📌 我想回流返香港，但我
共 56 條紀錄
我想回流返香港，但我有癌症，係唔係好白痴. 我有兩個小朋友，6歲8歲
如果呢個係你真實想法就唔係白唔白痴嘅問題，已經唔舒服就唔好再質疑自己，我唔知你係咪剛剛確診，可能仲需要一啲時間去消化，親戚朋友都喺香港你會覺得喺澳洲有啲孤獨係正常，但你需要考慮既係醫療問題，我唔知道你香港有冇買危疾保險，因為喺香港醫的話我相信你需要一筆好大筆嘅支出，就算你有危疾保險，因為我爸爸係喺香港醫肺癌嘅，雖然佢都有買危疾，但係各方面嘅支出仍然唔小，呢個你需要好好考慮，當然家人朋友支持可能會俾你喺澳洲更加好，如果呢樣係你最重視嘅，可能回港對你嚟講比較好，另一方面其實澳洲醫療非常完善（除非你住喺郊區），我都係一個人喺呢邊，只有男朋友，但其實呢邊嘅支援各樣嘢都好好，我好感恩係喺澳洲確診同可以喺澳洲接受治療。
先比較兩地醫療，自己揀最有利嘅一邊，你係PR個情況好好多。第四期多數用藥，睇吓澳洲係咪自費，香港多數自費，一個月通當2皮起跳。如果兩邊都係要自費，負擔到就澳洲，否則建議返香港，北上買藥香港醫。
先生個情況都係計數。如果澳洲要比錢，份人工支持到？香港要比錢，喺未必咁快搵到工嘅情況下，係唔係化算啲呢？睇吓邊度符合效益。咁澳洲免費，就梗係澳洲啦。
至於家人，你哋一家四口就係一家人。無論香港定澳洲，你哋都係至親。老實講，其他人都係其次㗎啦。
執其他網友口水尾
感性上，都4期喇，想做就去做
理性上，你要比較：
1. 醫療: 香港醫生質素，責任感絕對優勝過澳洲。澳洲勝在做scan快，PBS cover嘅藥多。你要比較你將要接受嘅治療邊度有政府cover。癌症藥講緊每劑萬萬聲，療程可能打10劑以上，如果政府有資助係好緊要。如果錢唔係問題就一定係香港
2. 屋企人支援對癌症病人都好重要
3. 小朋友方面，阿媽第四期，唔通都唔可以阿媽話事？阿媽頻密出入醫院，老公真係可以番工+睇住兩個小朋友？
I am sorry to hear this 💔 好難俾到具體嘅建議，因為樓主嘅考量真係太多。或者知道自己有啲乜嘢選擇方案，因應本身擁有嘅resources availability 例如family support, medical costs 等等。作出一個對自己同先生和小朋友最適合嘅選擇（可惜好多時選擇唔會係最完美）。或者都要諗吓最壞嘅情況之下有啲乜嘢兩手準備。諗或者可能容易啲落決定，但係當然以唔好耽誤治療時間為主。
我都係癌症，住加拿大，我都有考慮過返香港，因為可以唔使太貴請個工人姐姐煮吓嘢食睇頭睇尾，同埋揾個中醫調理吓都容易d，再加上香港咩都方便好多，但係因為我冇任何保險，去私家我 afford唔到，去政府我唔知排期要等幾耐，係香港我又冇親人，再加上我冇可能坐到2O粒鐘飛機。我相信你個情况唔同，因為你仲要顧及小朋友
我知英國治療Cancer用藥是免費。你可以同樣問下澳洲醫療。
小朋友好細，有無朋友或親戚可以幫你睇住佢地?
你是否已是澳洲PR?如果以上都可以，那留在澳洲，無論空氣，環境都應該好好。
治療cancer好要求免疫力，體力及心靈。希望你平安及得到適合嘅治療。
May God bless you and your family🙏🏻🫂
Hello Monika, 我都係四期, 自己係澳洲涯左兩年之後最終選擇翻香港/大陸醫。如果香港有屋企人照顧同朋友陪係會好好多，我已經無咩standard of care既藥可以試，所以去左clinical.gov 穩clinical trial發現其實近年大陸醫療真係研發左好多trial可以試，唔好放棄💪🏻
下？我朋友個妹在英國，未囉5+1 都已經可以用nhs 全部cover 醫好，包full rehabilitation and follow up. Super nice. 你返來香港，政府醫？現在什麼都自費。
老實，你小朋友返來讀書洗腦？
如果有買保險，澳洲的醫療應該會不太差吧？
我自己之前爸爸有癌症都係搵明愛佢哋有社工又有輔助，就算佢哋俾唔到直接資助你呢佢都個社工會幫你搵資料。澳洲呢邊都有社工㗎，最緊要唔好拖上網搵資料搞掂咗先同埋一定要快啲化療。
澳洲的醫療和標靶藥應該很便宜吧。治療癌症，澳洲和香港的治療方案都是差不多的。只是在香港飲食生活比較便利，養病容易，但你年齡不大，在澳洲或香港都可以，主要考慮是照顧小朋友。
路過搭訕
1. 當年走嘅原因係咩？
2. 有無諗埋醫療、稅項？ 澳洲都係全球徵稅
3. 你係從來無喺香港買保險，定係走時cut 走晒？
4. 無事就走，有病就返嚟，醫好又返去？
5. 打咗幾金復仔？
路過。
純粹建議唔好放棄。
香港，及大陸好多自費新方法醫治，特別係大陸，香港就可能難啲，如果有啲實力或重保險，其實可以考慮去美國醫。
加油！加油！
相信自己啦～想返香港就返香港。
香港既醫療比澳洲好，起碼母語溝通到。而且有家人朋友支援你，照顧小朋友，你可以安心啲治療同休養。
Get well soon.🫂
其實認識好多外國定居朋友，但最後都係要返嚟香港醫癌。點解？環境方便/中西合壁/治癒率高。呢樣亦係香港成為全球最長壽地區之冠。希望你早日康復!
