我好辛苦
有無人可以接得住我
已經不停洗自己腦話畀自己聽要正能量
諗自己擁有啲咩
好快會捱過變好
返嚟現實繼續唔如意
大起大落嘅心情令我更抑鬱

做人唔需要下下正能量
對你好嘅人擔心你係正常
要接住你先會擔心你
你都唔好怕人擔心而強打精神
頽咪頽囉
容許自己頽廢
容許自己唔開心
容許人地縱容你關心你
當覺得好d嘅時候
咪先再行起身

要容許自己有情緒
話比自己聽你只係一時低潮
慢慢搵方法放鬆左情緒先
再慢慢諗方法解決現實問題
面對困難一定會有情緒
唔好連自己都否定自己
🫂🫂🫂🫂🫂

運動、甜食、曬太陽、搵嘢學都試過
一停落嚟就好似抖唔到氣
又瞓唔好…..慢慢身體都變差

hi~ i see u

由於我唔係你, 所以我未必明你經歷緊啲咩
但我提供比較直接既即效幫到自己好過方式比你

1. 買香氣類既野放晒係你屋企既所有角落
2. 屋企放多d你鍾意既野, 放到所有角落, 個個angle都睇到幾隻(eg 公仔)
3. keep住播啲自然/chill 既音樂 (唔好播有任何傷春悲秋元素既歌)
4. 食下朱古力, 飲下廢水
5. 做下運動,唔想做運動就一feel到唔開心就原地跳幾十下
6. 摸下啲毛神神既野令自己feel到幸福感

你情緒穩定之後慢慢同你心目中最值得信任同最可能幫到你既人傾一傾
如果未有好轉, 可以借用一下外力(藥物), 最緊要有用, 唔洗理人點睇

wish u luck

其實乜都假你呢一刻唔開心最緊要有一個人可以陪你傾計

唔想畀人知自己咁負面
唔想令人擔心
唯有上網呻

睇inside out1同2, 每個情緒都係好重要，唔使否定任何一個情緒，每天讚吓自己，錫吓自己，想喊就喊出嚟，其實你都無需要接住其他人情緒或要為其他人情緒負責.

您好。
雖然殘酷，但我想講：能接得住自己情緒嘅，就只有自己。特別喺網上我哋只係萍水相逢。
我能夠做嘅就只有隔空俾意見。

以下為個人睇法，如不喜歡，略過即可：

凡事過猶不及，正向思考都一樣。
過度正面可能會令自己真實嘅情緒受到壓抑，適時讓其他情緒流露，我認為係對自己負責任嘅表現。

我認為用「經歷緊」，比起用「捱緊」去形容，會較易接受。

唔如意就唔如意，接受現實唔如意、學會平常心，都係一種歷練。
可以盡情如意嘅，通常叫「幻想」。

我認為重要嘅係唔好收埋自己。
有需要就可以上嚟講下，有人應就傾下，就算無人應當呻下都好呀。

接受自己不完美，唔餸扮冇野，心受傷要好好醫，慢慢來！

偶爾容許自己攤喺床咩都唔做，想喊就喊，喊夠就起身食自己鍾意嘅嘢，有心機就出街做想做嘅嘢

正能量唔會自己生成，擁有啲咩都不過曇花一現

逐日逐日過好就好

慢慢來，吾好迫自己，接受人有情緒，抱抱🫂

唔洗正能量
平靜就好
你上面話正面嘅人會行得順d
呢個好難證實或計算
但你先追求平靜平淡先

係到！接住左，會一直接住

唔好洗自己腦，唔好逼自己接受大環境/其他人嘅心靈毒雞湯

唔好迫正能量
負住又無傷害自己又無傷害人
已經好叻啦

分享下低潮時我做過既嘢
當自己係小朋友
氹自己開心
可以睇多啲自己會笑既電影/片
做多啲可放鬆到既事
睡前做下瑜珈
伸展下先瞓
聽住療愈音樂瞓
約可令你舒服既朋友
唔洗講咩心事
有佢陪住就足夠
然後相信自己會有一日不用再療愈🫂

Are u ok?
依度會好多人理你🫡

你睇吓幾多人接 !

