📌 我哥結咗婚之後一直同
共 64 條紀錄
我哥結咗婚之後一直同父母同住，佢宜家有兩個小朋友，佔用屋企三間房+車位！（間屋本身四房，係我爸爸年輕打拼儲錢買返嚟。）
我父母未退休，所以小朋友出世之後好多時都係阿嫂媽媽照顧小朋友（有時係親家過嚟父母屋企，有時係送D小朋友去親家屋企）！我阿嫂基本上唔使搭公共交通工具，每日返工放工坐阿哥車，我阿哥收工返屋企要煮飯洗碗。（我阿嫂唔識煮飯，亦都唔會入廚房。）
問題嚟啦！阿嫂最近喺度嘈，所以我最近先知佢哋一家四口每個月俾幾千蚊家用，宜家想唔比家用，原因係我阿媽冇幫手照顧小朋友同埋冇煮飯！
＊作為姑仔我知我唔應該出聲，但係我阿媽都未退休，就算佢放咗工有自己嘅生活有咩問題？佢話我阿媽連飯都唔煮俾自己老公食叫個仔煮⋯⋯所以唔應該比家用！其實你哋一家四口比得過幾千蚊，住咗屋企三間房仲要用埋我老竇個車位，既然咁唔滿意點解唔搬出去住！成日話係我阿哥唔肯⋯⋯咁唔通幾千蚊租金都唔肯俾？唉！係咪應該屌我阿哥？
＊補充返！我點解知？係因為我阿媽同阿嫂喺屋企嘅WhatsApp群組嘈緊⋯⋯
1)我由升大學開始已經唔係同父母同住，直到今日已經結婚有自己嘅屋企。
2）根據阿嫂表示結婚之後繼續同父母同住係哥哥為咗照顧父母
-阿嫂指責我媽媽經常放工去打麻雀叫哥哥煮埋飯比爸爸
-但媽媽話我哥哥一開始就話阿嫂口味同爸爸唔夾所以基本上都係我爸爸自己食埋飯先返屋企。
3)阿哥阿嫂結左婚差唔多6年先生小朋友
-阿嫂話本身無打算生，但係唔多唔少因為我媽媽成日吹佢生所以高齡產婦都生，但係有左之後又唔煮飯又唔買野比佢補，感覺我媽媽得個講字好似比人呃左咁。
4）想減家用／唔比家用
－因為想比多D家用襯家，宜家係佢主要照顧小朋友。
5）原來佢未有小朋友之前我媽媽曾經提出叫佢地搬！如果覺得外面租金貴的話，我媽媽係九龍有一個單位（3xx尺無車位）可以平啲租比佢地！
-阿嫂唔想，因為返工會遠左。
總結：我阿哥廢，痴住間屋唔搬，又唔出$請姐姐，又唔租返個同區單位，搞到佢自己老婆覺得委屈又令媽媽唔開心。
老實，你不要出聲⋯是不關己，默默支持你媽就好⋯
暗地叫你呀媽唔好要果幾千蚊，叫佢哋自己攞啲錢出去租屋住😉
加入對話
👧🏻: 阿嫂既然同媽媽唔啱傾，有冇考慮出去揾返個安樂窩啊？
正解
Send埋啲4房單位租盤賣盤俾佢地
有大大個價錢 叫佢地去睇吓放盤
你呀嫂對「家用」係唔係有咩誤解？我結咗婚搬左出去住都仍會比家用我父母，主要係報答佢地養育之恩，唔係用係我生活上嘅補貼。佢地想點用d錢係佢地兩老嘅事，我唔會期望佢地收左錢要對我提供服務
嚴格嚟講，第日你父母過身間屋係你同你阿哥
呢啲鵲巢鳩佔嘅行為一早要屌
依家問題係父母有冇出聲先？
你阿嫂真係無恥到，相信佢呢家人會霸埋呢間屋住
你而家要快啲出聲叫佢哋搬走
唔可以縱容呢啲無恥嘅人
唔俾家用係絕對冇問題㗎，所有嘢咪執返正嚟做，下個月1號開始首先叫佢哋按市價俾返三間房同車位租金、水電煤雜費按比率計算，日用品其他嘢自己去買，唔好拎屋企任何嘢用要用就擺低錢，只要有任何不滿即刻叫佢哋即日躝🤑
