📌 我會答，係，體罰就係
共 80 條紀錄
我會答，係，體罰就係虐兒。
完。
見到有人留竟然話體罰係可以「連帶教育」、「講道理」，好偉大啊🥹🙏🏻
唔好懶cute咁樣講「打吓手板仔」、「打下patpat」，就當冇事。好簡單㗎咋，我舉呢個例子，你就會知道體罰有幾唔啱。
你返工做錯嘢，老闆冚你幾巴，你係咪OK先？你忍？因為老闆都係為我好，係我做得唔啱，你係咪咁識諗呀？你即刻辭職唔做啦，兼且去勞工處告佢「虐待員工」。
之所以會覺得體罰冇問題，係因為：
一、「為左你好」，當子女係附屬品唔係個體
二、將程度當界線，打手板仔咁細力點算虐待，打大爆血斷骨先係
三、盲目相信只有體罰有效
不過打仔嘅人就係唔聽，然後大義凜然咁話自己冇問題，完。
我慶幸我係比屋企人打大的
唔係鼓勵體罰
我諗有啲性格嘅人係唔打唔識驚
女仔可能好啲🤔
體罰可能對啲無咁曳嘅小朋友黎講係創傷
但單憑我自己嘅經驗
我係比屋企人打我先深刻 先識收斂
仲好記得比阿媽抽到飛起
之後幫我捽藥油時嘅窩心🥹
要幾聰明先會覺得小朋友同成人可以直接類比
其實如果用老闆同員工類比，不如類比埋警政/司法系統同疑犯？
講真去到2026年好多人對child abuse、child protection嘅觀念好落後，呢個位真係mind fuck
呢條界線好清晰，就係站在兒童角度出發，理得你係咪懶cute打吓手板仔
父母就係有責任提供安全環境比兒童生活成長，你生得出就係要想盡辦法許盡呢個責任，因為從來唔係個細路叫你生佢出嚟
都係個句
就算你打仔個目的幾高尚，依件事都係犯法，係有機會比人拉
正常人都唔會話個伴侶唔聽你講，就用藤條打佢啊？甚至對屋企隻寵物都唔會
但係點解對一個細路又覺得ok 呢
因為好多人都覺得生咗小朋友出嚟，就係我俾條命你，你就要聽我講，根本就係用權力嚟壓制小朋友。
不過話雖如此，我都唔敢講會咁講嘅人會唔會用藤條打自己嘅伴侶或者自己嘅寵物🤣🤣🤣
我同意細路係需要教育，但係我唔同意懲罰，需要的係後果
細路要知道我唔係專登要留難佢，而係做錯事需要有後果同負責任，亦都係可以改過/改正錯處
咁講科學
有心理學家做過實驗
懲罰式教育 VS 鼓勵式教育
懲罰式只係短暫有效，當懲罰消失之後，受試者會故態復萌。
鼓勵式會培養內在動機，建立正面嘅自我形象，對培養長期習慣有效
而且！懲罰式教育對於腦部發育未完成嘅小朋友，長期嘅懲罰做影響佢哋嘅大腦前額葉發育，令佢哋更易焦慮，增加攻擊性，自我形象低落，逃避問題。
繼續打呀，咁多抑鬱等心理病，都係多得佢哋，仲會話你哋點解咁唔捱得🤷🏻♂️
鍾意打仔嘅
我可以話畀你哋知打仔嘅好處
自從我被打斷咗第三支地拖棍之後我就已經開始唔驚痛喇
亦都因為細個怕畀人打令到我而家好識得睇人面口同情緒
咁當然啦細個就同你迎合啫大咗我睬你都鳩傻
既然我唔會迎合你哋啲面口
咁我就更加唔會參與你哋啲假面社交啦
所以我而家好自由朋友都冇個