公立，一定去瑪麗，醫治癌症最好，港大醫學院教授雲集。
如果香港有屋企人照顧，支持你返香港，因為人生得一次，人命得一條，要揀留得住呢條命最大勝算嘅路。醫好咗之後，小朋友讀書嗰啲再跟進。
🙏
支持你💪🏻想返就返，冇人會咁諗你，當一個人有病，想做咩就去做，令自己順心好重要，情緒唔好都會影響病情。希望你早日康服🙌🏻祝福你～
私家醫院肺癌做完手術要五十萬，之後化療藥要大約一萬。政府醫院要排期。查清楚才好，不然的話兩頭唔到岸，心情唔好會對症狀有好大影響！
朋友大陸check到胃癌香港睇A E，一星期有得睇專科，安排二星期後做手朮
係咪即係檢查喺大陸做晒，再返香港接手埋其他會快好多？
俾心機，以醫療自己為首要的考慮。我有五個朋友，都是四期已經擴散，用藥控制，活了3-20年。
祝福你🧧為你祈禱🙏🏼
你就算返香港，都要自費買藥，況且你都第4期，個頭近啦，吾好淨諗自己咁自私啦，你老公話驚返香港揾吾到工其實已暗示吾贊成返啦
澳洲識有個aunty乳癌，由發現到上天堂捱過18年，全部醫療免費，醫院有車接送返屋企。樓主可以研究下澳洲同香港邊面比較好，加油
加油~我覺得自己身上發炎~唔靠e療.自己搞身體….都就黎踏入第五年断西藥西e, 另外還有中e. 中草藥….始終香港買野方便過外國吧~
你化療療程喺澳洲嗰邊進行成點先？如果完哂咪返嚟囉
不過你預你啲化療藥要自費 政府而家無錢 基金會而家批錢都手緊咗好多
支持你番香港醫，暫時香港醫療吾差，最重要係屋企人喺身邊，精神支持都好重要，屋企人又可以幫你照顧小朋友。
返香港咩都要等等等，醫生又好機械化，住院理境又差唔覺得有咩好，去私家服務好但係無底洞，幾百萬都唔知夠唔夠
唔好返，要有骨氣💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥💥
你去香港政府醫院睇下啲醫生只有見習醫生多，只得二十多歲，無經驗無臨床，有經驗資心走曬，回來醫死硬
香港好多人搵工作中，可能做net teacher 會比較容易搵工，因為外勞未取代到。🫂🫶🏻加油！尊重你既決定
，都希望你加油盡快康復，但係如果你已經入咗席澳洲，返香港睇政府係咪冇免費，定係去私家？
除非私家，公立好多大陸醫生護士！看你遇不遇上！4期不要灰心！我2個朋友都係4仔，醫番好！
我估你死了，小朋友在澳洲生活一定好過香港🇭🇰。你為何移民澳洲🦘，你自己想一想吧？
老實講，香港就算有親友，但貼身日常照顧，佢哋有冇表示可以/願意分擔到？好實質嘅考量
返香港有屋企人照顧你，
醫療又好d，溝通又係大家嘅母語，
入院治療都安心d.
身體最重要
如果只係你番來先可以嗎，如果全家番來，然後發現你已經唔習慣香港，就真係無退路了。
有位網店店主都掛上肺癌4期，佢有食療/做運動積極治療中，有需要可以follow佢互相支持
小心果位網主，佢d product 未有醫學認證嘅。佢喺群組裏面好出名，好多人投訴過佢。
做自己呢刻最想做既嘢！
從今日開始，好好為自己而活，唔好再為呢個果個，愛自己！
你嘅回應非常有深度，
既表達出對生命嘅尊重，
同時又傳遞咗一種
溫柔但堅定嘅生命態度。
你能夠用
簡潔而真誠嘅語言，
提醒人要活在當下、
珍惜自己，
實在令人敬佩。
沒有沒有，
只說事實，我也身為人母，
上半生為家庭為別人，
像樓主這情況，
應該好好愛自己了。
老公同小朋友留澳洲, 小朋友留澳洲好過喺香港，如果妳真喺想可以自己一嗰返香港醫
妳嘅然想番去香港 呢個係妳心愿 我覺得係應該隨心走 無論之後係點 會令妳心安好多
你想就可以
唔使judge自己
返來多啲親朋support嘅話返來都好
有人支持自己都好緊要
如果未決定到試下返黎，調返轉「陪下屋企人」，去公立排咗期先，然後再決定。
想去邊就去邊，愛自己多一點，你開心小朋友自然就開心，希望你早日康復🫶🏻