btw 負能量嘅相反唔係正能量，正如糖嘅相反唔係鹽一樣，你需要嘅係平靜

你會因為今日既辛苦 所以將來會學習到真正的情緒平衡🫶🏻

慢慢嚟

試下食多啲甜嘢 多啲曬太陽！

現實本來就是痛苦
你只是知道了而已
那就只能接受
去找其他好玩的

唔使逼自己要正能量 唔開心就係唔開心 想喊就喊 想笑就笑 開心同負面係可以並存

邊個教你不斷諗正能量架？係應該搵安全既人、地方、事物，去釋放自己既眼淚同悲傷。
健康係開心就笑，傷心就喊，搵空間放低面具，接受唔完美存在。

因為覺得正面嘅人會行得順啲

錯覺，只係99%努力同1%運氣

你可以唔使迫自己一定要正能量
人係可以有辛苦既時候
知道辛苦，接受有呢一面既自己
反而容許自己可以唔開心
就會覺得辛苦既時間過得快啲～
加油，我真係明～

你已經好努力，好努力管理自己情緒
但好似徒勞無功
情緒好有趣 你越抗拒 佢越出現
反而你接納佢存在 學習同佢共存
或者會有唔一樣

試試了解下個啲情緒想話你知啲咩啊🙌🏻

會想喺度接住，你有情緒係冇錯㗎🫂💕🥹千祈唔好因為現實不停咁樣衝擊你就放棄 人生就好似一場遊戲咁不停喺输同贏入面重重複複 但只要仲活着仲有機會🥹💕

你不孤單，我也是如此..唔知可以做咩

加油啊
生不帶來 死不帶走
呢個世界上除咗生死一切都係小事
唔好去諗 有得食就食 有得玩就玩

抱抱

由得呢d感覺釋放
但記住提自己呢d感覺一陣就會過

可能可以嘗試下唔好迫得自己太緊
心情心態轉換並非話轉就轉到
雖然聽落好似喺廢話，但希望幫到你有新嘅諗法
有句說話叫做欲速則不達，希望幫到你

又唔洗一定要不停洗腦嘅
人比人比死人
或者揀啲自己處理到嘅事嚟開始先？

人有情緒係正常架！有時生活唔如意時咪休息下（個腦放空）係個心入面多d讚賞下自己，有時情緒到諗野只會越諗越灰、一察覺到或者同自己講事情未必有自己諗得咁嚴重或索性唔好諗（可以的話）

🫂🫂🫂🫂
雖然唔知你經歷緊咩
但都想抱抱你

你又做咩呀？我改囉！

依段時間有無考下啲牌，保安牌有無讀下，再培訓有無讀下學下嘢，佢地有職業配對，唔好諗衰嘢，但當想再諗就，你係女嗎？靚嗎？再諗之時，就先諗同我出嚟先食過飯，之後益下我之後先再諗衰嘢，咁就唔會想諗衰嘢

有進修，但個市真差。每日見到各行各業炒人就覺得好灰。

各行各業炒人同你自己搵工有乜關係，人家執笠你知原因，唔好人講你又講好似三姑六婆咁，搵唔到工另一原因就係揀工做，揀工做就唔好申，講真我都搵緊工，都有請，但人工加時間唔抵無做，要搵到啱心水就係要用長時間搵，搵唔到申乜

我要正能量我要正能量，傻的嗎？🤣

與其大起大落 不如平淡無味咁過日子

平淡都唔容易

係 我明 好難維持穩定嘅情緒 好多唔如意嘅事 好多控制唔到嘅因素 唔可以勉強同佢抗衡 要平淡就要get comfortable with高低起伏 要知道最終會回復平靜

我都係同你一樣，明明自己好多問題未解決壓力好大，唔想話俾人聽，尤其是愛自己既家人。唔想佢地陪我受壓力。自己強行表現得正能量，希望唔會越負能量越差。但真正內心又根本唔係安心。

家人本身都比較焦慮，身體又唔係好，所以唔想再影響佢。另一半都好努力撐住，無謂再為佢添壓力。好攰。

我都係咁諗。。覺得唔想多一個人陪我焦慮，又冇實際幫助。

正能量好toxic，如果唔係鬼上身點講得出

請問咩係接住你？

接住情緒

永遠都皆意人 緊係辛苦格

唔使洗自己腦逼自己正能量㗎
唔開心就即管容許自己唔開心
想喊就盡情喊 想唞就好好唞
喊夠唞夠先再move on啦

眼見錫我嘅人好擔心我
亦因為我嘅事終日唉聲歎氣
我除咗表現得好好安慰返佢哋保持正面相信之後會變得更好仲可以做咩😔

咁我明嘅
你都係唔想身邊人擔心你😢🫂🫂
有冇啲獨處時間可以做返自己？
又或者喺某啲人面前可以流露自己脆弱嘅一面
唔使屈住屈住自己負面情緒？