📌 我是出生於香港的巴基
共 57 條紀錄
我是出生於香港的巴基斯坦人,在香港本地小學就讀。媽媽也很喜歡看TVB的劇集,例如真情,皆大歡喜等等…
還有她也很喜歡看廣東話配音的動書,幽遊白書以及Sailor Moon也是她的最愛之一,所以我媽媽她能操流利廣東話(雖然她沒有什麼學歷)而我也能理所當然地操流利廣東話,以及讀寫流利中文（可是英文非常差)
很多人會想在身為一個在香港出生土生土長的巴其斯坦人能操廣東話是一樣非常厲害的技能，很多香港人(尤其是大人)會覺得好”得意”和可愛,而和我談話, 讚賞以及欣賞我,例如“嘩你廣東話咁好,第時可以搵到到好工”“生得咁高咁靚,可以參加做港姐”。
總言而之,有很多香港大人常常讚我,可是去到小學校園生活就是另一回事。雖然媽媽能操流利廣東話,可是僅此而已, 她不能讀寫中文, 完全不懂英文，所以學業上她也不能幫上什麼.
我小一的時候不知道手冊有什麼意義, 只知道我要填個人資料, 貼時間表. 我不知道功課,默書和考試是什麼, 我要如何做,所以在老師以及同學眼中我並不是很討好的存在, 在加上我是全校唯一一個少數族裔, 所以我理所當然地被同學及少數老師針對。
香港人其實不分種族，只要你能融入香港，真心愛香港呢個地方，就會視你為自己人！
你地係香港人啦，喺香港生活講廣東話，好過啲人日日叫你專重佢哋，用佢嘅語言
多謝, 不過有好多同鄉都唔會㗎！我之後都會繼續分享我嘅經歷
我細細個有d衝動想認識巴基斯坦人或者少數族裔嘅朋友。傾下計，想知佢地嘅習俗。
評論區好多人都mean到出汁，冇嚟家教
我雖然係香港人但係經歷左同你差唔多嘅嘢，出國讀書阿媽陪我個陣，淨係得我識睇英文，所以high school有咩文件要填、報大學手續、水電費單都係自己一腳踢。有陣時會覺得冇左家庭support好難頂，但係一步步行過嚟都磨礪到自己嘅獨立同主動權。加油！香港人就係叻不屈不撓。
冇錯，我都好啲，我阿媽識講識聽中文 所以個情況應該俾你喺英國好好多.
至於評論區嗰度我有我自己嘅睇法我第時我都會分享
Thank you for the comment :))
我老婆佢都喺香港出世嘅巴基斯坦裔，讀香港主流學校，聽口音完全喺地道港式粵語，Urdu反而無咁純正。
我有時會講笑咁話佢喺「港女」，但間唔中都會mixed up啲中文字詞搞出個大頭佛好好笑。
佢都有分享過讀書時候比人歧視嘅經歷，反而大咗就有讚無彈，去親街都有人讚佢廣東話好叻。
希望你可以喺香港讀到大學或者去外國深造，唔好咁早結婚，希望媽媽可以尊重你既決定！
放心吧，再多20至30年，你們不再是少數族裔了，因為生育率及移民，香港將是印巴裔的天下。在香港你會有美好的前程😎
但係我唔想香港變成好似英國歐洲咁喎 🥹🥹 我好難得先逃離到少數族裔呢個community :(
現在倫敦選市長，必定是你們贏,首相也可以，香港遲多30年，只要是選舉的，你們一定贏！
相信只要喺中共統治之下呢件事一定唔會發生, 同埋香港人未左到呢一個地步
你講廣東話同寫正體字梗係香港人啦，唔會好似啲嚟咗香港住都唔識廣東話又逼人講佢鄉下話嘅人咁low
香港好多巴裔本地人，講得廣東話我哋都會當佢哋係香港人，努力💪🏻
你雖然是位少數族裔小學生，但寫得一手規範的中文，證明你學習能力很強。而且你勇於發表自己的意見，也證明你很外向和成熟。「少壯不努力，老大徒傷悲」，加油，繼續好好學習呀！
你覺得自己係香港人就可以，為自己而活，世界嘅惡意你可以選擇無視，善意你都可以選擇擁抱🤗
好高興路過認識你
過多十年八年就會出南亞裔立法會議員，你可能是未來棟樑😊
你媽幾大？同我一樣都係睇幽遊白書同美少女戰士，應該同年代。❤️❤️❤️
我記得幾年前有個巴基斯坦裔女記者，廣東話發音正過好多香港人，佢好叻女，而家應該移咗民，你令我諗記佢！
大叔自幼便認為所有香港長大的南亞裔人是香港人，香港人不應該認為只有華裔才是香港人。香港在八十年代便有條件推動種族融合，也應投放資源幫助非華語家庭，特別是低收入家庭學習中文，可惜40多年過去了，由港英政府至現今政府都未有足夠資源幫助香港少數族裔融合香港。包括我自己在內，華裔香港人對南亞裔香港人的認識仍然十分不足。
明白在異地生活既困難。你既下一代一定會比你更適應香港既生活。
我第三代，所以個樣唔似同埋有中文名，除左有教我既老師同同班同學或者朋友基本上唔知我係。不過你學校配套好差下，識講中文都幫手。
其實都知道你係香港人
不過你中文同英文好係一件好事嚟嘅
祝你生活愉快
無論你係新移民定少數族裔都好,只要你冇犯法認同你自己香港人嘅身份,你就係我哋嘅一份子👍
你會不會去 位於石門站既傑志體育會 或者 跑馬地馬場入面既 港會HKFC 投考足球班，或者報讀其他球會既 籃球班、欖球班、板球班，作多元化體育發展?
只係你係巴基斯坦裔
我係華裔 其實我哋都係香港人！
🫂 其實你地都係香港人黎 有禮貌 講廣東話 雖然知社會帶有歧視 但我唔會 曾經有巴基斯坦人同我幫手送個失智老人回家 又見過多次賓賓姐姐地鐵讓座比老人家 外人眼光改變唔到 做好自己 他日自然有人欣賞你 🙆🏾♀️💞 仲有好多人係分人品 唔係將人分區
希望你哋族裔都好似你咁肯融入香港，細個曾經都有巴基斯坦朋友，不過佢到上咗中學就只同返同族裔嘅朋友相處
唔識，咪學囉，
不過男女有別，
而且識中文同教非母語中文係有分別，
呢樣我幫唔到你，
你會唔會考慮轉去比較多南亞裔嘅學校？
起碼，你問其他南亞裔同學/師兄師姐，
他們用南亞裔學中文的經驗比華裔教你比較有用（華裔學中文字方法和南亞裔不一樣，我們用「部首」思考一個字的意思，但解釋中文字結構要中學才會正式講，查字典要四年級才教）
我記得小學有個巴基斯坦同學，佢家姐細佬都係同一間小學。我相信佢係無得到任何適當支援，因為佢到小六仍然係 26 隻英文字母都未必寫得出。我都試過盡量教佢，但程度實在爭太遠，唔知點講佢先學到。
唔知佢而家點呢？希望佢都有自在嘅生活啦。