我喺手袋入面攞部手機出嚟（多謝threads友教我寫低）睇吓自己想講乜。 原來我幾日嚟都寫咗幾多嘢，不過冇整理，都好亂。熄番個screen，清晰吓個腦。
👩🏻：我想你知，我冇憎你，冇討厭你，我只係接受唔到。覺得世界突然好陌生，覺得好失望。仰慕嘅人原來咁自私弱智，愛𡃶我嘅老公原來會同其他人搞嘢然後返屋企同我生一個仔😢…我嘅目標暫時係相處嗰時唔好提心吊膽，建立番尊重同界線。同埋我想唔驚咁走入啲Christmas market，summer market嗰啲啦。
👱♂️:好啦。大家都知大家想法。記住，我哋三個喺呢度係一條team，大家誠懇開放咁合作達成目標，好唔好？
👩🏻🧑🏻🦱：好
👩🏻: 不過你搞乜好似90年代勵志劇咁。
👱♂️: 激勵你哋心志囉。你哋90年代嘅人嘛。
老公輕輕捉住我放咗梳化上面隻手嘅手指。
點解放到自己咁低
個男人無放你眼內，覺得講左出軌d野你都唔會走
你仲將佢出軌件事合理化怪責自己，講2句你就信
睇完你全部post，覺得你好似有少少解離狀態（numb咗自己無感受/唔知自己有感受的狀態）
你係唔係由細到大都慣咗用呢個方式處理問題？（我細個都會所以好奇問下）
因為太痛/太驚會痛所numb咗自己的感受，會質疑自己的感受係唔係啱/應該，會覺得流露負面情緒的自己好醜怪/無用
但感受係無應該唔應該，只有存在唔存在
存在即合理，所以唔需要奇怪/內疚/抗拒自己有任何感受
被出軌，痛、嬲、唔甘心、係咁諗起、自我質疑、對現況/未來不安...通通都係正常的感受，無人話過對方講對唔住自己就要接受，係睇有冇踩過你的底線
有啲人可以接受出軌，有啲人會一直諗起最終都係頂唔順分開，無model answer 的，但一定要記得對方出軌唔係你做錯乜，係對方唔守承諾/你哋的love language唔夾（本身想鬧你老公但既然你想再試試就唯有忍口）
唔好迫自己一定要原諒對方，但可以試多啲俾自己流露多啲感受/情緒（包括憎佢），尤其是兩人一齊記輔導嗰時，嗰個環境係安全的，無論你有咩情緒輔導員都會接得住你，表達自己的情感/軟弱嗰面一啲都唔丟架，係好勇敢的人先做得到，為母則剛，有三個小朋友的你一定做得到
加油，抱抱你
向前行咗一大步！ 好叻！
試下以後都將自己心裡面諗嘅嘢寫低，甚至可以將自己嘅情緒起伏，特別係一啲好極端嘅情緒、諗法寫低（唔係當時馬上寫，因為情緒激動嘅時候，好難寫嘢，係稍為冷靜之後再寫）。
一嚟可以幫助你了解自己嘅諗法、期望、乜嘢影響你嘅情緒最大， 亦會幫到你見輔導嘅時候表達自己。
加油啊！
認真建議你專注吓事業同個人發展
你老公已經好身體力行咁話俾你聽你嘅另一半係絕對可以背叛你的 ，但係你啲post基本上每一個都仲圍住你老公轉～
你可以唔離婚，畢竟你已經有小朋友但請你投資多啲落自己度吧～起碼你唔會背叛你自己
希望你勇敢地自由咁表達自己情緒，唔好再諗你老公諗緊咩，每個人都係獨立個體，為自己而活
加油，寫低想說的話對你會有幫助的，你需要的是時間，讓時間協助自己做決定，不用急
婚姻可以維持到，信任同安心感都好難可以回復，愛情感覺更加會變晒質，冇可能可以回復到本來對愛情嘅感覺，對嗰個人有之前自己正常狀態下嘅感覺。
如果係求後面呢兩樣，真係難中之難。
不過正如上一篇講到，啲session嘅目標只係修復婚姻關係，大家當同屋主唔離婚都叫達成目標。
如果你係好重視愛情，有愛情潔癖嘅話，我覺得你繼續同佢一齊，都係繼續受苦受難，困喺心之牢籠中。
愛自己 ，你自己既感受係首選 ，呢一刻所有人都唔重要，你先最重要