對不起各位沒有講清楚其實我兄弟是女人
現在受到傷害想詢問意見!
啱feel?
你一開始同呢個女仔拍拖嘅時候嘅都話啱feel 架
唔好比新鮮感蒙蔽自己
當你想出軌嘅時候 不妨諗返自己點解會同呢個女仔拍拖
咪一時精蟲上腦 而後悔一生
雖然你講得好啱 但係我兄弟係女人依家佢受到傷害
當你朋友已經有呢個諗法就快啲分手 唔好害咗原本嗰個女仔
真 當你心裡面可以對自己女朋友同其他人做選擇嗰一下，你就已經不愛了！全心全意愛一個人既話，其他人又點會入到法眼！
我講難聽d 其實變心已經係出軌
真系夠愛對方，根本唔會將自己置於可能會同其他異性產生摩擦/感情嘅場合。就係唔夠重視呢段感情
好感 =/= 愛
有好感同真係建立一個“喜歡”嘅感情差好遠距離
退一步講啱feel唔等於適合一齊
所以啱feel唔構成一個應該離開嘅理由，相反如果已經去到一個“鐘意”嘅階段其實已經一早出左軌
本身有伴侶嘅人係唔會有機會將好感發展成喜歡
貪新鮮就貪新鮮，夾唔夾係睇長久嘅相處，冇咩很唔很啱feel，咁下次見到個「更啱feel」係咪又分手？
心入面有壞想法人人都有，邊個唔想另一半條件更好 更啱feel，雖然拍拖唔同結婚有法律效力，但一齊得唔該認真對待對方，好好守住每個承諾，唔係一邊講愛佢另一邊就揾第二個。
選擇第二個，因為你夠愛第一個，根本唔會有第二個出現
呢種諗法個個都有 七情六慾無可避免
你控制唔到你點諗 但你控制到你點做
當初都係因為啱feel先一齊，後尾講嘅咩唔啱feel都係藉口。
心動係本能，忠誠係選擇，永遠都會有更好嘅人出現，當你問得呢條問題，即係代表你已經選擇咗，唔愛佢就放手啦。
既然都有咁既諗法
點解唔叫你兄弟拿拿聲去馬
都已經有咁既諗法仲真係愛自己女朋友咩
早小小放過大家
當你擁有了第二選擇時
往往證明了你已經不像當初
這麼喜歡第一選擇了
會，如果我會對另一個女仔覺得有feel，啫係我唔夠愛現任，咁無關我會唔會同呢個女仔一齊，我都會同現任分手
因為其實我兄弟係女人 問得出呢啲問題仲唔係？
「遇到一個很啱feel的女仔」
你兄弟拍拖仲會喺出面「遇到」其他女仔🙂↕️
如果冇辦法忠誠落去 先斷乾淨 再去追另一個 都係一個選擇
我地係感情上好多時都總係想要永遠既前進 但其實世界上真係有好多感情都冇辦法守到最後 勉強亦都不見得幸福
所以呢件事上 重點唔係唔傷害到人 而係要確保被傷害個個其實都好好被照顧到感情 畢竟佢係你朋友既曾經愛過
不會，feel會無，但同你一齊拍緊拖嗰個經歷過嘅嘢唔會因為分開就無咗
做人唔係只得feel
仲有責任同承擔
學識做個好男人先
會話一開始佢同伴侶都係因為有新鮮感覺得啱feel先一齊 只係時間耐咗嗰個feel會變成依賴同埋習慣
就算而家遇到一個啱feel嘅男/女仔都好 你換咗另一個 過一段時間見到第二個啱feel嘅又換？
我有聽過樣嘢 你而家搵到一個伴侶 佢同你好啱傾 你好鍾意佢
（我當啦 你鍾意佢80% 其他20%可能係一啲唔好嘅習慣或者需要解決嘅問題 然後有一日你突然之間遇到一個男/女仔 佢有你伴侶冇嘅嗰20% 
你會選擇呢位可以補充埋剩低20%嘅女仔定係將原本嘅伴侶由80變成100%
（好似有啲抽象….
如果你只係為咗去玩去嘗試嘅話 咁咪換囉 不過如果你係想認真嘅 只可以講 所有人都唔係一拍即合 時間耐咗一定會有唔如意或者要解決嘅問題
要做嘅嘢唔係去覺得對方唔適合自己 對方同自己唔夾 相處覺得辛苦
而係要同對方講清楚 不斷磨合 不斷一齊去解決問題 先至可以行得長久
這只是小弟的少少淺見：）