咗,千祈唔好怪責自己。
總知,勸人唔好自殺嗰個,心理質素一定要强過自殺嗰個,就算勸唔掂死咗,都唔可以自責令自己患上精神病。
希望你了解吓U=U 既概念，我都有某任前度係positive
現家有藥食，只要積極治療，食到可以正常生兒育女都仲得
依家醫學昌明，咁早發現可以食藥控制體內病毒量，可以好多年都唔會病發同正常人一樣身體健康，甚至接受治療後體內病毒量低到測唔到就不具傳染性唔會惹人，而家醫學科技進步好快，好可能十年內就會有治療HIV嘅藥或者更好更普及同便宜嘅治療方案，希望佢唔好因為社會對呢個病嘅偏見而覺得人生已完，好好面對跟住落嚟嘅人生同照顧好自己，佢冇做錯任何事，只係一個唔好彩冇任何唔光彩，每個人都有機會遇到，同被狗咬到一樣🌞
初戀就遇着渣男真係好慘🥲 年紀咁細好多野都仲未體驗過，輕生實在太可惜。。。請堅強生活🙏 當佢搵到人生第一桶金時升職時，就會發現自己係幾有本事同能力。當佢踏片世界飽覽美景時，就會感恩自己當日嘅堅強！例子不能盡錄。。。論懲罰嘅話都係個男仔要受懲罰，唔好變左懲罰自己咁傻豬呀🥹 作為安慰者嘅你都要加油💪
搵呢方面既機構幫手，例如「再思」（Choice)之類，若驗到陽性既話，佢哋會一條龍服務，寫轉介信俾醫院、陪患者一齊睇到醫院睇醫生、每月有心理輔導，全部都係免費，只要肯自己踏出第一步就得
千祈唔好比任何意見佢，要陪住佢，聽佢講野，陪伴係好重要
而家嘅hiv同乙型肝炎都差唔多，食住藥已可同正常人生活一樣。好好地生活，食好啲瞓好啲，做運動keep住身體健康就咩事都無。佢咁後生，大把好玩好食嘅嘢等緊佢試啦。
我有friend係殮房做，近幾年好多跳樓自殺等個案，好多年青死者血液樣本有HIV抗體，大家小心！
HIV宜家可以定期食藥接近完全抑制病情
都可以正常生兒育女
唔需要絕望
如常生活 如常陪伴
沒有人需要特別呵護
除非 佢自己想
而家有藥可以控制，但想問個男人係咪一早知自己有事？
接受係無可能接受，只可叫你個fd以積極接受治療。對於未來，係心理關口大於實際會遇到既問題。好消息係宜家治癒既研究，已經就去到臨床既階段，應該呢十年八載會從不治之症中除名。
其實係醫學中心，有d 叫接納輔導，我以前都有幫HIV 患者做過呢d 輔導 叫佢地去同人傾下，我十年前接果d client，而家不知仲幾健康，如正常人無分別，叫佢唔好諗埋一邊，你估而家既HIV 仲係幾十年前咁咩，好多野都進步左好多啦
第一個po就HIV, 擺到明係預防hiv協會廣告或創作假文
有HIV又唔係有cancer ，心臟病。你估仲九十年代頭咩，家下係普通都唔普通既一般長期病患。
HIV其實有阻斷藥，現時療法都有好多。中左唔等於玩完。係唔知佢仲接唔接受到果段關係。係男友出軌定一開始就有仲隱瞞佢。
驗左先，可能未必有事。同埋多啲陪佢😞🥹比佢知即使有事，佢都有你係身邊陪伴。
單獨面對真係好易出事。