我唔鐘意上體育堂
因為體能差，成績差
所以我連做運動，都唔鐘意做
有冇同感？

姐係咁。。。我個人嘅親身經歷，我由16歲就冇上體育（因為可以自選），亦都同你講嘅一樣，唔鐘意做運動---個天自動懲罰我--- 骨歪，全身成日痛，我一出嚟做嘢成份糧都攞去少少少少咁醫病，十年以上喇，睇過鐵打，脊醫，物理治療etc, 結論係因為運動不足，導致肌肉收縮，肌肉量不足，支撐唔到d骨，所以就算鐵打同脊醫處理好d骨，好快佢地又歪返。。。依家嚟到3x歲再做返運動，因為新陳代謝差，做極個效果都係低。。。
乖喇，做運動真係要由年輕開始ga🥹 如果唔係你覺得點解24/7嗰d可以開咁多間呀？🥹真係只有減肥嘅同d肌肉佬去？🥹

想當年中學教PE個Miss好痴線，放學叫班長逐個打電話call同學去運動場集合考長跑，我有接到電話，但最後我係唯一一個無去考嘅人，第二日Miss見到我黑住面嚟鬧，嗰次係我第一次PE唔合格，因為如果去考點都會pass，但我一直唔覺得自己有錯，當日有PE堂你唔叫學生考，放學先再通知要去考長跑？仲要件PE衫都成件汗臭又濕晒，點樣著去考試呀？所以我一直好恨哩個所謂Miss，你都唔尊重學生，我都覺得唔需要尊重佢

體能差係可以練，你嘅懶惰先係唔做運動嘅原因