📌 我媽在福岡，72 歲
共 61 條紀錄
我媽在福岡，72 歲，發高燒，嘔，四肢無力，由白車送入當地一間醫院，醫生也沒見到就被送出來了，好想送她回港，但她好明顯上唔到飛機，大家可否教我如何處理😭🙏🏻🙏🏻🙏🏻🙏🏻
https://f-sanno.kouhoukai.or.jp/ch/
福岡市的話，呢間醫院收外國人，仲有中英翻譯服務，可以打去了解情況
如果你係福岡其他地區，我可以幫手搵，隨時DM我
希望你媽媽早日康復
Call保險最有用
入境處只係識得幫你一落機就直接過關
呢啲時候冇乜用
同埋點解你問飛過去幫手？
對於喺日本旅遊睇醫生都有好幾次經驗
1. 佢哋醫療分得好仔細，唔係隨便行入一間就可以睇醫生，係按唔同需要去唔同嘅醫院/診所，同埋唔一定收急症
2. 日本醫生唔等於識英文，溝通好大困難，試過反而護士英文仲好
3. 醫院/診所唔一定有藥房，好多時係寫紙叫你去有藥劑師駐場嘅藥局買藥
‼️最緊要‼️
聯絡保險24小時緊急熱線，呢個時候真係勁幫到手，無論安排醫療、緊急運送回港、包埋護士escort、翻譯等等都做到，不過佢哋要少少時間去釐定你個case適唔適合使用緊急服務
我上個月就係意外骨折，保險幫我安排講中文司機接送到機票，幫我買埋回程機票，仲有request輪椅，到港再有司機接送直接入院做手術
希望幫到你，祝你媽媽平安
呢個係AI比既建議
你可以參考下
1. 聯繫香港駐日機構（最優先）
立刻尋求官方協助。入境處的「協助在外香港居民小組」可以提供聯繫當地醫院、翻譯支援或引導處理醫療糾紛。
• 香港入境處 1868 熱線： 撥打 +852 1868 (或使用 1868 App 的網絡通話功能)。
• 中國駐福岡總領事館： 領事保護與協助電話：+81-92-753-6483。他們有專人處理緊急傷病情況，能幫忙溝通醫療需求。
2. 釐清被「送出來」的原因
日本急症室有時會因為病床爆滿或判斷非即時致命而請病人離開，但這並不代表不需要治療。
• 尋求醫療翻譯： 如果是因為溝通問題，請聯絡領事館或使用電話翻譯軟件（如 VoiceTra），向醫院表達老人家有**脱水（Dhydration）或敗血症（Sepsis）**的疑慮，要求重新診斷。
• 尋求民間支援： 福岡有很多華人社團或在日港人組織，可以在 FB 群組（如「日本求職、生活、創業及活動分享」等）求助，看是否有在福岡的港人能趕往現場幫忙翻譯溝通。
我自己係上個月係名古屋過行人斑馬線時比架原本就停係到嘅豪華7人車開車撞到，然後頭部著地，架車明知撞到都再向住我再開，好彩自己最後拼死轉身避得切，當日大叫報警入院仲逼我當日出院再聽日返去睇片。
入境駐日保險都聯絡過，實際上嘅幫助極少，建議樓主馬上飛過去照顧屋企人仲快。
唔識點幫
唯有幫手推Po，睇下有冇依家係福岡識處理嘅香港人/醫生睇到
祝你媽媽平安
我有次係日本食物過敏，日本人幫我Call白車送作去醫院，見到醫生！醫生話我應該係食物過敏但係全程無俾藥無打針，淨係姑娘站在我病床邊企足5-6個鐘，睇住我肚痛到自己唔痛，身上的過敏疙瘩自己退，姑娘企甘多個鐘都好辛苦，期間好細心幫我抹冷汗，輕輕幫我撓癢癢， 醫生都過黎睇我好多次～但就係唔醫！ 可以點怪醫護呢？佢國家制度就係咁！
佢發燒原因若非病毒/細菌
害死佢自己之外都害唔死邊個
但首先冇醫生肯寫紙話佢係咩病先
https://www.fisop.net/lifestyle/medical/foreignPatientsMedical?lang=zh_tw
上去搵間收外國人既醫院睇啦
有冇買保險？如果有買保險就聯絡返個經紀睇吓可唔可以安排喺日本睇醫生？
仲有佢係咪食物中毒？
有冇用Google Translate問吓點解冇俾藥佢就可以俾佢出院係乜嘢事？
