📌 我已經唔細個，但睇《
共 74 條紀錄
我已經唔細個，但睇《再見UFO》都有啲吃不消。
- 120分鐘，可以剪到90分鐘，情節太零碎
- 講完97股災講樓市，搞咗15分鐘
- 呢個死嗰個又死，有啲煽情
- 80後尾期冇乜共鳴，唯一係我試過比同事將我個名交咗比Rainbow吸塵機公司
- 白只個角色最好笑，人做二世祖always最好
- 天佑都仲係靚佬嚟，除衫嗰吓好fit
我見套戲好多好評，但自己唔係太鍾意。《尋秦記》嘅賣情懷我ok，呢啲賣90年代香港情懷我覺得好老套。我諗50歲嗰啲叔叔應該有feel啲。
各有所好。利申，我係80後（接受人哋叫我做「EE」），看完林可兒說「重頭嚟過就重頭嚟過」和陳子健的「遺憾」故事，現在看更感慨。
同埋你見到華富應該再有多啲共鳴，我都覺得華富係最美屋邨
我見到華富邨及細我少少既蔡卓姸、徐天佑、黃又南，他們戲裏戲外的故事，確實有共鳴
80後尾期係唔會感覺到97金融風暴有幾慘，仲係小學生，可以想像下日日有人燒炭自殺，醫生律師打上電台向特首哭訴變負資產，之後科網股爆煲，一直到sars仲通縮有人以物易物賤物鬥窮人，同而家慢慢由治及興唔同
其實套戲唔係主力賣情懷，80-90年代只係背景，主旨應該係人如何尋回自己
我聽過兩個女人嘅故事，有個幸福女人，佢老公開旅行社，但97年炒樓輸咗，以為短暫調整，又再入市，欠咗一身債，自己走咗佬。留下個本以為自己好幸福嘅女人同個女面對問題，個女人患抑鬱去跳樓，但又好彩死唔去，之後成日有panic attack。
另一個女人老公又因97走咗佬，佢畢業後無做過嘢就嫁咗人，唔知點養起兩個小朋友，只能做鳳姐，但小朋友好嫌棄佢。
我聽過佢哋嘅故事，就覺得女人點幸福都要有收入，靠人真係好危險。
我都有睇
但係電影真心唔Ok
女主變哂配角
唔知點解有個大陸女人要衝出黎死
洗咁多錢拍個咁既故事係失望
你意思你係80後尾期？咁當然冇共鳴，因為佢講既大部分係90年代😂
我好鐘意套戲，可謂人生三甲。但我鐘意佢既訊息，唔係歷史共鳴。
當然訊息接收呢啲好個人，你覺得嗰message冇意思就自然唔會鐘意套戲
我係80中期，完全同意你所講，成套戲勁零碎，得閒講吓呢一忽，得閒又講吓另一忽，導演嘅功力好明顯未夠班，根本駕馭唔到呢種拍法同埋剪接。
阿sa同白只係成套嘅敗筆，破壞力極強，睇佢哋演出就好似睇大專生拍畢業作品咁，勁amateur
不過呢套人人讚好嘅戲，開post批評佢係需要好大嘅勇氣，預咗好多人衝出嚟護駕🤣🤣
哈哈哈哈哈，講吓自己感受都會比人片到開花。雖然我同你係minority, 但應該都唔只得我同你有咁嘅感受 lol
個個唔同 。 尋秦記我陪友人睇。 根本悶到反艇
可能 Tvbb播嗰陣時我都不是特別 鍾意。 我根本冇情懷
再見ufo係唔鍾意最尾嗰15 分鐘，我覺得有啲老土。 And 我睇嗰場真係有 120 分鐘多D 喎。
係，我都明有啲人會鍾意，唔鍾意都只係我個人，哈哈！
係，成兩個鐘 :p
根本就唔係你有冇親身經歴過那些歷史嘅問題，我睇《舒特拉的名單》時流不少眼淚，唔通我係二戰之前出世兼且已經懂事？
唔論你幾年青，你後面都有你嘅「童年」（以往嘅歴史）；只要你呢一刻未死，你前面都有你嘅「未來」（那怕只有一刻）。
人有時比眼前嘅事佔據咗，好忙變成好盲，同自己嘅過去斷咗纜，更加接唔通到未來嘅自己，喪屍一樣。
戲基本功很好，
明顯唔係新導演，
用晒渣演員，考導演自己功夫。
渣當然唔係話衛詩雅、盧海鵬、小演員們。
至於年代共鳴，有係好，冇就睇人地故仔，拍得好就係好。
尋秦記則成套戲拍得好流，阿Ken小隊成件事格局像玩泥沙。成個電影project似吹大成本洗錢。
套戲係有啲鬆散，有啲位係kick，但最大感受反而唔係佢啲賣情懷，係講緊經歷咗時代動盪，自身嘅各種問題際遇之後，點面對細個嘅自己，同細個嘅自己作交代
覺得幾好睇喎
三個主角對應咗香港人人生嘅三大問題
又記錄咗香港八九十年代嘅大事
外國人睇呢套戲應該對香港嘅認識會多咗
反而香港人覺得呢套戲唔好睇？
唔關年紀事、經歷、共嗚事
套戲由敍事手法、剪接、演員、對白撰寫、以至道具、攝影&分鏡，都不是一套出色的作品。其實套戲嘅題材唔錯，可惜浪費左。
我個人覺得UFO好過尋秦記好多。不過而家啲評論好多都唔俾人哋鍾意尋秦記多d喎😅😅😅⋯⋯投其所好唔得咩？ 我兩套都寫咗啲評論分享吓。
