我對上一份工嘅上司對我幾好，以前間唔中都會請我食飯。我轉咗而家呢份工之後就少咗聯絡。早兩日收到佢WhatsApp，佢問我可唔可以借2-3萬俾佢。
我聽d舊同事講，佢上年同老公離咗婚，而家自己一個人湊住個女。聽落佢都幾慘咁⋯⋯係咪應該借俾佢？

如果確定唔係被壞人盜用帳戶去詐騙，而自己有能力既情況下，我係會借。

但我預左所謂既「借」，係唔會還。對方還既，我會收返，大家有個信字同感情；對方唔還既，我亦唔會追，我會當對方真係無哂辦法先搵我幫，佢唔還就當無能力還。

抱住依個心態去面對會豁達啲。
但如果好睇重錢，好計較還唔還，幾時還既話，我就建議你唔好借，唔好傷感情，同自己成日耿耿於懷。

以前對你好，現在不幫忙，好像很無情。但是，錢銀這些東西，真的很敏感。2-3萬也不少喔，你也要想想，如果她還不了，你會不會很肉痛？會不會影響到你的生活？最好問清楚她借錢幹嘛，是真的有困難，還是只是想洗錢？還要問清楚她什麼時候還，怎麼還。如果她說到含糊不清，那就要小心了！
有時候幫助人也要量力而為，不要為了幫助人，搞得自己都一身蟻。

你冇諗住收返嘅咪借囉
佢今日攪唔掂，遲d更加攪唔掂，1個人搵2個洗，全部開支都係佢一個人收入。我唔係話佢一定唔還，但我覺得佢還都唔係呢幾年間既事，或者佢每個月500，1，2千咁，你接受到，你有閒錢都可以，總之搵多個老友同你出嚟面對面傾好點樣還就好（冇計啦個個都係咁唔掂又多騙子）

如果你唔介意佢唔會還錢俾你，你可以借。但係如果你係expect佢會還返俾你，你就唔好借啦！一段關係夾雜咗錢銀喺裏面，就唔再純正。
我都曾經借過2-3萬俾朋友，佢講明一年之內會還，後續大家都明白。明明我係債主，變到好似乞兒咁，乞求佢還返啲錢俾我。😮‍💨

想借，咪當還人情，但借咗，你要預佢吾還，如果日日計住佢幾時還，你會吾開心
吾想借，咁錢系你，而且依家出面經濟環境麻麻，don’t think guilty
世界冇話岩定錯，何況系人哋問你借，你真係冇責任一定要借，隨心啦

建議唔好借。請佢搵政府。可以細心比埋電話同網址佢。再表示自己都無錢。然後如果你真心過意唔去。就自己可以心意幾多就轉幾多當送比佢。唔好預佢還。

見到有人話要打電話cfm,都岩。。一陣係騙子。

首先confirm左唔係詐騙先，因為好多用WhatsApp扼人借錢，打比佢確認左先

但個人覺得2-3萬太多，始終咁耐冇搵
如你自己唔想借，就直接講唔好意思唔方便
但如想借就你要接受佢未必會還到😌
或借少d4-5千咁

唔可以！我有親戚試過，同妳一樣情況。上司對佢好好，合作無間仲因為得佢提攜而升職，最後上司離開公司，之後就問我親戚借錢，後尾仲要做埋擔保人，結果前上司著草人間蒸發，條數就入咗親戚到。