另外我嘅家長係一對好守信用嘅人
40年前我讀官立小學a班
小學四年級期中試
我考全級第二
我家長話過若果有任何一科考唔夠80分
就每分打一騰
當時我英文有75分
就係咁我家長好守承諾咁樣打咗我5藤
令我明白到努力嘅結果原來只係打少啲
既然係咁練鐵布衫好過啦
之後唔怕痛打極冇反應佢就越打越興奮
越嚟就越無理取鬧
到我高過佢冇理由唔還拖嘅啫
呀仲未講
放學會遲一分鐘返屋企就有五騰享受
所以冇社交熄唔到壞朋友
其實都幾好㗎
到今時今日我冇反社會人格唔知喺呢個社會好彩定係我好彩呢😄
你想你個仔好似我咁叻嘅話你都可以繼續支持體罰
利伸：我支持體罰，但係建基於適當既體罰，而唔係下下話要打到個細路爆缸果種，我唔明點解呢到所有人將所有事都極端化覺得體罰就係要打到個細路斷手斷腳，至於果d咩育兒專家個感覺就好似歐洲白左咁，整一大套所謂理論，在係圍繞套理論入面整一堆資格認證，學位認證，係到玩俄羅斯套娃，果d咩打完會自卑 打完會抑鬱，又唔見60-90年代會有咁多心理疾病
我個比喻重點唔係話兩者完全一樣，而係指出一樣嘢用身體傷害去管教／控制人，本身係不可接受。
如果老闆打員工，我哋會即刻覺得係問題，
原因唔只因為法律先，而係因為用暴力去控制行為，本身就唔合理。
同樣邏輯放返喺小朋友身上，唔會因為對象年紀細就變成合理。
我只係用類比去指出同一個核心問題。
我都答係。
因為我唔認為係「教育」呢件事上面使用暴力可以幾合理。
學你話齋，我上training 唔識，我導師係咪可以打我？
父母「可以打」呢個概念來自權力差別（佢還唔到手）同埋佢無辦法滿足你部份期望而你搵唔到方式去溝通所以你展現咗最終極嘅情緒發洩，其實就係咁...
因為虐兒唔只體罰，仲可以係精神虐待🥲🥲
包括長期唔理小朋友
（身體虐待、疏忽照顧、性侵犯、精神虐待）
講得好啱，精神虐待都係好可憐，言語上嘅傷害、冷暴力等，都係十分可怕。虐兒=/=體罰，但體罰係虐兒其中之一嘅方法，可唔可以咁講？
首先，你要有個好乖既小朋友，先可以站在道德高地指責別人。本身我都唔讚成體罰。
我自己兩個小朋友從來未試過曳到要我打pat pat , 打手板仔。
但眼見有啲真係出爐鐵咁曳既小朋友，又明明地點解仲有體罰既存在。
所以，未經他人苦，莫勸他人善。
個例子差左啲
老闆從來唔係要「教育」員工，只係要員工幫手解決問題，然後俾錢買個solution。有乜可能你求人幫你仲打人？
但小朋友唔同喎，你唔係要求佢，你你要用最低限度嘅懲罰，令佢明白咩係對錯。體罰係咪低限度，要睇你要佢明白嘅錯，本身上限有幾高囉。
看來
你真是要見到細路打人 踢人 拿東西扑人 搶野 咬人
重要襲擊你 你先知嚴重性。
細路打你你唔出手？
出手即誇大傷痛告你虐兒！
你偏坦細路一刀切時
你是教壞細路做壞事無後果
他們細路為搶錢搶玩具搶手機
拿刀拿工具襲擊大人
都可以反告大人虐兒..
