📌 我嬲我老竇今日咁樣同
共 55 條紀錄
我嬲我老竇今日咁樣同我講嘢
話：「後生仔，你出到嚟做嘢係要俾人
恰同玩架喇！點呀？你咪即管俾面色人睇囉，人哋玩返你轉頭咋嘛，你表態咪畀人玩囉。你老細可能覺得你後生仔冇資格！覺得你喺度教佢幾廿歲嗰啲做人做事」
我唔明點解新仔要畀人玩囉
講到好似我哋後生有罪咁
我聽到好多唔同意見
當然我明大家都係講返你哋嘅工作經驗出嚟
咁但係我都係必須重新一句
俾人恰係要識出聲
唔係戇撚柒鳩鳩，咁企撚咗喺度
我哋唔係機械人啊，係機械人先冇思維嘅啫
你想佢唔駁嘴，乜都聽曬人講嘅話，咁咪機械人返嚟囉。
唔係人哋講乜都要做乜㗎，自己分析咗先做
唔通佢叫你訓喺下轉10個圈你又真係做俾佢睇咩？
唔好咁撚白痴先得㗎
其實唔係你後生，而係第一你無錢第二你無料第三你頭兩樣都無底下仲要做你依家覺得正路既事先比人玩。仲有你咁都未識分仲未學識低調，所以比人玩都係抵既。
佢只係講左個現實比你知，佢都無話人地咁做係岩，但係人地就係「有權」咁做，你都「有權」發脾氣架，只係後果自負，你敬人一尺，人敬你一丈，咪睇下邊個蝕底。
道理唔講咁多，有無睇三國志，知唔知司馬懿邊個，如果佢下下七情上面，你估仲有無晉朝。
人有脾氣係正常，但係有時唔識收既話只係自己戇居。
你恰既定義要分清佢，叫你買下午茶唔比錢，屈你買廢水，老屎忽自己做錯野推落你身上就叫恰
但工作上比下欄野，粗重野你做叫正常，因為你新人入去，難既野唔識做，重要既野你孭唔起，所以都係要由低做起，重要係你有無有機會學到野再跳走做返比野人做果個
但當你變成senior夾係中間時，下面果個簡單野都做唔好，自己做複雜野時又比上面壓落來，自己諗
係老豆有錢嘅GenZ，如果係月光族眯又係要向金錢低頭？
啲留言真係好縱容欺凌
其實而家好多工作環境都係唔合理通常都直講架啦
個世界係咁，唔代表咁樣係應份，公司請得你，姐係你有價值。
只係呢D扭曲晒既觀念，大家又好扭曲地覺得係啱係基本，同埋去到最後，都係欺善怕惡。
下面一堆刻薄留言，反映到點解個世界咁多衰野可以存在，留言果D分分鐘自己都係呢D仆街，樓主辛苦你啦。
我依家大個仔，都有幾個細我幾年嘅跟我做野，我就直接用行動證明佢哋老一輩玩新人係佢個人衰格，我就幫得就幫嘅
後生係一定俾人恰，因為學校無教過你點樣反抗
你，我，連你老豆當年都唔例外
分別只係在於，你幾時學識反抗，保護自己，甚至，撚返人轉頭
唔好聽到長輩口吻就起槓先，咁幼稚嘅應激行為反而證明到你仲係處於俾人恰緊嘅階段，學你話齋，撇除多餘訊息，分析咗人哋講嘅嘢先啦
如果你知佢玩緊你. 咁証明佢既層次都重係好低. E個世界. 好多人死左（無左份工）都未知乜事. 唔係你後生有罪. 而係出黎做野. 唔好覺得有人會好似你老豆老母咁對你好.
BTW. 你老豆會同你講e d 野. 証明佢都幾關心同著緊你.
無論邊一行，新人都要先學人事，俾人恰係試你性格。保安，清潔，客服，銷售俾客人恰你，你會句句駁？？
情商，係職場上的入修課，當別人覺得你有料，自然會哥前哥後，只有無料的人才在乎俾人恰，有料的人一上位就令人尊重
試同博蒙恰人兩樣野嚟嘅，有無權咁做/做唔做到系另一件事
唔系起鋼嘅有時，近排新聞唔知你有無留意，幾多變態男上司/同事/路人
如果真係遇到堅變態既上司，其實留意下同事有無背後講佢壞話，如果有咁你不是唯一受害者，你們抱團取暖，其實仲容易和膙同事攪好關係
如果個工作環境係會咁玩新人，盡早搵下一份，通常垃圾工先會有啲咁嘅環境，真係做野嘅成條team，其實係唔得閒玩呢啲on9野，大家目標為本完成target就收工生活，收工後就識你老鼠
你爸爸講嘅係現實，但你可以諗一個方法點樣還擊，呢種係職場生存之道。冇人可以教到，只有經驗儲返嚟同工作上認識多種人嘅人性。我啱啱出嚟做嘢都試過被人指住嚟鬧到喊，有啲位可能人哋鬧得啱，工作上冇做得好。但當自己慢慢執到工作細緻位，如果再有人話都知道已經唔關自己事。
樓豬果然係後生仔
利申先，無話後生就係錯，費事你再玻璃心
其實係咪香港比較多呢啲情況發生 之前交流生係美國半工讀做過1年野 幾間公司 氣氛同啲同事係nice亦好願意教 而且收工時間你想走就走 但係香港感覺上收工老闆想有活動亦會要求員工去應酬佢地 拒絕就會有說話聽或者黑面
阿叔用自身經歷話俾你知，世伯講嘅嘢30年前就啱！而家已經過時，而家你畀人玩，唔屌翻轉頭，你就日日都畀人玩！
老老豆豆 有種咪唔好請人囉
做咗嘢十年 我都會帶新人，我都係話：你識做就坐我位，你唔識就係我有責任教，但唔代表你或我可以串柒柒
