📌 我有個女仔frien
共 50 條紀錄
我有個女仔friend
靚靚女女嗰啲黎
本身好重儀式感
識左個老闆拍拖
發現對方呢方面做足100分
情人節送花上公司
平時會買禮物，連香水都識買
Book啲餐廳永遠都好好
但最近發現原來呢啲野都係佢秘書搞
個男人完全冇參與，淨係俾錢
然後我個friend 就話覺得自己啲野係另一個女人買
好噁心
大家覺得其實咁有冇問題
如果老細無上心嘅話，絕對唔會叫assistant 幫佢安排。但要有心理準備，有機會係安排俾多過一個人😏
無問題👍🏻一個老細邊有咁得閒做咁多嘢？佢又要搵錢又要圍住你轉你覺得有冇可能？
我成日幫老闆太太訂Hermes袋，訂花，book枱。。唔通佢太太話我嘔心，出面大把大秘書做緊人工包埋，你fd好細路女
記得有人講過
男人冇錢嘅時候，女人會想佢為自己付出金錢
男人有錢嘅時候，女人會想佢為自己付出時間
冇錢嫌窮 有錢嫌冇情緒價值
有錢又有儀式感又嫌唔夠親力親為
分手啦 佢唔啱食呢碗飯
另一個女人準備 樣樣岩心水 又大方 既老闆
VS
自己買 自己準備 但未必岩心水既禮物 既打工仔
俾你朋友再揀 佢點揀？
Sorry 囉
我份人工係包幫老細做呢啲嘢🤷🏻♀️🤷🏻♀️
老細自己都講，又要搵到錢，又要記得啲日子，又要有心機去做，除非佢係太子爺，唔係嘅話都係睇返韓劇好啲。
利申做左兩年
有幾噁心啊？🙄佢講到個秘書想溝佢咁，以為自己靚到女男通殺咩🙄秘書都係收order做嘢啫，講到「另一個女人買」咁嫌棄嘅款🙄
以前個上司都係叫佢assistant 做，不過佢有三個女朋友🙊
佢唔搞個秘書都算係咁
不過要睇係佢落order叫秘書去準備，
定係個秘書提佢 先係重點
你個friend 唔好甘天真啦😂😂😂
個老闆肯叫人做呢個儀式已經好好
你估一個生意人好得閒咩
仲有呢D野肯定係女仔先懂女仔
咁完美嘅安排 如果有男人識做 應該被私有化曬
大老闆啲秘書，都係成日幫老闆搶手袋最新iphone，訂餐廳，買化妝品首飾鮮花乜乜乜送老婆架啦，你個朋友睇覇總上腦？如覺得啲禮物嘔心，我極樂意$10/件回收🤡
唔鍾意咁咪分囉，呢啲嘢冇標準答案。
你唔能夠既要又要。要得有錢嘅，你就注定永遠得唔到佢對你好有心。
我有個女仔friend
專門幫佢老細準備禮物
咁就一份俾大婆 一份俾二奶
一切都相安無事咁
直到後來佢老公出差 問佢想要咩
咁佢就話想要個purse
叫佢老公買兩個 方便幫老細準備埋啦
顏色就冇所謂 一模一樣得啦
直到一次喺屋企聚會
先發覺隔離屋嘅太太居然有個同款purse
先知出事 原來佢老公出軌
咁你知女人直覺幾準㗎啦
呢家嘢唔使審都知咩事
唉 所以話自己小心啦
btw佢個名叫蘇麗珍
「你竟然用Google Calendar 記住我地既事，你當係任務牙？你無用心係段關係。」
證明溝咩女姐，祕書請個靚溝祕書咪得囉，仲可以叫佢自己plan埋🤟🏼
好正常 我呢啲窮柒有時諗唔到都搵AI幫手 形式唔同 有心就得
其實秘書就係一種戀愛軍師既角色 問題在於相比起個男人 秘書都會係呢段關係好重要既組成部分
我諗判斷有冇問題既方式會係：如果換左個秘書 會有幾影響個關係同相處方式
秘書打份工，可能係個阿嬸嚟，book嘢前都問過老細的。
冇問題，只是佢冇你想像中咁花心機喺你身上。
坐喺度攤大手板等投餵都complain
咁我想問掉返轉頭條女又為過條仔親力親為做過d乜？
秘書係好專業嘅職業嚟㗎
我要安排3個女人唔好撞期，食飯唔好撞到，安全屋要夠隱蔽
基本上係監視住佢哋生活嘅一舉一動😏
你叫你個女仔friend快啲放生個老闆出嚟啦
老闆唔啱佢啊
從來都話都唔係因為價錢既問題
佢地純粹係想獲得由你既痛苦中既產物
行為 做足
心意 有足
仲想點？？
佢嘅時間搵多幾十萬俾你
唔好過走去買一紮 你係咪都有得收嘅花？
做人不能既要又要還要的
喺老闆眼中，妳個friend根本唔特別，玩玩而已。
重點老闆理9你覺得嘔唔嘔心 食到溝到就得
咩都收晒仲話人嘔心果個嘔心d
點止，我聽過好既秘書除左買禮物，仲會安排好老婆同其他女朋友既行程，避免撞期，同佢記埋佢地生日，提早準備。
Assistant就係請嚟幫老板。下下自己做就唔係做老板啦
Then what did she do for him？
我覺得無問題，男人有事業日理萬機，比秘書處理好正常，只是這種男人視送禮物去餐廳只是與女朋友相處的方式，他是真心愛對方並不肯定，因為他知道自己條件好，找個女朋友陪食飯，到無感覺時，隨時可以換另一個。
On99,佢諗下自己吾係後生靚女個老闆會西理佢，研究下自己係小幾好過啦
其實好多有秘書嘅老細都會要秘書做
咁當然自己參與係最好，但其實佢哋真係忙；有啲Tech男會覺得，秘書揀，可能仲啱個女仔心意
我只係覺得，有時有啲嘢唔係淨係睇single fact/trace…
有冇問題要綜合好多因素，同埋持份者心入面究竟點諗