呢幾日見到呢類post其實真係覺得好難受。原來到2026年，仍然有唔少人覺得打小朋友係「冇問題」甚至係「必要」，其實好恐怖🥲
更加難過嘅係，明明有啲曾經喺家暴環境長大想自殺嘅人出嚟分享自己嘅經歷，真心希望大家唔好再用打罵去教育，但依然有人堅持覺得「打係啱」，，，，
有時我係到諗會唔會因為佢哋從來冇見過其他更溫和、更有效嘅教育方式，所以先以為打係唯一方法？咁多方法一直都存在，只係需要多一點耐性、多一點學習，而唔係用「冇辦法」去合理化傷害。
多人做，從來唔代表係正確。
打唔等於就係教。更加唔應該建立喺恐懼同傷害之上，承認自己冇耐性，冇心機真係咁難咩🫠
過兩年大聲鬧都犯法㗎啦
如果完全唔教，仲要影響到人你又可以點呀？
紙上談兵緊係容易
事實係每個細路性格都唔同
有啲的確可以用道理說服
但有啲真係講幾多都冇用
呢一點就算成年人都一樣，何況係腦部發育未成熟嘅小朋友？
睇情況啦，
如果玩電飯煲，玩風扇，玩火，爬窗。尼d危險野。係要教訓一下。總好過出事先後悔。
其實我認真想問，香港會唔會有好多父母都拉得？如果仔女報警嘅話
以帖主既說法，輕拍手板都係虐兒，咁香港應該有勁多家長坐緊監。
醫生輕拍剛出生既bb要佢喊，直頭要推出午門斬首。幫bb打疫苗要針穿佢皮膚，直頭要落地獄tim
罰抄一百次「我以後唔敢。」算唔算體罰？
如果唔算，what if end up 佢手痛？
如果算，但我冇打佢？
好多人生之前唔好好去睇去搵答案點教仔，到生出來用錯方法導致之後越來越難教，之後就好膚淺咁「唔打唔鬧」就話自己已經試過正向教育之後話唔work。其實根本就無一套方法係比一個scenario，正向教育係一個大concept，套落生活，小朋友自然會被引導。同埋啲人以為正向教育= 唔理，其實佢哋唔知唔需要打唔需要鬧 都可以set好boundary 堅持唔比越界
我唔支持體罰，但又唔好講到咁死
比個處景你
假設你個仔偷偷地凌晨2點起身，係到偷地玩電話（聽朝仲要返學）
被你發現，你話要罰佢1個星期無電話用
跟住佢就發脾氣，大喊，亂丟野
你罵佢叫佢停手
佢跟住郁手打你
真係佛都有火
然後你係打返佢嘅？
好奇想知仔仔係咪以後都冇偷偷地玩電話？
冇乜資格教人點樣教仔，但係如果比我處理嘅話，一開始發現佢夜晚偷偷地玩電話，唔會罰佢1星期冇電話用（即係沒收電話）。已經可以自己用得電話，即係佢已經都有返咁上下大，亦都開始有自己嘅社交圈子，電話對佢哋嚟講的確好重要，直程係佢哋嘅命根。
我會諗方法限制佢嘅使用時間，而佢唔會覺得太過被剝奪，例如協議將電話喺瞓覺時間熄機、或者一齊（包括父母自己）喺瞓覺時間將電話放喺特定嘅地方，用咗呢啲比較溫和嘅方法同小朋友connect左先，減少後續小朋友對於「剝奪權利」嘅懲罰有過大反應，減少影響親子關係嘅機率。
好多時小朋友甚至年青人發脾氣，遇到情緒問題失控，有冇諗過其實佢哋真係唔想㗎，佢哋嘅大腦其實真係未完全成熟，做父母係要一齊同佢delevop。如果真係面對佢哋情緒失控打人，佢哋更加需要成年人嘅冷靜，咁樣聽可能你會覺得好天方夜譚，一個小朋友發脾氣，作為家長點樣可以冷靜，calm有用嗎？但你試下，真係有用的。先處理心情，後處理事情，呢個道理無論小朋友或者大人都絕對啱用。
