我有個FD畫咗30幾年畫，佢成日都自卑話自己係薯仔，呢幾年AI崛起佢成日話無得做要轉行做保安，同時佢多job多到推job，佢最近有五個項目進行，每日畫12-14個鐘，比有AI出現之前仲忙

早兩年幫佢客串看檔，有人指住佢新書封面話係AI圖，我FD聽到係想立即退休，不過佢d咭數阻止咗佢咁做，對佢黎講好大打擊，用幾十年精進畫技畫到咁靚，而家AI㩒兩㩒就有貼近佢水平既畫，仲要比人反話佢用AI

我作為朋友除咗鼓勵佢，都做唔到啲咩，都唔敢同佢講有D佢曾經既同行用AI生成d佢風格既漫畫再陰陽怪氣暗串佢on9，其實一直都好多行內行外人話佢多年來做既野吃力不討好，但正因為佢既堅持又同時好多人欣賞佢嘅野

現實好似對呢啲級數既畫家只有正面影響，始終AI生成唔到佢嘅野（抽象講就係靈氣吧），但對於未去到呢種級數既畫家黎講，影響真係唔細，有啲明明手畫靚既都無job要轉行

不過都係個句，而家唔係二世祖都唔好諗入行做創作，行行都好大鑊，除非你天賦異稟

好多畫畫既都好內耗咁

我反而覺得有AI先令我哋呢班畫畫嘅人有更大幫助更有價值。我唔反抗或反對AI(我係俾我女友拖肥感化)。
我哋啲畫係有溫度。我相信好多人都鍾意畫，鍾意睇到我哋一筆一劃咁畫出嚟嘅畫同字。

真係唔明話人AI既心態係咩，前排先有位畫左好多年既大大被人屈AI
你有時係隨口講一句，但對畫師係極大侮辱

呢樣嘢我覺得同速食文化有關，而家太多人用AI扮自己畫，通常一兩個月就爆一單，有啲唔係太深究畫嘅人，好容易就亂咁指責，喺指責之前又唔會搵吓個畫師背景

而家好多嘢個情況都係咁，有班人實在太想要流量，就算呃人玩人都在所不惜，同埋指責人嘅成本係最低，有咩嘢咪del咗個留言/post囉，過幾日就冇人記得