https://patrickmakblog.blogspot.com/2025/08/2009-2025.html?m=1
套戲又真係好多年前拍落，除橋段唔會最新，仲要涉及超近歷史，觀點同變化差別較大，基本上集體共鳴已經唔係容易處理，呢種嘗試必須鼓勵。
純粹對感覺而言，幸好由2019推到2026上畫，由華富到大部份80年代已經至少係小學生嘅香港人，經歷竟然係更多更深…… 而華富取景都拍得非常好。
當然，好少比較中立電影，肯再涉及香港1997年前後，原因大家都明；睇果陣即時反應反而係，遲到今時今日先諗，會唔會肯拍……
你會唔會錯左重點，唔係要你共鳴
共鳴只係令你入戲多啲
而天台先係最真，你80後尾
你諗下今日既你，同25歲既你，同50歲既你見面，你諗下你會同佢地講乜，又諗下佢地會同你講乜？
會唔會25歲年少氣盛既你會屌鳩今日既你？
可能就係我冇一種後悔/遺憾嘅感覺，冇一種想同返過去嘅自己講嘅嘢嘅感覺
我自己真係冇，但我明你講緊乜
唔洗，你諗下10年既你，返黎同自己傾計都得，咁你咪吾洗返過去囉
我覺得唔係個個人都會look back
有啲人就係會move on
又或者有啲人就已經覺得做嘅決定係最好冇乜後悔
未來既自己…就係最好既自我溝通，幫自己成長
咁既成長個人會完整好多
Btw, 我討厭人講後悔
後悔係因為係來自自己既選擇
好多野，係當年的確可以諗得更多處理得更好，而點解無做
一部電影有人喜歡有人討厭很正常，所以影評還是小看為妙，免得被人影響，錯過一部好/不錯的電影
套戲眼高手低 想將幾十年既大事放哂落套戲入面 左一忽 右一忽 分開3條線 又重重覆覆 驚死你唔記得之前d戲情咁 搞到似套加長版既星期日檔案咁 我覺得比較岩50-70後睇 佢地出黎做野既年代經歷過股災同負資產 應該比較有共嗚....
我好鍾意呢套戲，響起「皇后大道東」加股市萬三，一遍歌舞昇平，我喊咗出嚟。可能唔同人唔同共鳴，120分鐘我覺得一眨眼就過！
我有共鳴，但唔覺得去到最佳電影提名咁誇張，佢仲有好多提名😮💨睇唔透
我覺得今年最佳電影係不赦之罪，可惜🚬
70後 好感受到97股災。
去荃豐行商場, 好多鋪頭係咁睇住個股市, 生意都唔想點理。
金魚缸勁多人停低去睇。
講番套戲又真係太散碎。
百貨應百客，呢部唔岩睇咪睇另一套（仲有得俾你揀嘅話）
我唔同意50歲係叔叔😁😁其實而家50歲仲係好年青😁😁
其實部戲除左講香港本土回憶 天台果part/Ah Sa 結婚果part 係講緊平行時空&三位主人翁之間的telepathy心電感應 但用左UFO做表達 健仔燈/菲林底片🎞️係被新郎扔去燈上面咪就係成部戲的穿越工具 之後Ah Sa 結婚果part遇番多年好友帶她離開會場 表達左人要搵番同自己同頻的人而不只是follow 社會共識 見到有人提到2019 其實2019 台劇想見你入面都有呢d穿越時空情節&穿越工具 以上果part 先係成部戲的亮點呀！😹🙊🙌🙌🙌
講官鱷大戰 九七金融風暴，我唔覺得長喎 ！ 當時真係全民皆股 我嗰陣時都有份炒 所以好有感覺😁
因為本《瀛寰搜奇》吸引咗唔少70、80後入場睇。
我70後，未決定入唔入場睇，因為手上太多其他嘢可以做。
Bad taste
其實乜叫戲味你都未知
一味只識咩緊凑
我覺得七八十後會比較有共鳴，太後生比較難明白九十年代既經歷，三十年後，你同返後生講以前佔中武肺乜乜乜，我諗佢地都唔會理解🤭
好多謝你嘅 comment，呢套我一直都扚唔起心肝入場睇，個 feel 係有 d 奇怪。
相反 我們不是什麼 今朝就已經買咗飛。
但我就呢套戲嘅comment似乎係小眾，大家好似都覺得套戲好正 (但我真係唔覺)
我本身寫都市愛情嘅，可能就係咁，覺得呢啲太老土
可能同要在短短一套戲內交代三個其實四個小朋友嘅成長，連結埋香港嘅大事件，編排上有一定難度，但套戲係交代得清楚，而且都對白幾精警，拍攝嘅情景亦都美麗，我自己就好滿意呢套戲。沒有誇張煽情嘅內容，小角色都大概知佢係代表乜嘢人。所以攞獎我覺得係實至名歸。
我95年出世，金融風暴果時其實我未有意識，但我知有呢件事發生過，知好多人由魚翅撈飯一下輸到雞無鴨血跳樓，所以睇果時我會共情到。
其實佢唔係賣情懷，只係講緊幾個經歷香港起起跌跌嘅人嘅呢幾十年變化。