講到咁易敎，唔洗青少年刑法啦，即係咁講，衝動就係衝動，唔好同佢孭鑊，唔硬碰硬嘅下場就係軟果個蝕底
係，就算打手板都係虐兒。唔係用痛嘅程度去分，係因為你打佢嘅時候，你種植喺小朋友心入面嗰種屈辱都係一種abuse，成年人用不對等嘅地位同力量去逼佢屈服。
用程度嚟做界線，個邏輯等於阿富汗男人打老婆未打到骨折就唔算犯法一樣。
咁體罰嘅範圍係幾大？
罰跑算唔算體罰？
定係你直頭唔畀罰？
定係⋯⋯其實你根本冇湊過細路？
我真係冇湊過細路🤣🤣（講笑姐，我個女就快4歲），我真係從來都冇打過佢，你又講得好啱，我真係從來都冇罰佢，因為我發現有比懲罰、打罵更好嘅方法。

其實痛感係所有生物去分別危險既訊號嚟，當身體收到痛既訊號，佢就會知呢樣係有危險，唔應該再搞。小朋友仲未識道理知識，唔識分危險，當佢想玩插so玩風扇時，大人去阻止後，超級輕輕打下佢手板，話比聽指比佢睇，咁樣係做係會痛會受傷，咁佢就會記得唔好玩呢樣野，咁樣會痛。
當所有事放係極端，輕輕打下手板仔都話係虐兒既話，只會害左個細佬，變成溫室下既兒童。
其實簡單既痛感都係教育一種，凡事中庸之道，不應各走極端非黑即白。
再講 何謂「虐」
虐 字意思為殘暴、殘忍、迫害或狠毒地對待。
簡單d意思就係 目的為左傷害佢。
咁打手板既目的係為左咩？純粹為左傷害？
痛就係傷害？咁打疫苗呢？一支針吉穿皮膚流血，令佢好痛好驚又喊，咁算唔算虐？打疫苗為左咩，咪就係為左佢有坑體，為左保護佢。
咁打手板又為左咩？純粹出氣傷害佢？定係為左保護佢，令佢學習呢樣野有危險。
學校每日比十幾廿樣功課，每個星期又默書測驗，放左學又要返補習，返到屋企又要做功課溫習，10點未到就要佢訓，放假又要返興趣班學幾廿樣野，完全冇晒兒童應有既快樂童年，咁又算唔算虐？
小朋友玩風扇，你阻止佢，然後再打佢手板，打手板呢一個只係懲罰，並唔係自然嘅後果。如果你上面嘅嘢成立，咁好多嘢我哋都要透過痛感/受傷去學習，咁樣好大鑊喎。
再講，你單憑字典去解釋「虐待」亦都唔夠全面，有目的去傷害人呢個當然係屬於虐待，但係你知唔知好多虐待兒童嘅個案入面，照顧者未必意識到自己做緊嘅行為究竟為乜，甚至有啲係疏忽照顧/照顧得唔好，都可以構成虐待。
你講得啱呀，凡事中庸之道唔好非黑即白係啱㗎，但係對於保護兒童方面，實在做唔到。成年人最大嘅責任就係保護兒童。
根據腦科學嘅研究，大人口中小朋友嘅講極唔聽係好正常，因為佢哋大腦去到至少七歲八歲，先至可以調節到衝動嘅行為，咁佢哋個大佬都未發育得完成，你打佢做乜啊？
首先，小朋友係唔會明白危險性，點教都唔會明白，要試過痛先會明白果危險性，打手板對你嚟講係罰，但對我嚟講係教育，係體驗咁做會痛，而又唔會真係比佢真正試風扇整親手，咁就係轉呢種打手板再加講解比佢知到玩風扇會傷，會痛比我打你手板痛好多好多會冇晒手指，罰唔係純粹既罰，而係要罰而了解，知錯能改。
事實上，某d野係要試過痛過，
先知危險同錯，呢樣野，講同教係唔會明白。
大人知道危險，因為人大左，多年嚟有晒所有基本知識。
而小朋友佢係唔會了解唔會明，唔罰過痛過 ，佢下次又會再去玩，唔係次次救得切。佢去玩風扇 唔你因為衝動，而係無知，唔知危險。