上年我爸腳拐󠄆到，沒有看醫生直接去機場，諗住落機直接去醫院，點知機場護士唔比上機（要適航證明）好彩當時係旅客中心借輪椅果陣拎左呢張免費醫療熱線的卡片，打過去可以揀普通話或者英文，講出係要睇病徵會幫你手搵醫院，然後會幫你查埋幾多點有得睇、大概幾多錢果d。去到差唔多到你睇醫生嗰陣再打俾佢哋，會幫手同醫生互相翻譯。雖然唔係每一次都接返同一個接線生，但係佢哋全部都超級好人，係會超盡心幫你手 （真係救左我地🥹嗰陣去到機場臨上機前都打咗電話同佢地講聲多謝）
我很擔心會不會是敗血症
快早上了
一定要讓您母親盡快見到醫生
如果有買旅遊保險
即刻Call 旅遊條險個sos24小時緊急熱線，真係會幫到手！
之前我個仔喺日本跌親個膝頭甩左骹， call左白車入左一間醫院，個醫生又係唔識英文，溝通唔到，搞左好多個鐘頭先至幫佢移返正個位🙈！
我响醫院巳經即時打去保險果邊問， 佢地效率好快， 隔日已經安排好晒機位， 特別過關等等，重搵咗個護士飛過嚟， 一路照顧住我個仔一齊飛返香港！
果時我個仔未夠18歲， 所以佢地都安排多一個家長機位一齊飛返嚟！你個case都可以問問！
同埋佢哋會問埋你香港有冇睇開嘅醫生， 幫你安排晒！ 一落機即刻有專車直接車去你想去醫院！
我嗰陣時都係買好平嘅保險plan，但都差唔多可以claim返晒所有醫療費用！
你真係可以試試打去保險問！
希望幫到你， 祝你媽咪平平安安早日康復！
試下再搵收外國人嘅醫院，打電話比旅遊保緊急支援中心，佢地會搵日本同事同醫院溝通，再睇下適唔適合回港。朋友新年喺東京入左院，最後緊急支援中心喺佢穩定情況下派咗個醫護人員去醫院接佢，再一齊陪同佢坐飛機返香港。我諗最好睇吓你媽媽係咩事病先。究竟係當地醫治先，定係上飛機好呢？因為上咗飛機有咩突發情況，冇醫護人員又點算呢？明白人在當地會心急想回港，但都要睇情況。
日本應該先去地區医生看病，類似香港私人医生，取药食，看有冇好轉。有旅遊保險，問問保險公司意見
〒812-0016 福岡県福岡市博多区博多駅南１丁目８−34 博多駅ＦＲビル 7F
呢度個醫生可以英文+普通話溝通，上次腸胃炎睇過，有得吊鹽水，博多站對面，上網預約
先海外送金300万円比醫院，馬上有得睇，到時佢地咩文都識講
旅遊保險有24小時緊急支援服務，諮詢完全免費，可以幫你搵醫生/醫院，有專人對話，有需要安排專機送返香港
日本人認為發燒係一件好少事，都要返工呀！發燒唔係請假理由。
如有買旅遊保險，或本身有買保險，快call 24小時熱線，或通知保險agent
你而家第一時間搵到醫院先。
呢個時候有買旅遊保險真係好有用，我有朋友個老豆又係去到日本出咗事，跟住入左醫院發現要通波仔，通院波仔住左一個月醫院，全程有得claim.
我無意中路過，勁感覺到香港人好有愛。祝樓主媽媽早日康復，平安回港！
我2024年試過喺福岡都係發燒40幾度、嘔去求醫😳 我係睇福岡県濟生會二日市醫院(不過唔近市中心)，係得既
嗰護士都攪左一大輪手續先做到，最後打返支抗生素就退咗燒，即日出左院😳 啲單或手續嗰啲我有 Keep 既～有需要 send 俾你，唔知幫唔幫到手
你係本地人就係，唔係本人麻煩到爆，醫生都見唔到，醫療費用勁貴
發燒是戰鬥中。好事。。留意及控制別太高。。不餓別給食物。食完就嘔。。且影響抵抗力
好抱歉現在才看到這個post，請問你媽咪身體有沒有好少少？情況如何？希望你媽媽早日康復，快d返到香港
是这样的，我有次烧到40°，打了东京的急救车，没有一家医院收我，让我自己买退烧药吃。。。
先俾電解水佢飲，冰袋降溫，有冇旅遊保險可以聯絡幫忙？
我第一個都係諗起@fukuokakong，佢真係一個好有心既在日港人後生仔❤️
佢住個間酒店啲職員可唔可以幫下手?
酒店通常會有個list邊幾間診所/醫院係外國人friendly
如果無list, 都問下請唔請到翻譯
唔知可唔可以試下去呢間醫院。久留米大學醫院在最新（2025年）Newsweek「世界のベスト病院ー日本」的報告中排名日本第37位，是九州地區領先的高端醫療機構，曾獲2021年日本第21位、全國私立大學附屬醫院第4位。該院以救急醫療（三次救急）和特色化服務（如院內工作站救護車）聞名。