我想問一樣嘢，係咪做阿爸阿媽就唔會有錯
我本身係踢開波嘅
今日我考完試返到屋企啦，之後我望下望下，發現我冇咗對波boot，我就即刻問阿媽阿爸啦，結果真係畀佢哋揼咗🤯🤯
之後係完全冇問過我，之後我咪問佢做咩無啦啦揼我隻boot，佢話我鬧佢哋🤯🤯之後走嚟鬧我，我就話:「係你無啦啦揼我嘢，你仲鬧我」阿爸就講:「鬧你咪鬧你攞，使比面你！」之後就由佢錯變咗我錯，佢冇問我就自己揼我d嘢，OMG原來係我錯，阿爸好勁👍
佢揼你對波boot,你咪揼返佢個電視機出街😂,實行互相傷害
PS:（真實事件）
話說嗰陣時同個friend打lol,佢老母gank佢,話再打機就抌咗佢個電腦出街（第二日真係抌咗）,然後我個friend將佢老母啲化妝品同埋名牌袋一鳩車曬出門口😂😂😂
見到有人話如果對鞋係父母買嘅話，咁對鞋係屬於佢哋
我極度唔認同
咁樣教仔嘅咩？即係佢大個有經濟能力買嘢俾父母，可以唔使問就突然掉出街？唔使尊重？
如果係佢冇放好自己對鞋，警告完都無效，咁樣掉咗就好合理
但無原因仲要惡人先告狀，做父母唔係大晒嘅
如果佢哋平時都係對你咁差嘅
咁你就要同自己講發奮圖強讀書
大個咗賺到錢就盡快搬走 老死不相往來
小朋友，阿爸阿媽都係人，人就一定會犯錯。
首先，對波鞋係邊個買就屬於邊個，你出錢買就可以報警，若果係父母買就係屬於佢哋但俾你使用。
第二，你阿爸鬧你唔代表你錯，「鬧你咪鬧你囉，使比面你！」呢句反映你阿爸性格同情緒處理方式。
推論有以下5點
1. 控制感 / 權力感
呢種講法帶住「我鍾意點就點」嘅態度，可能係想透過踩低人去建立優越感，或者掌控局面。
2. 情緒管理差
有啲人一有不滿就直接爆，冇過濾，唔識用較成熟方式表達（例如冷靜講道理）。呢類人通常衝動，之後未必真係諗過後果。
3. 缺乏同理心
「使比面你」其實即係唔理對方感受，呢種人未必識站喺人哋角度睇問題，或者根本唔重視人際關係。
4. 防衛心重
有時反而係內心冇安全感，先會用強硬、攻擊性語氣去“保護自己”，即係先發制人，免得被人睇低。
5. 習慣性溝通方式
亦有可能係成長環境影響，例如身邊人都係咁講嘢，久而久之變成常態，未必覺得自己有問題。
所以建議你唔需要唔開心，唔需要認為自己錯，亦唔需要講你爸勁呢啲單打既說話。
做好自己，培養正確良好應有嘅情緒控制能力，尊重他人，溝通能力。
阿媽點講？
你哩個年紀 我諗我最多都係會哩埋喊或者搵學校靚女社工傾...
切勿跟車太貼
係咪有咩原因導致佢老豆揼咗佢對boot先?
當你一日都仲未自立，你一日都要當自己打工，當佢地係你老闆。
老闆做錯，打工既都要硬食，就算你想佢認錯，都要比落台階佢。
你可以發佢地老脾辭職唔撈，但以後你就無得住、無錢，要自己返工搵錢、出去租屋住、自己煮自己食、所有家頭細務自己做。
想生活過得好，就要打好同老闆之間既關係，到時就唔係揼你對鞋，隨時可能係有日返黎發現床上面多咗件限量波衫。
認真答你，係人都會錯，你阿爸阿媽都會
但你件事係佢哋掉咗你對波boot,佢哋有冇之前叫你放好但你周圍亂放？鬧你要睇鬧得啱唔啱有無合理原因有無道理，唔係只係你自己角度諗的
再講長d你父母有無教過你好好放好自己物品，你有無能力同自己地方放私人物品等都要睇埋先較能合理評論你所講呢件事
你可以試吓揼返佢對鞋 你咁嘅家庭狀況最多比人打到仆街
但佢可以感受下你嘅痛苦 唔算太差😋
啲父母生仔女到呢個世界，除咗供書教學，就係要尊重子女他們既事和勿，同樣，也要教他們如何去尊重父母及其他人的事物，呢啲係做人既基本！即係唔係做父母，就大曬！
係咪就嚟生日或者預祝你考得好, 送對新嘅比個 surprise 你呀?
從我識揼嘢之後 條廢老整爛我一件掉我一件 我就跟佢做返雙倍 啲垃圾口已經唔敢再搞我啲嘢
background? 肥佬咗定整傷了？？唔会無啦啦的吧
我都面對過呢啲情況，我唔係屋企嘅時候比父母掉咗自己好珍貴嘅嘢！
不過而家唔會再有呢啲情況發生，因為我冇再同佢哋一齊住。
建議你快啲搬走。
如果父母係愛錫你嘅，就會愛錫埋屬於你嘅嘢！
掉得你嘅嘢，即係叫你快啲走。
或者你可以等佢哋唔喺屋企嘅時候，掉走佢哋啲嘢，等佢哋身同感受。
呢個世界冇咁多叻人，
你要明白，
上一代好多人教育冇今日咁多機會
做父母係冇錯㗎，唔係點解啲人咁鍾意做父母啊？呢個身份冇着數嘅話，你覺得會有人想做咩？
好難講啊，單嘢冇前轉，可能樓主啲嘢成日都亂劈，老竇忍無可忍就掉咗，呢啲就係講啲唔講啲淨係對自己有利嘅先講出嚟㗎啦
任何人任何原因咁揼另一個人嘢就係唔尊重。唔好理啲人教係咩第日報仇，更加唔好理啲人叫係體諒乜乜乜，一定係佢哋唔啱。
佢哋做咩都有佢哋既原因，你唔應該要食。當然有啲人話有無前因？例如放得唔好？測驗考試都踢波，講左阻止你唔聽，揼左對鞋等你踢唔到？都唔可以成為佢哋揼嘢既理由。甚至你仲係食佢地住佢哋又點？對一個人要尊重，一家人要有愛，應該係佢哋要教你既嘢。
你唔好認錯，繼續平時咁生活，得閒就問：阿爸阿媽，你哋幾時就揼我對鞋道歉？問到佢哋認錯，甚至大家去傾番件事。堅持，如果你仲緊張你阿爸阿媽，迫佢哋埋牆角，一日唔得兩日，十日唔得就一百日。但你要做好自己，令佢哋無位入你！💪🏻
上一代係咁，以前我有個朋友中意一路訓一路聽收音機，之後個朋友第二日遲起身遲到，佢阿媽覺得係佢聽收音機唔肯訓，之後我偷聽到我阿媽教佢阿媽要趁朋友翻學個陣扔走部收音機🤡
冷暴力最好，佢問一句你答一句，無必要唔好同佢地講野。
支持生仔要考牌。呢個 case 絕對就係苦了大家既最佳例子。
記住，努力賺錢，以後要佢依賴你，之後就斷下佢所有維生需要，甚至乎連氣都唔好俾佢唞