奉勸各位老人家, 真係, 真係, 真係唔好同仔女住, 結左婚就大個仔啦
出去自己住, 有俾家用有遺產, 無俾家用無遺產, 捐晒出去, 攪掂
你可以鬧你阿哥
阿媽同老婆係度嘈，佢唔可以置身事外！
睇款你阿嫂開始想搶間屋
一唔洗俾家用你阿媽
就唔洗俾面你父母
你阿哥負責煮飯 分分鐘大條道理問其他人拎返家用轉頭
你阿哥冇出聲 因為佢唔想做醜人
但實情係支持緊佢老婆嘅行為
宜家你地唔企硬 阿嫂就繼續踩底線
如果你仲有間房嘅話 點都唔好讓出嚟
叫你媽同佢個仔計番市值租金，例如700尺同區租20000，車區租2000，佢地4個人，就計番20000/6*4=13333+2000車位，唔俾就叫佢搬走，就係咁簡單
阿媽阿爸嘅意願係點先？有好多老人家都仲係仔最親，第日有咩都係留比個仔，最希望係同個仔一齊住，你要搞清楚先好呀，如果唔係俾你老竇老母怨你搞散頭家
兩老日後係點決定我無意見，因為係佢地嘅財產。
宜家問題係原來個女人覺得比左家用係= 我媽媽要每日煮定飯比佢哋⋯⋯
係呀，當租客更乾手淨腳喇。俾租水電煤，煮食洗衣自理，房間自理，公共地方分擔清潔或夾錢請清潔公司。
請問你阿嫂係咪大陸落嚟？
因為大陸社會嘅風氣就係咁，孫係由嫲嫲湊，如果嫲嫲有工作湊唔到，咁就要有嫲嫲俾錢。
好多時會由婆婆湊，婆婆搬嚟女婿屋企住順便湊孫，間屋其實係由男家父母俾錢的，俾錢嗰個冇得住，外父外母有得住，仲要俾湊孫錢佢哋。
大陸仲要個個覺得咁樣安排天經地義好合理。
成日見到呢啲結左婚生埋仔仲寄生喺男家屋企既case，真係覺得CLS
你阿哥唔係窮到冇錢搬，係留喺度搵著數，霸下霸下遲啲你結婚搬出去之後，間屋就係佢地嫁喇
老實講你出聲阿哥一家肯定唔會聽，只有父母屌佢先有用
當然係你比返幾千蚊家用媽咪，叫你哥哥同嫂唔洗比，但唔可以再係屋企住，買清靜比父母。
BTW，我會鏟我哥哥鏟到上天，如果我幫我爸媽出頭，但我父母扮和事佬，我會鏟埋父母🫠
我大學係外地升學至最近三年先返香港（我同老公自己有地方住），但係一直都有比家用屋企！
試搵啲3房連車位租盤send屋企WhatsApp group，記得@阿哥阿嫂，同佢哋講支持佢哋搬出去唔俾家用
媽咪唔得閒煮飯好平常咋嘛，阿嫂想食飯一係自己煮一係叫個老公煮，再唔係叫外賣都得，媽咪個老公都未出聲話自己老婆唔煮飯，冇返工嗰個係咪搞笑架？
這裡沒有提到你是不是已經出嫁，但你阿哥一家四口住三房，你父母一間，我想你應該已經出嫁了，其實好多父母嘴裡一套，做又另一套，作為出嫁女，除非父母有想你哥哥搬出去住的想法，你要當機立斷的企出來，如果唔係，我覺得你最好不要摻和娘家的事，因為分分鐘兩邊不討好，還要激親自己畢竟一個願打一個願挨
邊個規定一齊住嘅老人家一定要煮飯揍孫？己所不欲 勿施於人，何況仲要未退休，返工都攰架嘛，更加想有私人時間啦，你阿嫂都唔識尊重長輩，真係好意思出聲🫢
