我有較嚴重皮膚敏感，都少出去食嘢，兩年前即2024年6月，我個晚唔想煮，入咗去一間地獄級茶記，嗰晚九點幾都爆場嘅，我已專登帶了口罩，自己一個人行入去搵位坐（己經揀吉枱，樓面行過嚟，我仲以為幾好喎，咁快嚟落單，點知佢係講
「唔該你出返去」，由入去到「被趕走」，唔夠2分鐘，咁個心喇住咁，個個耷低頭食嘢或者玩緊手機，咁我咪出返去囉，跟住返屋企喊咗2-3日，呢間野喺旺角的花園街，2019年開張幫襯到2024年，都一直都相安無事，個次應該喺，門口個收銀阿婆，叫個樓面趕我走，唔關其他客人事，間垃圾叫光X冰室，記住就算幾平、同餓死都絕對唔好幫襯，店員同收銀阿婆依家成日係門口叫人入去幫襯，我都唔知幾開心，幾心涼..
兩年前嘅嘢兩年後開個po講，出張相打段文字⋯咦呢排係咪有咩行動🤔
我有較嚴重考古狂熱 ，都多影相，6600萬年前，個日無啦啦有粒隕石撞地球(呯一聲)，好多灰，我仲以為好快會散，無事
由2.5億年前，統治左地球1.8億年，話死就死，個隻暴龍，仲食緊隻三角龍，佢都以為係小事，個天無啦啦黑哂，個地球一直到相安無事，個次應該都係，但最後遮天蔽日左好耐，班畜生死晒，地球進入咗冰河時期，死左個班畜牲叫恐龍，而家隻恐龍得翻啲骨成日擺係到俾人睇，我都吾知幾開心….
信吾信我瞓唔着9打篇文都多like過你
你當時爆場無排隊俾排緊隊嘅人細細聲向店員投訴？而你又無為意要排隊？（9估）
身體嚴重敏感>返屋企喊咗兩至三日>隔咗幾年仲懷恨在心
不如你去睇睇醫生啦 你好似好大壓力咁
等陣先 你有皮膚病其實唔關人事 你返屋企喊果d理解你唔開心 我又見到人山人開 係咪你無排隊 人地叫你出去？
唔係話要幫住間嘢，不過你 2019 食到 2024 一直都冇事，夥記叫你出返去似乎係因為人地爆場你唔排隊衝入去坐低，咁會唔會係你唔啱先呢？似乎成件事亦唔關你咩皮膚敏感嘅事喎。
定係呢個係逆向宣傳，你想證明呢間嘢食物OK食足六年都唔厭？
我都想知，當時係唔關D客事，人人低頭玩緊電話食緊嘢！
唉，人人都有壓力，唔開心都唔係你嘅錯，你都唔想。不過你都係聽網友講，搵醫生全面睇睇，又或者去日本同台灣呢啲外地一段時間，順手睇下醫生。
我咁建議係因為我都有皮膚敏感同埋濕疹，次次我一去到日本第二日就冇晒事，身體上其他小毛病都好咗。
你成篇野避重就輕 因乜俾人趕走又唔講清楚
話自己皮膚敏感少出門食 又補句幫襯左人地5-6年 食得咁少次唔通望人哋認得你？當自己熟客？
果晚幾爆場 你自己衝入去搵位坐 咁者係無俾侍仔帶位喇 思疑你唔排隊衝閘俾人趕
幾年後仲小心眼懷恨在心
如果佢哋因為你有病趕你走, 點解你唔去平機會投訴佢哋, 等两年先開post 講？
3/10，故事進度流暢但內容過於空洞，虛偽。建議及早睇醫生控制病情
前無得食就喊2日，然後2年後post出嚟講？我諗你精神壓力真係好大，盡快搵專業人士協助啦。
間嘢仆唔仆街唔知，因未幫襯過。但睇完編文後，覺得人可以脆弱到咩地步？
當初掛住黃~但食物質素差到嚇死人~行過大把好野食過佢
茶餐廳爆場，你得自己一個人仲要坐吉檯，覺得自己好醒？正常一個香港人都知道食飯時段單人就預左係搭檯，入到餐廳同侍應交流個眼神問下坐邊都係基本操作啦，你呢種人佢都仲有講聲唔該已經好有禮貌
建議你着返當日裝束，再去多次，並拍片俾大家睇。
https://collection.news/appledaily/articles/5232JCEH6BRFXOSY5MH4KKGT54
我諗起呢單野
有個女人keep住件壽司成年當證物
又話皮膚敏感少食街外嘢，講到之前未幫襯過光榮，跟住又話19年開幫襯到24年，即係點？