衝動呢樣野，3歲都80歲既人都會，跟本唔關事。
我只係講緊好輕微既打/拍下手板，而唔係你講緊果d嚴重真發洩出氣案例。
所有野都係有分程度，
唔係非黑即白，
過度既所謂保護，其實都係害緊個細佬。
人類有樣野叫，唔跌過就唔識成長，唔見過鬼都唔怕黑，呢樣係真既事實嚟。
所以點解小朋友有咁多疫苗要打？
就係要先被無攻擊力既病源體比佢身體感受到果隻病毒（已廢武功）比佢身體啟動個坑體，到下次佢再真既有攻擊性病毒入體，身體就有坑體保護。
打／拍手板就係同樣道理，比佢知到會痛
我明白你呢種教法，但係呢種教法其實都好危險。你所謂嘅體驗咁做會痛，個痛係你施加比佢，而並非事情本身造成，呢種教法你一定要好有信心，佢哋可以將兩樣嘢link up到兼且明白得通通透透。
小朋友好容易就會覺得做呢個行為，只係令到父母唔高興、嬲，可能會換來俾人打嘅後果，但係未必知道事情真正嘅嚴重性，出到去冇父母喺度望實，冇咗怕被打呢個痛楚，又係咪真係學乖？
教育既野個個情況唔同 無野係一定
。
都係講句唔係所有野都非黑即白，唔好亂將拍或輕打手板都說成虐兒。
你老板不用教育你
你工作不行 直接換
你要讓別人覺得體罰沒用
不如你說一下你小孩讀甚麼學校 考身麼成績
你個細路唔駛打只因好湊，有d真係要稍為打吓，講係冇用
你另一半叫極都唔做某啲嘢，叫極都有壞習慣，你都會選擇「打吓佢」？
咁咪分手/離婚囉，但細路可以點？係咪可以斷絕關係？樓主諗野根本唔make sense，你個小朋友乖同講得通，唔代表其他小朋友都係。如果唔係點解一間學校有人從來冇比人記過小過大過，但亦有人不斷比人記過都唔驚？
我曾經做過教育工作，接觸過唔少小朋友。其實好多行為上比較頑皮，甚至經常被記過嘅小朋友，背後往往都有相似嘅家庭背景，
原生家庭關係比較差，父母習慣用責罵，暴力去處理問題，缺乏關愛同情緒支持。
有啲小朋友所謂「學壞」，某程度上其實只係用佢哋識嘅方式去表達需要，希望被看見、被關注。亦都係因為屋企咁樣嘅關係，所以佢哋行為上都比較暴力或者偏激又係嗰句，上樑不正下樑歪，家長唔識教，冇心機去教然後就將個責任推落小朋友度講到佢哋天生就係咁，其實好多嘢係有原因㗎。
你個仔日日係度亂過馬路
講極都無用
你打唔打？
你唔打到佢停可能有日佢就車禍死左
你打佢最多佢有個心理陰影
講得好啱，所以如果老母打仔即時報警拉老母去坐監就得
老豆打仔就報警拉個老豆坐監
老師打仔就報警拉個老師坐監
同學打人就報警拉個同學去坐監
邊個打人拉邊個就啱，打人唔啱㗎，一打就拉晒班人坐監就得
係呀，係可以即時報警，至於要唔要坐監，就唔一定，視乎程度嘅話法律層面睇吓係入邊條罪，個官點判， 包括「普通襲擊」（第40條）、「襲擊致造成身體傷害」（第39條）或「虐待或忽略兒童」（第27條）。
阿樓主個女一定好乖🙂↕️
當一個小朋友唔聽爸爸講，唔聽媽媽講，唔聽老師講，用左3個鐘講道理講完佢都係當你發up瘋，咁係咪可以放棄佢啦？唔打得喎？你咁大愛唔該你去下男童院女童院做下義工，你先會發現原來個世界係咁大🙂
唔夠膽講自己個女係乖。