2個小朋友幾歲？係咪好難湊好困身？阿嫂明顯鑽左牛角尖。除外你要企你媽個邊。或者都要體諒你阿嫂係未有產後抑鬱？2公婆幾耐無拍拖去玩？有時唔係咩大問題。就係一時諗唔清楚又想搵野爆（抑鬱症原因）請你哥出臉。佢先係可以解決問題個個人。
多謝你關心我阿嫂！阿嫂好健康！好多朋友！成日追星！🙏🏻
如果你阿哥夠膽真係唔再俾家用你阿媽
到時你阿媽只要講一句
唔俾家用都得
每個月屋租燈油火蠟車位同佢計返
如果覺得唔合理
可以搬走
到時睇吓邊個求邊個
呢一刻佢仲未出聲
你唔使有任何行動
成件事好明顯你阿哥有求於你阿媽多啲啦
交租佢哋會當自己有份供樓，將來會話層樓係自已的。 直接叫阿哥一家四口搬走啦。
我覺得最主要都係睇你阿媽係想收錢，定係寧願佢哋搬出去。
如果唔係講咩都冇用。
叫你父母賣咗層樓把啦！大家都係成年人，還是自己錢最親，父母買過間細啲單位自己住好過，阿嫂擺明睇住嚟食！
呢個方法最好,換間細D,2個人等退休去旅行~洗鬼睇佢面色
我建議一家人一齊食飯果陣講，唔好比面佢。妳媽媽冇責任去照顧啲孫而阿哥阿嫂就絕對有必要比家用或者妳可以話係交租。問佢地知唔知乜嘢係鵲巢鳩佔！
勸你唔好理人地既野
你呀哥係你父母教出黎
要粗心都輪唔到你
再者 99%既父母都好high 有個仔痴住自己同心底係鐘意養／貼自己個仔
你都唔好做醜人
唔比家用冇問題，叫佢交水電煤，間屋最多人用水電煤係佢一家。
你叫你媽同佢講，乜你有煮飯？又識煮飯？有咩資格係度嘈
咁鐘意嘈你地一家四口搬出去住就最好，個幾千蚊唔駛比喇
其實係屋企住，比幾千蚊家用就算唔當比租，都當比水電煤車位錢啦😌😌
你哥冇出聲冇反應？
你呀嫂依家比緊既唔係叫家用，係叫比車位錢。屋租同家用都唔入流
父母養子女係正常 叫你父母唔好計較過幾千蚊 你亞哥亞嫂都係人父母 已你不應出聲 他日你父母無工作時 將層樓做逆按揭 當養老金 他日到佢哋出百年歸老嘅時候剩低嘅 你交畀你兩兄妹囉
不過你亞哥到時要找地方住
佢話請姐姐又係多一個開支！（感覺佢覺得請左姐姐好似要服侍埋我兩老唔低⋯⋯ ）
佢哋D 家用佢地幾口子水電煤差餉都未夠俾呀，重要服待埋佢呀，叫佢過主啦
暗啞底屌柒你哥
再同你媽講叫佢哋搬走
租個車位閒閒地都幾千蚊個月
細路係佢哋要生，點解老奉有俾家用就係要幫手湊？佢哋住咗3間房唔洗交租同水電煤？
你應該要出聲，你阿嫂好𨶙賤過泥，仲想霸埋間屋，鵲巢𨳊佔，連家用同飲食開資都唔識分，先唔計佢地白住，3房巿值起碼 25000一個月，然後話無煮飯畀個廢婆娘食（夾硬拉小朋友落水）？ 幾千？ 仲要唔包買嘅餸，佢老母食開屎？
你記得任何人都唔可以恰你阿媽，你哥又廢嘅，隨時搶咗屋匙後趕你媽走再換鎖都夠膽死架，甚至條臭閪叫你哥落毒你媽，肯定會照做，依家真係要趕佢哋走先安全
次次故仔明明都係新抱仆街，好肯定條八婆又包裝成自己係受害人周圍唱佢奶奶係又賤又仆街啦，然後大堆𨶙𨳒婆又附和
樓主私底下同阿哥傾好D，樓主阿嫂系咪哥D食住老公的惡女人？