📌 我唔知道有幾多人曾經
共 35 條紀錄
我唔知道有幾多人曾經話過自己係哥布林
但係我想講：只要你有一剎那覺得自己係哥布林，
其實你都感受到「父權」係存在

父權係一個文化、體制、既定印象下，
其實對女同埋男都有一個特定嘅框架，
希望男同女都去fulfill個夢幻image
例如：
男人：好有錢、果斷、好多女比佢溝 aka 人生贏家、精明、硬淨
女性：溫柔體貼、賢良淑德、靚女又有氣質
父權唔係講緊男性唔係受害者，
而係佢哋可以同時係受害者同樣都可以係既得利益者。
女性都可以，因為女性都可以一路享受俾人養，
一路去殘害佢自己嘅下一代，佢拒絕自己嘅下一代（女性）有獨立自主嘅能力，
所以佢係一個文化上嘅不平等、
對除咗最alpha male果班之外，
其實所有人都係受害多過既得利益
簡單求其咁樣講一下啦
覆又好、打好多字、幾百字，真係懶啦
唔知道呢一個脆會唔會多人留言啦，
唔係認真討論，而係走去人身攻擊嘅我會即刻block
因為我唔想過於執着地爭論+上升到人身攻擊真係冇咩謂
父權存唔存在，唔係重點
而係女性覺得，父權係男性自己造成，同女性無關，咁先係問題
我喺我嘅threads提出我嘅論點，補充一個新嘅角度同埋睇法俾大家。現代男性面對緊嘅困境，存在着歷史文化社會所殘留嘅議題，我地可以一齊「怪責」同時欣賞自己嘅男女性祖先。
欣賞：喺古代咁冇資源底下都努力活下來
怪責：令到我哋當代年輕人要處理好多創傷
有時我諗到而家個狀況係
用父權理論解釋男性困境會局限於暫時無一個舒緩嘅方案拎到出嚟
而萬惡嘅父權社會（我當住係先啦），會畀到一條if you can’t beat them, join them 嘅路出嚟
對一個對現狀無力而情緒繃緊嘅人而言，有solution 嘅方向係吸引好多
Yep i understand what you are talking about
我明白你呢個例子入面嘅「加入佢哋」嘅果班人唔一定係一個壞左嘅人。因為我知道個重點係我哋作為社會化嘅人類，我哋不能夠免俗。
正如有得揀，人之常情都會想揀一個經濟能力較高/靚女/識煮得一手好菜嘅伴侶。人對於利己嘅事情係會受到吸引，但係我哋係需要喺呢一個環境下仍然保持警惕，呢一個先係最重要，先係講緊喺大事發生嘅時候我哋仍然可以保持到良心去應對。
其實你所講父權依個論述係一個自圓其說嘅邏輯
一個人覺得自己係「哥布林」，可以係對自己外表冇自信、曾經受心儀對象拒絕、被人欺凌，而不一定係所謂刻板印象
如果當一個男人對追求對象不自信，就歸究於父權影響，咁幾時先冇？點分開個人因素及社會環境因素？
我個人係認為唔好再用父權依個term，不如拆返開不同因素去討論，例如教育制度、社會風氣、政治制度、經濟等去解釋返男性或女性遇到嘅困境
係男性自己製造嘅困境
因為男性達成唔到女性嘅要求
女性嘅要求係好普通
總之你唔好諗住係男人就可以無罪
其實唔係獨立自主既問題
香港已經好獨立自主
問題係女性慕強，男性慕弱
生還既後代社會一定係男性較強
要打破循環其實好簡單，只要女性都同男性一樣慕弱，比例上持平，過幾代社會自然會平衡，問題係願意犧牲既女性太少，慕弱意味住要努力，可以躺的話不會郁
你有冇諗過點解女性慕強男性慕弱？
我唔同你講數據、講咩歷史學家、社會學家、文化研究嘅理論，我同你講咩叫人之常情。
有錢、有地位，咁你會唔會想買有權去有人聽你支笛？