奈何呢個世界有錢 有權係大撚晒
一係返鄉下耕田算
你老竇意思係 你還拖都要醒目啲 唔係比面色人哋睇就叫還左拖
老一輩係果啲君子報仇十年未晚
上一代傻仔多同返工奴性高，唔敢做啫
要玩返老細轉頭其實唔難🤷🏻♂️
你老豆講嘅野係現實，可能個演繹你唔係咁鍾意啫，你明白就得啦
首先，你識唔識點用ai搞automation?識嘅話你就可以教佢嘢了因為大部分40中嘅中坑係唔識嘅。
第二，你識唔識公司運作流程個business 係點各部門嘅needs係點？呢樣嘢一般而言係要浸一輪亦都係大部分中坑比後生叻嘅領域，亦係你識ai都仍要俾佢點因為你未必有佢嘅經驗知道邊啲嘢啱個business用而串連起嚟，甚至可能連啲terms係咩都未明得曬。呢樣嘢浸返幾年有個大概開始可以同中坑有來有回。
第三，人事network，客，供應商，公司各部門嘅人，同行其他公司嘅人等等，呢樣一般而言都係大部份中坑比後生來得強話曬浸咗咁多年。
通常可以問下啲中坑咁樣做有咩作用，有時因為佢知你唔知嘅嘢你覺得無謂而佢覺得有用，有時係純係有啲下欄嘢佢唔想做叫你做。搞清楚係有用嘅嘢就學起嚟係下欄嘢就有冇得避或者automate咗佢。
講事實你又嬲
親人講野係最難聽 佢地知你性格 同得你咁講 佢一定有原因
邊個話後生一定俾人玩㗎？
你可以兇返人
個勢唔好輸俾人
唔係就輸一世
我覺得，你覺得自己比人鬧，必人恰果時，其實第一樣野唔係憎左人先，而係要全方面諗下自己，有邊樣野做得唔好，令你俾同事怨，比如係咪工作好耐都唔上手，同同事溝通唔好，夜著唔乾淨。二，同事鬧你係點鬧，係鬧你件事做得唔好，定係人。唔排除有D人唔識表達，個語氣會好似鬧人咁，但個人無乜嘢。如果只係事，就俾心機做好佢，做到上左手熟左，佢地就唔會恰你，轉第二個架啦！
如果發現真係針對人，咁就反擊或者唔做啦！自己精神健康最重要，出面大把世界，一定有地方啱你。
所以，要睇情況，唔係一定好似你老豆咁講，俾人恰係必然既事，其實因應不同情況都有得處理的，冷靜應對就可以了
大個仔唔使將老豆老母講嘅見解睇得咁重，望望佢地咩身勢咩地位，好好思考一下。相信自己判斷，正直做人就可以。
年青人冷靜啲先，智慧唔係天生，係累積先會得到，他朝有日你睇番轉頭就會知呢個世界係點運作，有幾咁殘酷
現實係咁架，因為你老細做後生嘅時候都係比當年佢啲老細恰。
不過後生仔沉唔住氣都人之常情啦，除咗講聲「睇開啲啦」都幫唔到啲咩。
或者咁諗啦，比人恰唔代表自己有罪嘅
有啲位係啱嘅。
後生仔要學識受壓，頂得住
又要學識保護自己
想反擊唔係問題，要啱時機有嘢揸手
廢老輸比後生唔係唔可能
唔係後生有罪,而係當你係其他人表態已經知人哋係幫你定玩你,果陣你未必仲係後生啦！
你有料同老嘢對招時佢就恰你唔到,定你覺得自己新人啱係叻仔錯係靚仔,撞過板蝕個底都仲俾人L先係傻仔,唔係下下蝕左一兩次就係嘅！希望有人明白都我講乜吧....
政府唔敢講，對於私人機構會唔會恰新人，我係有 d 懷疑。現在經濟唔好，公司最想做 cut cost，最簡單就係 cut head count 。炒人係最後一步，員工走左唔請返就較常見。工作就叫中層 manager 硬食埋。中層管理其實冇動機恰新人，不過政府工情況唔同，我就唔知。
祝你大步檻過🙏🏻佢地嘅家人都受緊，你都系返工對住姐，未系入無間地獄一份子，咁諗可能舒服啲🫂
其實你屌返人同出聲真係冇問題，但凡事都有後果，你自己覺得承擔到咪得囉
你而家屋企冇負擔一定OK 最多俾人炒
但係當你有一家大細嘅時候你就會有唔同嘅諗法
我遇過一個上司以恰新人為樂，後尾頂唔順走咗！出到去好似天空海闊咁！不過又遇到另一個恰人老seafood🤷🏻♀️直到我讀飽書就冇人恰到我✌🏻
你想法非常好 人就應該稜角分明 可惜社會總有辦法磨平稜角 特別係當你有家人 有愛人 有小朋友呢D「稜角弱點」時 美其名曰「愛的奉獻」
context 唔夠，好難評論，俾D 例子
你話人恰你，咁你至少要講點解覺得人恰你，人地點恰你
你唔能夠用其他人理解既方法去表達自己，就只能夠一堆loser 上網搵同溫層取暖，然後上網搵邊度有工做，襯後生唔好變成咁
常見例子，點解唔俾乜大task你做，咁你要諗下係咪自己炒過車，係咪其他人做得可靠D, 然後問下可唔可以夾果D 同事一齊做，等同事睇到你能力，而唔係trust me bro 就話人地唔俾勁野你搞
另一方法係你覺得有人恰你，你就同相熟同事講，咁佢應該會話到你知係恰鳩你定你自己衰