我到而家都未明夾公仔機嘅道理
機主較鬆隻爪/高位鬆爪/整好多嘢欄住洞口，都唔係詐騙
玩家用爪以外嘅方法拎到公仔，就係盜竊

因為原則上你入錢係換取「夾」呢個動作
公仔係唔包括喺呢個交易入面
「夾到公仔」原則上係你買咗「夾」呢個動作後達成某啲條件後賣家俾你嘅贈品
你俾錢，部機俾你夾，交易已經成立同完成咗
咁你買完服務但冇達成獲取贈品嘅條件，甚至根本冇買服務，而用其他方法獲取賣家嘅資產，當然係盜竊

首先呢個原則係邊個定立？有冇標明夾嘅定義係點？
照你講法 誇張啲講 我入咗錢 部機凌空夾一下空氣 係咪都無佢符？
何謂夾跟本龍門任佢搬 輕輕hi一hi都算夾？俾地鐵閘門夾到紅撚哂又係夾，咩叫夾？

賣方訂立
買方俾錢後代表按受契約

機上嘅使用說明就係佢必須遵守嘅買賣合約內容
如果佢話可以控制上下左右，結果只係凌空夾一下，咁佢係違約，可以報海關
但部機冇寫明要夾幾大力，即係只要佢有「夾」，就成立，你的確冇佢符，但自由市場會懲罰佢
明知啲機咁樣玩嘢都仲咁多人去俾佢玩，就係自由市場容許佢存在，呢啲嘢唔應該由法律規管

契約並不存在 暫時只係由普世價值決定 所以先有咁大爭議
佢話可以控制上下左右 但係無寫可以控制幾多次 每次行程幾多 無限解讀 賣家大可以話 左/右/上/下你只可以揀一種方向 咁係咪都無問題？留待自由巿場懲罰？ 咁自由巿揚懲罰前嘅受害玩家無保障？雖然只係5蚊10蚊

每一項買賣本質上都係契約
你可以話佢契約條文唔合理，可以拒絕進入契約（唔幫襯佢），但佢冇違法，除非係有法定冷靜期嘅買賣（例如涉及極大量細節嘅保險、置業之類），否則進入契約後先反悔係冇用
你講得啱呀，喺合法範圍內係無限解讀㗎，你會俾一部寫得咁唔清楚嘅機吸引就係因為有機會以小搏大，呢個風險你喺入錢之前應該要搞清楚
如果你入嘅錢同佢份贈品係等值，邊個會去搏？直接買咪得
夾之前你唔會知佢個夾有幾大力，但你都選擇入錢，即係你願意承擔呢個風險而接受呢項買賣契約
我唔會叫咁樣係「受害」，只係搏輸咗發爛咋
正正係因為五蚊十蚊，大家買之前都唔去諗風險，個風險唔係「你有機會夾唔到」，而係「部機可能只會輕輕揩一下」
自己唔考慮清楚風險，損失就話人詐騙，就叫輸打贏要