📌 我同另一位男同事，都
共 47 條紀錄
我同另一位男同事，都結咗婚，並且有子女，我不嬲都同呢位男同事幾好朋友，有時間會出嚟食飯，呢排有幾次同佢晏晝食飯，唔知講吓講吓又多咗嘢講，我覺得幾開心，好似有啲感覺，成日都諗返食飯嗰啲開心畫面呢，個腦有粉紅色泡泡，好似忘記咗現實咁，個心飄下飄下，我應該點做好？
好心啦，忘記咗當日結婚嘅誓詞咩，仲有仔女，唔好去害埋人哋頭家啦，咁鍾意搞男女關係就唔好結婚啦，做咗人阿媽都咁天真可愛嘅。 人同埋野獸嘅分別就係人係要管束自己， 你問點好既然自己會有非分之想咁就唔好再同佢自己單獨食飯或者唔好見咁多。我大把男同事男line manager 約我食飯，但係我每次都叫埋我下屬一定去。
大家都有家庭，唔好比一時既開心沖昏頭腦，明知道大家冇結果就係孽緣，平淡既家庭生活會覺得冇激情，但其實好多人就係咁，到最後失去所有先後悔，到時就太遲，應該要珍惜現在，已婚嘅男同女永遠唔好過界，否則連朋友都做唔成，將來只會令自己遺憾。
斬纜
破壞人地家庭唔道德而且自找麻煩，手尾好長
萬一佢只係應酬下你滿足下佢嘅慾望而已，你唔止得個桔仲要被千夫所指
傾下計無妨，但唔好一齊食飯
返工前一齊飲杯咖啡閒聊下好喇
同有婦之夫之間，一定要有清晰界線
否則蝕底同受傷害嘅係你
返屋企望真d 自己老公＆兒女，
撫心自問 家庭與愛情 之間的分別先。
--
人喺會有 感性大於理性 嘅時候，
但唔好俾呢樣野 變成常規化。
--
若然權衡過 真喺好值得 行埋嘅，
請雙方 安頓好 各自家庭 先再諗行埋，
小朋友 永遠喺無辜嘅。
停止唔係公事接觸一段時間，令自己進入冷靜期，將呢種感覺冷凍一下。你而家㷫合合，再有不必要嘅接觸就會著火架喇。再多啲諗吓自己嘅仔女，你老公嘅好。（當然如果你同老公關係冇嘢）
適可而止保持界線留個美好回憶在心深處就好我也是過來人到時後悔莫及就算枕邊人原諒了已有一度很深很痛的裂痕直至永遠。
發生呢啲事真係唔係男就係女，
如果你仲愛個家庭仲愛你另一半，
而另一半係冇對你唔住嘅話，
唔該要識得拒絕，識避忌
我完全可以明白到妳嘅嗰種感覺，日久生情好正常。但妳如果真係採取咗進一步嘅行動，個後果對你哋兩個都好沉重。
其實只係重拾啲舊時感覺，只要大家無進一步，其實都唔係話唔得嘅…不過主動調戲呢啲嘢要收埋吓啦。
有感覺，有好多時係錯覺，結左婚就唔好攪人，男人對你好只係想偷情唔想找數，你甘心咩？？
一段危險關系，一時的快感破壞兩個家庭，兩邊的小朋友都會受到傷害，動刀者必被刀所傷。
到此為止，一段冇結果嘅關係，永遠收藏喺自己一個人心入面一生一世，俾自己去回憶。
我意見係：「喺度食，唔好喺度痾」，況且佢已經有家庭，妳唔好做第三者，講完👌👌
知道，但係同佢傾偈真係好搞笑，我成日整蠱佢帶俾我好多歡樂
乖乖聽我勸，傾得開心係好事，但一牽涉到有愛的感覺便危險了，破壞別人家庭，罪大惡極，臨崖勒馬吧👌👌
放完假之後佢都會約我出去食飯，咁我都照去好唔好啊？
不要單獨約會了，約多个朋友一齊吧，我係男人，好易着火🔥㗎，乖乖啦🙏🙏🙏
知心朋友同情人係兩樣野，大家可以做對方樹窿，但係唔好再行多一步破壞呢個關係
只當佢係職場上既戰友就得，其他要保留邊界感，人地有家庭，自己都要潔身自愛
醒醒，保持距離。隔梳一排先再食飯，再次找老公接你，或者永遠第三者在場。
睇留言只係着重男同事已經結咗婚，但我睇到好似雙方都已經結咗婚同埋有仔女
仲青春期咩，同異性食下飯，好傾得就春心蕩。搵d娛樂俾自己分散下注意力啦
荷爾蒙作怪，要諗下同另一半是否有問題？諗吓點解決再激活番段關係
你係咪認真㗎 ？如果認真嘅話，咁就勸你幾廿歲人唔好咁多幻想。
好似淨係妳單方面春心動，妳一個決定搞散2頭家，何必！
幻潮情慕湧，
恍惚踱軌歪，
葩怯迎甘露，
只待玉橫陳。