我受夠smartone 每個月200幾蚊月費 但每次地鐵入地底就咩都load唔到，4月完約大家有冇推介😭
其實唔好用5G最好，因為5G穿透力勁低，同佢發射範圍好短，要不停轉發射站，轉用4.5G好過
係啊 5G搵笨又食數據 我雖然係5G plan 但我都係用4.5G
我之前繼約佢唔洗錢話30G ，5G我用，我話我用5G收唔到呀，4.5G收到，你送俾我把鬼收都收唔到，俾我4.5G無限加唔限速夠啦
用過
2年5G，我怕怕
我想轉返4G plan 佢話唔得 因為我未完約 如果未完約只可以買貴plan 唔可以轉平plan
我都係完左約先轉返落去🥹🥹🥹我果陣要勁快用晒果30G，先落返去4.5G無限，同你所講5G食電好快
如果打機，好似倒水咁
我而家用cmhk，地鐵一行個陣就好似與世隔絕咁，我都想轉
冇話邊個台最好，每個人既生活地區範圍都不同，我手上都用緊3個台，4間都用個，之前東鐵出問題，大圍大擠塞，唯獨smartone load到野，亦不表不佢最好，應該理解成大塞車既人多過果個範圍既負載能力😂
你講得啱 電訊商要睇地區 人哋話好但唔係個個區好 我用CSL 旺角就好難load 但我試過兩次困𨋢 一次筲箕灣 一次將軍澳 我可以喺𨋢入面打到電話 但其他人（我唔知佢哋用乜嘢公司）就冇訊號 佢哋都問我用邊間公司
佢個5G垃圾
我係商場餐廳用多數斷網一係收得差
投訴過死都話佢發射塔無問題
以前用CSL喺銅鑼灣出完𨋢5分鐘都攞唔番線，喺office又可以滿格都收唔到電話，數記都有類似問題，但冇咁嚴重
其實我覺得邊個台收得好收得差，唔應該聽人哋講，因為每人嘅生活範圍唔同，每個台都總有唔同嘅強弱位，我會建議用儲值卡試吓啲台嘅coverage啱唔啱自己，雖然儲值卡嘅priority係低啲，但coverage應該能足夠反映。Lucky sim 係csl, 激valuegb係smartone. 仲有 3 diy儲值卡。基本上我都試過，有啲地鐵線其實個個台都會load空氣，例如北角鰂魚涌，轉台跟本解決唔到，反而又被綁死幾年。其實我用咗儲值卡十幾年，完全唔覺得有問題，二三百蚊夠用一年，覺得上台先係交智商稅。
我之前都係SmarTone $88(唔係5G)每個月得10GB, 上個月終於完約，買咗張$33 Sosim, 重可以攜號碼轉台添。不過我係街唔會睇片、打機。所以都夠用。慳返好多🤧
儲值卡扣扣完300蚊250GB
我就夠用一年
即係我一年電話費只係300蚊
SMT $88真無限2Mbps嗰個plan, 頭10 GB都有42 Mbps速度, 普通上網睇吓YouTube都夠用
我5G用緊3台，除左深水埗站係load空氣外，其他地方訊號都可以接受⋯⋯
Sosim 每個月45蚊，有60GB，系用3嘅網絡
我喺屋企當埋wi-fi用，唔夠可以再買plan
數記係貴,但速度唔高但穩定咁囉,本身3,CSL,數碼通,3個台既4G&5G都用過
通常出沒中上西環金鐘&灣仔個人評價,
(現在仲用緊4個台=SOSIM4+5G,CSL 5G,自由鳥42MB,數碼通就CUT左了 )
3HK:4G&5G唔穩定又慢
CSL 5G:速度係快,但盲點多,係車上成日斷下又正常下,接收唔算好
自由鳥42MB:接收唔錯,速度平均
數碼通:4.5G穩定,接收好盲點少
數碼通:5G速度快,但比4.5G唔穩定,成日會斷線
Smartone 地鐵反而穩定，但反而其他地方收得差，新鴻基樓同商場都唔得，又唔平，遲啲會轉台
可唔可以分享會轉去咩台？我見大家都話CSL好唔掂….我家庭plan，4個no.都好想轉..
搵搵吓好似SoSIM同Sun Mobile啲儲值卡都幾好 佢仲有個附屬卡可以跟，不過我一個人申請咋
嗰 d 電訊公司無自己發射嘅話，
即係要租其他公司嘅發射站。
邊個用先用後，唔駛再講啦。
每間公司，都會對用戶設定網絡嘅使用權先後次序嘅。
貴月費咪用網絡先囉，唔駛拗嘅。
咁唔知 電話卡 會排乜先後次序呢 ?
我仲以為自己用平plan(4.5G)先收唔到...
小弟之前係 CSL, 差；舊年轉用 smartone, 係平咗，不過更差，返工放工經過柯士甸—何文田段，都失去聯絡😝
200幾蚊？我8十幾咋喎........
度度都唔同，係新蒲崗我用屎碼通係收唔到，要用csl。到醫院就csl收得麻麻，要用屎碼通。