📌 我本身鍾意整蛋糕嘅，
共 47 條紀錄
我本身鍾意整蛋糕嘅，一直都想自己開舖做生意。咁岩我有個中學師姐佢間蛋糕店想搵人頂手，佢問我有冇興趣，但頂手費要十萬，我一時之間又拎唔到咁多出嚟⋯⋯
有諗過，但要俾入息證明，申請都好麻煩下，諗緊財仔好唔好，但又驚驚地
賺到錢就唔會出黎要人頂 揾你笨
冇錢就唔好學人出嚟開鋪 比你借到錢首期頂手費
但後邊仲有超級多唔同嘅支出隱形費用
仲要你要夠有多客先至可以維持營運
唔建議
😂, 你試下答佢有興趣但我冇錢🙈
佢問你有冇興趣頂手, 唔係有冇興趣整蛋糕呀, 興趣同做生意兩樣嘢呀計清楚條數呀師妹
10萬頂手費，租金2按1上，水電按金，牌照，B R，第一次叫貨，就算30萬喺手，都係蝕兩個月你就準備執笠
1.你要搞清楚鍾意整蛋糕同可以operate到一間蛋糕舖係兩回事
2.你有冇喺蛋糕舖打過工？知道全部細節operations係點？
3.頂手費十萬都出唔到，然後你仲要材料費之類之類喎
4.有冇認真研究/思考過師姐點解唔做想搵人頂手？其實係咪冇錢賺不特止，仲要蝕好多錢
除非你自己的做開有客底，係擴充當要器材就可以
你乜都開門，連你d出品d客係咪願意比錢之前你就拎到咁大，除非你錢多啦
返正出面可以租場，你收到生意再租場做住先啦
借都借返黎啦。圓夢
留言區嗌你唔好果啲都係驚多係香爐多隻鬼同佢地搶生意
你唔識做生意就唔好害人
佢係鐘意做蛋糕
唔係d客鍾意食佢整d蛋糕
連客底都未用，有算有本事都起碼守半年
10萬會都未冇，仲未計佢d出品係客人肯比錢
搵啲蛋糕舖做一年半載 之後先再講創業 宜家你除咗錢未ready 個心都準備好
如果你真係好有興趣想做嘅，一係問屋企人借？再唔係就銀行，又或者係財仔？
10萬頂手，應該都幾好搵。。師姐。
值錢野搬走埋或者買2手比你
但你本身有冇入息證明個d先？問銀行借要好多手續同埋文件wor。
最差嘅時候係最好嘅時機，但前提係要有生意腦，單純興趣係好容易失敗
咁要睇吓佢啲器材係咪真係值咁多錢？ …. 本身個場地個牌係咪佢自己定係個業主？。 你要計埋場租兩按一上
講真冇本錢唔好開檔做生意, 借錢去搞更加no, 有興趣咪幫朋友整下先, 賺到錢&儲到客慢慢搞, 現實做生意同興趣係兩回事. 蛋糕關乎食物安全, 又要攞牌合規. 頂得手都係搵笨多…
我講得直白啲 - 你鍾意整蛋糕唔代表可以做到生意, 就正如做到生意嘅其實可能唔鍾意整甚至食蛋糕. 你要明白做生意係講頭腦, 唔係一股熱誠就得. 我都同意其他人咁講, 如果好生意做得住點解要搵頂手? 仲要有頂手費?! 阿師姐當你大水魚咋...
喜歡還喜歡，生意歸生意，你不如工作多幾年累積多點經驗吧
網上大把地鋪都無的蛋糕店， 交收都係自提點， 為興趣租間工廠劏寫字樓得啦。
咁要睇吓係邊一種舖
如果係工場就冇咩所謂
如果係地舖就不了
鍾意還鍾意，生意還生意，諗清楚你手野真係好到會俾人追捧?
佢賺錢嘅話點會頂俾你
同埋入面嘅野係咪仲值10萬？
諗清楚先好行動
唔好衝動