但係而家育兒唔單止係憑感覺，仲可以憑科學幫手。多啲去了解吓小朋友嘅腦袋嘅結構，有研究發現佢哋嘅前額葉要成熟都要等到25歲，呢一part係掌管情緒控制、決策、理性思維，更何況係小朋友？佢哋嘅腦袋發展緊，就係需要成人因應返佢哋呢個情況去了解，唔係盲目咁樣不停輸出道理就當左係教仔，講夠3個鐘就盡左力。
唔夠膽講自己好大愛，只係願意進入小朋友嘅世界，嘗試去感受一下佢哋嘅感受。
既然覺得有問題
又咁有自己果套
咁希望你敎下個女dedicate下d同輩啦下🙏
唔好敎佢用你敎岀嚟嘅優勢去take其他細路嘅advantage製造不公，分走師長關懷
首先你呢個假設到底係咩根據？點解教出情緒穩定有愛嘅小朋友，呢個「優勢」係會take其他人advantage，甚至製造不公，仲講到會分走咗老師嘅關懷？
你呢個論述中間好似欠缺咗啲解釋，無因果推論，我嘗試解讀下你嘅邏輯：「唔打 → 情緒穩定 → 變優勢 → 會take advantage人 → 製造不公 → 爭寵」
你呢個假設本身係冇根據，中間完全冇因果關係，只係一連串推測。
乜都講因果
警察唔洗查案啦
推測完試驗下咪知因果囉
即使是「適當體罰」，在創傷與負面影響上，和虐待兒童非常接近， 一樣會增加抑鬱、焦慮、攻擊行為、親子關係疏離的風險
而且在我的字典入面，並沒有適當體罰🥹
你說得很對啊

你返工做錯野，佢會炒左你，
我可唔可以炒左我個仔？
我都好憎成日叫人打仔既人！ 成日講咩：比在以前 打咗啦！！
好難一概而論喎，我就唔覺得輕度體罰算虐兒囉
見到你舉例寵物，岩呀
但現實就係馴犬師有時面對啲教而不善，目中無人，不受控制，暴走既狗一樣會用一定既武力壓制/教訓
所以小朋友都係，正常，聽教既，乖既，講得通道理既咪慢慢講慢慢教囉，但有一小部份小朋友係可以好癲，好唔尊重人，生蕃咁郁手郁腳，呢啲咪一樣要用適當武力（體罰）去教育囉，就係咁簡單
體罰當下有阻嚇作用，佢打人咁就打返鑊勁嘅教育佢，等佢當下停止之外，仲明白被人打係點，好美好呢～～～但你又點樣知道佢嗰下停咗唔打人，就係學識咗要尊重人？你都同時身教緊教佢，原來遇到問題有時真係唔打唔得㗎喎，咁咪一個loop囉。
「點解大人可以打我，我就唔可以打人？」
「我打佢都係想教佢，同媽咪你一樣，點解我就唔啱？」
無得係到咁樣同你憑空討論一千一萬種情況
簡單講，呢樣野真係無絕對，永遠唔係0同100
唔可能話輕輕體罰打下手板仔就報警，話虐兒，咁樣好難教，要知道唔係個個小朋友咁懂性咁受教，講得聽
當然都唔支持舊時代式打到仆街，吊起黎鞭，爆晒缸，皮開肉綻，冬天除晒佢衫褲踢出街個種
結論：體罰=/=虐兒，不能非黑即白，一體罰就係咪都直接話虐兒，要睇程度
你嘅比喻係有問題。
成年人有一定人生歷練，除非智力有問題，否則用強硬方式教育，係完全錯誤。但小朋友，尤其幼兒係唔識乜嘢叫道德倫理（如果有一出世就識嘅小朋友，嗰個人就係神童），你同佢講道理，佢字都未識亦聽唔明講乜。
但話分兩頭，體罰係要以威嚴嘅姿態，教導小朋友最基本嘅生存法則。只要做到呢點，未必一定要體罰。但體罰真正嘅問題係，父母加諸小朋友嘅體罰，唔係為咗教導，而係發洩自己嘅情緒。
無錯，就係重點，輕微既體罰要加埋恰當既教導。而非加埋自己情緒發洩。
所以唔應該一刀切去論斷體罰就係錯。