自己私人借少少當應付，但千萬不能做擔保人，包括父母兄弟姐妹丈夫都係。

係利益嘅角度：以後佢係事業上仲幫唔幫到你？仲有呢個機會就「投資」落去，買未來

係感情嘅角度：想報恩可以幫佢，不過量力而為，預左佢無得還；或者純粹俾1/10，但講到明唔使佢還

先約佢出來見面傾下了解她現在的難處，如果佢真系有困難，有人見面支持下，情緒都會好啲。至於錢嘅問題，你衡量大家之間的友情，可以給多少就給吧，不要預算要還。

約佢出黎食餐飯先，而家有AI詐騙
借嘅話可能借幾千至一萬，但再多我應該唔會，始終自己都係打份工
如果自己月入幾十萬咁就送畀佢都冇所謂

我以前有個好fd嘅舊同事都一樣係離婚，前夫唔比錢，但仲有個好細嘅女要養⋯⋯我最後係念在小朋友，所以借咗2、3千，預左佢唔還同埋斷聯絡

我覺得佢如果一直對你好，唔係有咩事後開始接近返你，可以借但唔會係2-3萬。我會就咁借3000，預左冇得還。還左可以再借3000。唔還唔再見。

2~3萬港幣有點多，最多先借她1萬，有還錢的話下次再說

然後要小心詐騙，台灣近年蠻多line借錢詐騙，建議多聊幾句，確定是她本人再給錢

如果冇安全顧慮， 而你又真係關心佢嘅話，應該同佢食餐飯，了解吓情況先？或者有更好嘅方法解決佢嘅問題

最多咪當請返佢食餐飯

借錢預左人唔還，2-3 萬如果跌左你個心唔會唔舒服就借lo, 但如果交情未到咁就唔好了，想幫的話就5千內當封利是比佢小朋友就算了

借錢畀人預咗佢冇得還，你覺得收唔返都ok先好借。同埋佢冇其他屋企人同close friend？要去到搵一個咁耐冇聯絡嘅同事仔借？

必須見到人，網上問因住係假嘅，有個Auntie就係咁俾人呃左5萬。如果係真，覺得銀碼大，咁就俾一個預左佢吾還嘅數吧。

應該好等錢用, 如果唔係失咗聯絡咁耐都搵返你, 所以念佢之前對你不錯, 你可以借一個你承受得起唔預佢還嘅數目畀佢

你諗下，如果有日你落難，你希望人地可以借幾多比你？能力負擔到咪借幾千囉，我諗佢未到山窮水盡都唔會想搵人借

佢請你食飯大概用左幾多錢, 你就借返幾多錢俾佢, 同佢講唔駛還, 但再多就免問, 當然你唔好話呢個等如飯錢😂。

如果係想借比佢
首先要確認係佢本人真係要借錢
借一個就算佢唔還你都無所謂嘅金額
借得出去就唔好預佢會還

抱住感恩同行善嘅心，當係捐款，你願意俾幾多？

若他日真係有得還，就當中左大獎同交到個真朋友吧。

我早兩年收到個同事WhatsApp問我借錢
一開口借萬二，後尾我借咗四千
Turn out係詐騙嚟
比你參考吓🙂‍↕️

喺度問人就肯定有大把意見，其實冇乜應唔應該，有能力又想借咪借，冇能力嘅借嚟盞勉強自己🤨

睇你想唔想還返人情俾佢囉，但比我揀就一定唔借喇。其實你直接叫佢搵銀行財仔個d，唔係仲好？

你要問自己
送2-3萬俾前上司 有冇問題？ 個心舒唔舒服？
舒服就做 啲錢係你嘅
唔係 threads友嘅

今時今日嘅香港，我覺得要先打返電話比佢約佢出嚟見個面確保係本人借錢，唔係詐騙先。

1. 小心佢WhatsApp 俾人hack
2. 如果證實係佢本人，你預咗借出去嘅錢係送唔係借，唔會追得返

如果要幫佢，只要你唔expect佢還錢，就唔會有壓力
追人還錢，99.99%變仇人而且追唔番D錢

唔講金額，先確認係咪佢本人，視像電話都唔好信，問d你和她的事，試探係咪佢本人

吾好借，一係你當俾左佢，追果時仲麻煩。第一次就應該決絕吾借，免除之後麻煩

2到3萬有點多了。幾千蚊借俾佢但唔使還就算了。如果係我～ 大家日子都艱辛～

預左對方唔還就借吧！但如果對方一借再借，就要say no了，除非你幾十億未開頭

唔好借，借左極有可能無得還，而且亦有可能佢Whatsapp被hack，呢個係詐騙。

借2-3萬就唔好啦, 朋友就約出來,請佢食餐飯,俾二封大利是俾小朋友好過.

你預咗無都幫味借囉（如果真係咁慘味幫幫手等佢覺得仲有人支持佢）

借左比佢就預左佢吾還, 如果你有呢個心態就可以豪“比”佢

自己有閒錢，不要佢急還。未必借2-3萬，借2-3千也可以。

佢電話有冇俾人hack呀？上司要問舊同事借好似唔太合理