我有兩個電話，一個iPhone電話是用SmarTone，一個紅米電話是用中國移動。今年二月我去泰國旅行，明明只帶了SmarTone那個電話，那個中國移動的電話明明留在香港，可是中國移動竟然收取我漫遊費，並清楚說出是泰國漫遊費，那個中國移動的電話明明放在香港，跟我SmarTone那個電話沒有關連，為什麼會這樣呢？
你係收到月結單叫你交漫遊？
否則詐騙機會極高
屋企人用CMHK，但月費唔包漫遊，所以去旅行時直接拆咗換鴨療街買既SIM
返到香港有一日，收到自稱中國移動經理打黎話要收漫遊費，講得出佢全名+去咗邊個國家
但佢根本冇用過上台SIM
正當佢發晒爛渣，想比資料條友叫佢核對清楚之際
咁岩有個送貨佬經過聽到佢講電話
即刻喝住佢，叫佢收線，話明顯係詐騙
結果，事實證明真係假的，根本不可能
但我闔家一齊去既，得一條友有呢個問題出現
我自己手機月費包境外限定漫遊
問清楚係 IDD 定漫遊。飛綫有機會 IDD，但漫遊必定係親身當地撥打電話先叫漫遊
有冇可能問題唔係出係電話公司，係旅行社 航空公司或者入境處既資料外洩
電訊公司除咗會打嚟叫你續約之外，邊會咁好死打嚟同你講你用咗漫遊依家要收你錢！
要收錢佢月尾張月結單會直接收費，邊有咁多口水🙂↕️
如果佢再打嚟咪叫佢直接喺張月結單反映，你收到單再打去公司處理
使乜諸多揣測？直接聯絡返電訊公司，如果真係佢哋要收錢，可以要佢哋解釋係咩情況張 sim 卡喺香港都要收漫遊錢；否則就可以確定係詐騙。
大家不斷估原因，只係提供資訊畀騙子，等佢哋下次呃人時，知道可以用啲咩藉口。
有 load 到漫遊會有 message,，收錢ge 話邊個咁好死同你講，我用果間之前無端端load到上網幾mb ,跟住就收佐我$98， 都係我事後打畀客服，但佢哋一蚊都唔肯退 話你有用。佢哋係唔會主動提你或者叫你處理免佐佢之類。
我都係有兩個電話，一個係喺中國大陸用是中國移動。一個喺香港用是CSL.最近奇怪嘅事情出現香港嗰個手機中國移動會發咗啲短訊嚟關於大陸嗰個手機的
依家就算兩個唔同牌子、系統、網絡，嘅手機如果長期放得靠近有可能佢哋嘅資料已經互通。就算兩部機分開咗，只要仍存在網絡數據世界的話，就會依然形影不離。建議搵啲專門修理手機嘅超級專家嚟到認證一下，呢兩部手機係唔係已經成為朋友😌
收什麼漫遊費 數據上網或電話通話？兩個電話平時有無飛線互通？
有冇用中移動個MyLink app 查下？再打上台問一下確認