我有個日本friend 係公司做中層，話說佢公司有個新嚟嘅 00 後，平時做嘢都算正正常常，點知有一日我個 friend 用公司 LINE send咗句：「聽日會議份資料，記住睇返好先。」
轉頭個新人竟然好認真咁講：「前輩，其實你句尾加句號『。』，對我哋後生仔嚟講係 『句號霸凌 (マルハラ)』... 感覺好有威壓感、好得人驚，下次可唔可以唔好加？」
我個 friend 睇到個 Screen 嗰陣真係成個人呆咗。加個句號就叫霸凌？而家啲後生真係玻璃心到咁？
不過佢都唔係浪得虛名，冷靜咗 3 秒之後，佢神回咗一句：
「原來係咁，如果文字句尾會令你覺得驚，咁我哋以後唔好用文字溝通啦。聽日開始，所有 Work task 我會直接打電話同你講，記得要即刻聽電話呀。」
句嘢一出，個新人嚇到差點瀨尿。對呢代「電話恐懼症」嘅人嚟講，老細直接 Call 埋嚟簡直係世界末日！
個新人即刻回覆：「對唔住！我發覺『。』其實都幾親切，完全冇問題！請你繼續用文字搵我啦！」
對付日本人嘅矯揉造作要用魔法打敗魔法。你朋友非常正確同識玩。
你個fd真係正
一個句號都霸凌嘅話，打電話畀佢應該等同叫佢落地獄
有時唔好玩咁大……講緊啲做細嘅
中國可以考慮用「句號」打日本，日本人唔怕核彈只怕「句號」
下 即係 report 聽日deadline 唔交成team 比人炒 都要加W,同emoji
日本人思想好奇怪，咩都可以話霸凌，咩都可以被怨恨！以前睇佢啲動漫就發現咗呢種問題！
btw 香港都有「標點符號恐懼症」，好多時覆工作上 whatsapp 啲人寧願你唔打標點符號，都唔想你打落去，其實有標點符號先正常！
😂😂 當00後日本職員控訴
『句號霸凌』
00後🇯🇵:
「前輩，你發line句尾加句號『。』，對我們年輕人來說是『句號霸凌』， 感覺備受威壓、好嚇人，下次可不可以不加？」
原po友人看著手機里的回復驚呆了。（內心: 加個句號就叫霸凌？現在年輕人玻璃心至此？？）
人以魔法打敗魔法的方式回復:
「原來如此，如果文字句尾放句號讓你害怕，那我們不用文字溝通啦。明日起，所有工作任務我直接給你打電話和你說，記得及時接呀。」
🤣🤣🤣🤣🤣
（此話一出把「電話恐懼症」的人差點嚇尿，老闆直接call你簡直世界末日！）
00後🇯🇵:
「對不起！我覺得『。』其實好親切，完全沒問題！請你繼續用文字找我！」
以上
由不太說粵語、
但大致看得懂的本人給大家翻譯
Happy Monday✨
謝樓主分享✨
叫你加°咪算易搞掂囉，我公司有人放工收到訊息，第二日就去人事部話你放工時間send msg 講公事。又試過有個女仔長期遲到，我同事勸喻佢不如你每日搭早一班車啦，條女即刻放咗兩個禮拜病假話個上司嚇倒佢～佢話上司嘅語氣及暗示令到佢好驚係欺凌佢。日本根本上就係俾啲細的玩爛晒。我而家同隔籬同事講工事，即使叫佢影印都唔會同佢口講，send msg，有根有據費事俾佢再屈。
但係有時真係好攰，遇到啲咁嘅仆街你要廿四小時打醒十二分精神。逆パワハラ先最可憐
我都試過、之後我d massage 無晒句號
但係我見佢地好鐘意！！
係咪都！！
令我霖起我前领导，你老母，成日好中意发感叹号，每句话都有几个感叹号，搞到我每次看到都好焦虑
依架香港都係差唔多情況。 好Pua, 受害者心態，but not at all
我試過WhatsApp嘅時候，有人話過我WhatsApp用語好多標點符號同埋！跟住又話！唔好
所以以後。同！都冇用到之後連，都唔用
冇諗過標點符號會令人產生恐懼，真係麻煩而家啲人真係唔知點諗嘢
你個fd個句有霸氣之餘又不失溫柔😂😂
“。”對我泥講係呢句野係結尾
人地都係同你溝通下 已經立即覺得人地玻璃心
試下係老細叫你咁做 咪又係烚熟狗頭咁係係係 多撚餘
00後係好憎檯頭電話，部門個00後返左4年幾佢個檯頭電話響佢係等響過一分鐘先會死死氣拎起聽，其實只會內部同事打俾佢但就係唔聽
日本政府機構官員個個都好驚留紀錄，個個都用電話，有咩事咪…
DLS笑撚死
比係我係你個日本朋友，
反而想堅持打電話比佢交帶下工作😂
日本文化真係好注重呢d. 佢地覺得文字能力和工作能力一樣咁重要. 所以我覺得是說教而不是霸凌. 我做日本公司都好深刻體會到文字的重要. 如英文一樣. 有時候我看到一些用詞沒禮貌的電郵，雖然我知對方可能中轉英我也覺得好嬲
我前排先比上司話我做咩send message唔加句號，叫我下次注意……
你個fd 轉數好勁 save 低post 先 日後參考 🫣