我已經唔係第一次見到呢個呀叔，上一次係3月2號，佢用同一個手法。第一次見佢嘅時候，佢將電話夾喺腋下，但鏡頭係對住我，加上佢個神情好怪、不停望住我，我先開始留意。

今日又喺同一個位撞到佢，今次佢將電話放喺腰間，一樣電話鏡頭對住我。我都係見到佢個樣十份鬼鼠，先發現佢嘅動作。我一回頭望佢，佢就即刻拎起電話睇，好似睇相咁。

第一次我仲唔太肯定係咪偷拍，今次就好肯定，所以我跟住佢，用電話錄低佢個樣留證據。但佢完全冇停低問我做乜，亦冇質疑我，反而一路繼續行，佢分明知道我發現佢偷影我。

我知網上好多人未必明白，甚至會話我幻覺、太敏感。但我真係成日遇到呢啲偷拍嘅人，心裡面陰影好大，對鏡頭超敏感。最無奈係明知被人偷拍，卻咩都做唔到，真係好無助。
希望大家出入呢一帶留意同小心此人。如果佢係你嘅親友，麻煩你幫我問吓佢：我到底有啲咩好影？
(位置:海之戀商場對出海旁)

係真架唔係你有妄想症
啲年紀大嘅通常都影性感同埋靚嘅 啱啱早兩日先見到嗰阿叔回味緊自己係西鐵車廂偷拍啲片
後生嘅就咩樣都影然後放上網同人討論 公司group 啲同事成日share出黎 我都唔明有乜咁好影

我知啊，因為之前有睇開啲偷拍post，都會有啲網民鬧返事主有妄想症之類🥲所以真係好無奈。