帖主既論斷式說教再加錯誤既比喻其實仲危險過體罰。
第一，父母體罰嘅時候某程度一定有情緒發洩
第二，體罰就係教緊自己嘅仔女用暴力令人哋服從自己
第三，體罰冇問題嘅話，咁我體罰自己嘅寵物又得唔得，再延伸體罰人哋嘅仔女（父母同意情況下），體罰自己老婆。
我除咗我女細個搞電制會打，其餘時間都唔會，因為完全覺得自己同佢強弱懸殊。我完全理解唔到我細個時老豆成日打我，明明我乖過個妹咁多，最後我明只係佢心情唔好想揾人發洩，我老豆揾木尺打真心衰
個啲又用60-90年代打仔無心理病黎合理化你唔識教仔嘅人 麻煩你地了解下咩叫「幸存者偏差」
你有無數據，無數據就唔好亂嗡
打有心理病同唔打有心理病嘅比例
成人同小朋友不能直接比較。成人因為理應有成熟心智，所以要對自己的行為要自己負責，包括刑事的法律責任。而小朋友（小過10歲，未有刑事責任）心智未成熟，處於建立人格階段。小朋友當時的行為，大部分是大人所承擔。所以好多時同一行為由大人做出跟小朋友做出，大家會有不同的對錯判斷。以你公司的例子來說，僱傭關係比親子關係完全不同。老闆教員工只係為自己公司，父母教兒女偶有出於人格培育。再者，有些小朋友就是任你怎說都不聽，小時不給予約束，大了便受社會法例約束。同時，大人其實一樣，有些人就是不受約束，怎說都沒用。最後犯法後一樣要用一定程度上的武力才可以制衡。
最後本人完全不贊同虐打兒童。同時都同意以體罰教小朋友是下策，因難以拿揑尺度又容易被濫用。只是想表達無論在成人還是小朋友的世界中都存在償罰制度。適當程的體罰（罰企，罰抄都是體罰的一種呀），是否應該完全抹殺？
咁只係你唔認同體罰，但係唔可以話就相當於虐兒。
相當於你在公司做錯嘢，老細打你手板（唔係好大力），你可以話老細侮辱你，但係唔可以話虐待你，兩者相差很遠。
其他嘢我唔會咁firm，但虐待兒童（仲有動物）我只能呢個立場🙏🏻
樓主始終唔明白
小朋友係未有完整溝通能力
唔明白你講緊乜 自己有咩問題 對身體無害嘅體罰令佢認知對錯係好基本
然後樓主用成年人去代入話體罰唔啱🤷🏻♂️
成年人有理解能力 已經可以對自己負責任
點可以同無行為責任嘅小朋友比？
而且講到成年人冇體罰咁？
sls 坐監唔算？😂
你啱。
咁多人都從令小朋友知錯嘅角度去睇件事，但基本Child Protection兒童保護原來都唔算得啲乜，咁我明喇，繼續以暴制暴皆大歡喜。
保護唔係指放係溫室入面
而你就繼續將打手板同打到骨折劃等號
咁冇咩好講 你中意啦
我唔buy 體罰
直頭唔鬧個仔添
但更唔buy以為正向教育就等於唔使教
任個小孩子亂嚟嘅家姐
正向教養唔係等於唔使教㗎，一樣都有底線，一樣都要清楚令到佢哋明白後果
正常係咁
但唔正呀嘅太多🤣
例如唔該比選擇嘅時候比選擇
嗰啲先沖涼定先刷牙，聽到都好笑
應該有底線嘅時候就無底線
嗰啲又想個仔食飯要坐定定，但佢無坐嘅時候你又比嘢佢食🤷🏻♂️
唔應該鬧嘅時候反而鬧
比如食飯飲湯成個碗拎起整到周圍都係
咁係非常小事，事後清潔咪得
有咩好鬧🤷🏻♂️🤷🏻♂️
呢個Page之前好似喺Threads搞咗單關公災難出嚟，之後要Del Po嘛…
有冇人有cap低佢初初嗰個體罰post? 有嘅分享下，謝謝🙏