📌 我同佢相戀同居一年,
共 67 條紀錄
我同佢相戀同居一年, 自從佢去咗frd 間豪宅玩, 返嚟成個人就唔同曬, 嫌我搵得唔夠多, 想小朋友讀國際學校；日常生活越來越多野唔滿意我, 唔鍾意我打機, 嫌我唔做gym, 食野唔注意, 冇做好皮膚保養, 衣着打扮樣樣野, 多到可以唱厭惡物圖鑑；我愛佢, 我一直有努力去做佢要我做嘅野, 我都覺得佢講嘅野係為我好, 只係到最後都係分手, 離開咗我哋一齊住嘅屋企;依一年我嘅重心係佢, 我諗嘅未來都有佢, 我最近唔知自己做緊咩,totally lost, 放假難受過返工, 我應該點做?
人望高處，水向低流。
佢嘅諗法無話錯嘅，邊個唔想住大屋，出入有靚車，有人服侍？你我都想架，如果真係去到果個位，咪祝福佢囉。
你自己都要努力發達，可能第日都有呢啲生活，又或者有個富婆包起你，你都唔洗做。
無論有冇佢，你都應該管理好自己既身體，努力提升自己既收入、生活質素，係為你自己。打機唔係唔可以，但要搵夠多，响自己屋企舒舒服服咁打。
物質社會同資本主義經濟市場，人類的安全感同滿足感好多時都係建基於金錢上，加埋同朋友或親戚之間的互相比較，更加令人產生對金錢或物質上嘅追求，唯一一句就係勸你搵多啲錢，如果唔係就算比你搵到下一個女朋友，一樣好快散。
Bro, 不如Join我呢個單身少林club一齊敲木魚
嫁比老闆比起追求一段完滿嘅愛情更簡單🤣
共勉之
好好的提升自己，注意儀表，讓自己有光彩。吾系要博命賺錢住豪宅呢d，只系按自己能力定目標，做好就足夠了。再之後回望今天，你會多謝呢個女人，因為你已經變得很優秀了。加油!
我會, 多謝你; 只係我好難想多謝佢, 我哋有過好多美好既回憶, 離開左佢我覺得好痛好痛苦, 我寧願冇遇過..
講到尾！你都係分手好過，唔好阻住人地發達釣金龜，繼續同佢落去你都唔好過
朋友同學仔好多放棄結婚打算,佢地都好努力,都達唔到女方要求,有個係Pwc做過因為揹黑鍋要裸辭,一路揾工揾唔到走左去澳洲讀master,讀完係澳州揾唔到工,跟住返香港考到政府工3萬幾開始,本來揾開5萬幾,佢話唔拍拖唔結婚過埋下半世,可悲🤢
咁你個朋友慘過我既..., 我工作果度還好, 我攪得掂自己既, 不過我都有侮氣咁講 唔拍拖唔結婚😂 因為好難想像, 自己可以再同另一個人熱烈地相愛; 希望你朋友可以活得更好, 加油
拜金，唔啱咪下一個囉
呢啲人共富貴，但共唔到患難
為咗$而移情別戀嘅女人，早死早超生，move on, next
She don't love you , long time ago
想發達唔係問題，心態老奉理所當然要你俾佢先係問題，想要嘅全部係建立人地眼光點睇，人有自己又要有，咩都要企得前過人為同人比而比，連係咪真係咁想要都未知。
你放佢走啦！ 搵愛識得欣賞你嘅人做老婆啦！ 人各有志。
Relax 師兄，理性邏輯啲，呢個世界人夾人，兩個人都各有自己可以俾同想要嘅嘢，唔match 就冇傾，你得兩個選擇，一係發𡚒發達搵番佢，一係搵另一個，完
冇事嘅。
照現時狀況生活，等自己慢慢適應，慢慢復元。
突然改變即係佢鍾意左第2個,你為佢點改變都好,最終都係唔滿意,你唔分手真係自己攞嚟
😂 我係固定受薪 都有自己生意既 但你講得啱 佢對我既厭棄係360度源源不絕
活出更好的人生
She is currently out of your league
你擋左粒子彈啦
你而家唔知咋,諗下娶左佢,你會有幾大壓力？
要求另一半做咁多嘢，佢自己好完美咩？你揀人，人揀你啫！真係無必要比較～
同居一年咁快睇清楚佢係點既人，都係好事，早走早著。好過唔分手，但日日都有野唔滿意撩交打😂
對你黎講分手好突然，所以要復原時間都會耐啲。扔晒佢啲野先，重新收拾過屋企再慢慢黎吧！
係.. 我拖左好耐 我唔捨得 佢係我最愛 ..冇辦法