我屋企人張Aeon信用卡無啦啦俾人係網上碌左幾百蚊美金！至衰係第二日先發現！
打去hotline cut card後就去門市填左form ！
門市職員話調查要60日，仲同我地講交左MINIMUM pay先，話呢段時間係會起息！
痴線！我地話交左錢咪等於我地「承認筆數」，佢就話「唔會」。
跟住話查到唔係你交易會退，查到係你就要交果筆美金同收利息！
筆數係我地就唔會報上嚟啦，貪好玩又咁得閒呀？唔明點解查緊都要收息囉！查都未查就叫我地交錢！我地諗住報警處理嫁啦，希望有用！
想問問大家 真係有人會交MIN pay咩？諗真咩？
仲要發生果時係星期六嚟，正常唔係應該待處理無咁快過到筆數既咩？
Aeon 唔受hkma監管，之前係呢度亦冇聽過成功退款案例
之前東張西望有報過，AEON張信用卡唔係銀行出，係財仔，比人盜用左都要硬食
以我經驗話你知，我上次俾人盜用左
1. 職員係話你可以唔交，不過如果調查完發現係你自己用，就要收埋利息。
2.問左點解冇OTP，係要睇商戶有冇用呢個服務
3.個人認為交錢唔等於你承認筆數，只係唔好俾藉口佢罰你更多嘅錢
4.最後係成功退款，不過等咗接近3個月
好清晰 如果樓主有你一成功力就可以解決問題了 😂😂
財仔卡 理論上係唔受HKMA 監管
即係中間所有做法都可以
建議 處理依件事後CUT咭
係咪張張卡唔同？ 我個張係網上交易要開Aeon app 認証左交易先會成功交易到架喎😵💫
無交錢
搞左半年條數愈滾愈大
問左幾次先印張野寫晒個堆有問題交易
要我去拎口供紙報左案先 俾份口供紙copy佢幫我搞落去
條交易係唔係待處理係關商戶收唔收錢事，同持卡人要唔要負責條數無關係。喺而家信用卡條件下，除非條交易保安措施未符合要求（如可能無要求OTP)否則過到授權嘅話9成9都係持卡人責任（包括OTP竊漏，唔見實體卡等等。）
無交呀。最後咪佢查完唔駛俾。你快d去拎口供紙copy俾佢地做手續填form個d
已係電子報案中心報案，但未有警察叫我地去落口供🫣
請問大約查左幾耐先有結果？同埋你當時有冇收到OTP驗證碼？
睇完你個案，即刻將簽賬額更改。。。但竟然無得 暫停網上簽賬
我mox 卡都試過係3月1冇啦啦凌晨四點俾人扣咗4次100美元，之後打去問都係同你一樣又話咩60日處理，如果退到要收手續費，不過最後大約一個禮拜就退咗冇收手續費，真係要定時定候check先知🫣
希望你都退到啦
你果張visa 完mastercard ? 正常交比visa /mastercard 查果啲可疑交易呢，正常銀行會暫時出個amout 幫你比住先，等到查完呢就會扣返個數，再睇下實際點。
呢個做法呢，我以前用其他財仔卡，比如安信都係咁做，我唔明點解aeon 唔係咁。
唔太肯定係咪可以同警察既放債人牌照組 或者 公司注冊處既放債人牌照組投訴。 不過可以試試
依個世界真係乜人都有架，可能曾經有人碌完卡買野後悔又無得退咪索性話張卡比人盜用囉🤷🏻♂️依D情況實有遇過，所以你都係跟佢指引做啦，咁大間公司唔會貪你個幾百美，唔係你碌自然會幫你退
一樣，不過一見email有交易就即刻打去cut卡+同佢講唔會找，個cs話ok填返form就得，條數無入返落我ac
好心咪再用財仔卡，有上開脆都幾乎個個禮拜都見到苦主上黎開post...
交咗錢唔等於承認筆數
我照full pay、凍結卡開返新卡、交問題form、查完數佢都仍然會話係你簽、然後可以再簽張野上訴、但個張卡野會話你知你上訴失敗嘅話罰嘅行政費仲貴過俾人盜用個幾千蚊（無記錯嘅話個度都差幾千蚊）
因為啖氣嘅問題我照上訴，之後就無事，會退返個額俾你
有一期aeon jcb 成批比人盜用
可能太多人比人偷 所以一蚊都無出過就退晒
但係蝕左少少匯率 佢話無得退 但係之後隔一排佢又自動退左
點都嘈左佢先
交咗唔等於承認筆數，你無碌卡都可以入錢，變咗有錢係入面戶口啫。