咁自然既然有錢有地位，你就自然想搵個弱者去俾你聽教聽話㗎啦。
當你冇錢冇地位，連生存都有問題嘅時候，你自然就想搵強者庇佑你㗎啦。
我哋返工打工嘅，都想跟個有權有勢聰明嘅啊頭啦
所以，有冇諗過你講嘅特質可以唔關性別事？
如果今日你月入15,000 ，然後你嘅伴侶（無分男女，總之係你伴侶）話每個月淨係俾10萬蚊港紙你零用。你淨係係屋企搞掂家頭細務，跟住其他水電媒家居所有雜費，佢再跟單實報實銷。你只要有一下動心，就代表呢個唔係一個性別去決定嘅本質，而係慕強慕弱係社會嘅環境而衍生出嚟嘅特質同選擇。
其實簡單講係生存，繁衍同競爭，父權依個名根本就誤導曬所有人以為係性別問題，只要人仲係動物就唔會避得過，只不過我們唔係直接大隻食細隻，而係有競爭力食冇競爭力🤷🏻♂️
我明你講緊乜嘢，所以呢個世界有人提出並命名為到馬克斯主義🙏🏻想用大家一齊平均分配所有資源，解決所有性別、教育、階級嘅困境。佢係咪一個可以實踐嘅東西就不予置評。去到後尾列寧式嘅馬克思主義就……我覺得可以先不要。
個人認為馬克思主義同現今女權一樣都係幼稚🙏🏻
佢哋嘅logic好簡單，先幻想一個唔實際但好好聽嘅概念，然後過度簡化現實世界，塞落去再順手斷章取義就當啱。
「平均分配」點先平均，點樣可以將唔一致嘅資源平均公平地配比80億唔一致嘅人？ 但佢哋就會幻想資源好簡單只係一個數字，再幻想人好簡單只係一個符號，然後當搵到真理，明明咁樣就做到，點解唔做？
兩性平等係好事，但又係同一個問題，點先叫平等？當一人一半，40億個女性個個唔同，40億個男性個個唔同，互相比較生理差距更加唔吗。
但佢哋又唔會驚，先幻想40億男係喎一個符號，40億女係同一個符號，再強行假設兩個符號一樣，咁又可以話世界冇咁做係有不公平啦🤡
要平等係冇可能，只能夠追求尊重，但尊重冇得批鬥人同冇優越感，所以依兩個concept永遠不會有結果。
既然你話認真討論
我都想請教一下你認為香港係一個點樣既社會？傳統父權？女性毫無自主權力？還是女性有一定程度自主權但不是平等？
誠心討論
香港係資本主義社會😂
香港可以令女性有翻多啲自主權，例如唔會好似日韓咁一結婚就成個生活圈子都「以為」女人會做全職媽媽/家庭主婦。點解香港女性可以咁？係因為香港真係物價好高，而雙薪家庭先係對兩性利益更大化嘅處理。
因為有經濟能力，所以我地可以有多啲自主權。例如：
👉🏻我洗我啲錢、我洗我份糧，關你咩事
👉🏻我想請工人喎，我同你翻工都攰，唔好辛苦大家啦
女性通過經濟嘅獨立，從而用金錢去提出唔同嘅處理及解決方法喺現實係存在，同埋香港係普遍。
父權造成唔同性別都會有困境，呢一個係點解咁多人去話佢唔好、進行批判嘅原因。但係唔係講緊我哋作為一個人、一個個體冇辦法去進行反思或者由自己嘅角度出發去嘗試慢慢反抗。
Thanks 好開心有人理性傾計
咁我認同香港女性經濟黎講相對平等既，女性有好大自主權，基本上男人做得既野女人都做得（除左赤裸上身啦）
咁我都想再問一下
對於無父權privilege 既男女，例如無資源能力低既男人，醜樣既女人，係無父權既框架下，你認為佢地既生活佢地既待遇會有啲咩唔同？
講無資源、資源低，好直接可能佢嘅社交就會受影響、冇乜成本可以投放去識新朋友、令到佢識到適合自己嘅另一半。
就算我唔講咩讀書、學興趣班，呢啲係好細個已經可以受影響，直接影響埋佢嘅出身、背景及成個成長嘅眼界。我當可能係成咗年有啲突發事先至冇資源，因為冇咩資源（無論係金錢定係時間）唔代表佢嘅人品唔好㗎嘛，但係調返轉，佢可能冇錢參加任何形式嘅社交活動，出去食飯都好緊手嘅時候，連基本朋友同屋企人嘅有質素嘅相處都好難維持，佢好難過到有質素嘅社交生活。呢啲只係冰山一角。
仲有好多譬如可能同性戀者、殘障人士、身心障礙、性格或個人特質上嘅影響等等都有機會造成待遇唔夠好（待遇唔夠好同困境係兩件事）。然後當成個社會都比一個唔好嘅待遇、同時喺公共同社會層面都冇支援過弱勢社群，就真係造成一個好大嘅困境。
Sorry 呢個有少少唔理解
我明白係現有社會框架下，資源少，或者lgbtqabc++有障礙之類既人會有唔好既待遇
不過我想了解下你諗法
你認為在沒有父權框架既影響下
以上類別既人既待遇會有不同嗎？
賺多啲錢鬼會有人理你係男定女？成日將性別掛係嘴邊吚吚哦哦咁..根本就係啲學棍用黎呃funding既偽命題🤷🏻♂️
計我話貧富懸殊先係每個人都關心既野
咁你可以唔將個重心放喺性別議題，直接去喺社會貧富懸殊、堅尼系數嗰度付出更多嘅努力，冇問題每個人都可以為自己想要嘅社會去討論🙏🏻佢哋為佢哋自己想講嘅嘢去爭論，你都可以將你嘅精力同時間放喺搵多啲錢，同時打破香港社會及文化下，因為金錢同埋貧富懸殊帶來嘅限制。祝你順利。
所有smv 6分以下嘅男人，都應該承認自己係哥布林
無175，月入低過5萬，樣5分以下
是但中一樣，都應該立刻棄game，唔好求偶
你唔會有魚水之歡，你唔會得到來自異性嘅尊重
你應該買pokemon card，call g，同哥布林族群食飯睇戲
進駐公屋
兩性平唔平等唔關你事，因為父權定女權
你都係社會嘅老鼠屎，開心過好每一天就足夠了
🙏🏻
論點一：25到26年已經係用以自嘲嘅語境
咁都可以FYI
論點二：本文講緊男女困境
唔洗走黎spin去講一個詞語係 話人定自嘲
Ok，但我只係從個人經驗見到更多既係女性主動稱呼，如果現實更多係自嘲既話，係我唔啱。
🥲🥲希望你身邊嘅女性同男性都提供一個更多善意嘅生活環境俾你🙏🏻🙏🏻🙏🏻🙏🏻blessing
我覺得你地睇父權睇到太極端太死板，有一種封建刻板的印象。我眼中父權係一個動態詞，甚至可以係一種開明更容易令當代人接受的方式存在，隨時代周期調整主軸同規範，點解你地講父權會愈講愈貶義，父權對社會既穩定延續好處都好重要，打破框架解放性別係好好聽好振奮，務實主義溫和維穩既人你地又點看待點處理，係你地建構緊既烏托邦入面有一蓆之地？
師兄你好想為父權落定義咁
我上面以男女性都有困境點左題
唔知你講咩開明嘅父權，「你覺得」、「我覺得」、「我認為」唔係一個推論/論證/論據黎。
同埋有冇諗過父權呢個本身黎自學術界嘅字，就係留比人對社會現時嘅文化及權力關係帶有反思，以批判性思考提出對佢係古至今造成嘅影響，而進行質問。唔係我哋越講越負面，因為本身呢個字就唔係中性（你覺得係中性唔代表人哋咁覺得但每個人都可以互相尊重），而一堆學術界人士已經有沿用緊。
咁你鍾意嘅可以叫畢氏定理做不舉定理添，你勁過學術界呀嘛😅
所以你地咪繼續做你地既學術討論，我唔識無得同你地講，點交流
用馬完思列寧主義嘅理論同對資本主義社會嘅批判嚟解釋男性困境好過
師兄你認真馬克思列寧主義？😂
Where is the leader😂好恐怖喎😂
以前讀女校好重父權味
嗰陣自己都覺得女人要賢良淑德。。。
🫠🫠🫠🫠🫠🙏🏻心痛sis
香港以前真係扭曲得好嚴重