我發覺有啲男人係有廉價嘅 saviour complex，佢哋對住屋企工人姐姐係特別 nice，語氣溫柔、關心多多。
我老豆就係咁。佢對我屋企啲工人姐姐特別温柔，但對我老母就明顯take for granted，直嚟直去。我老公雖然對我都nice，但明顯對男員工就冇咁客氣。
根本原因係佢哋覺得對姐姐好係低成本嘅「做好人」：姐姐處於下屬位置、做服務性工作，又依賴佢，幫小忙或者講句讚，即刻有「我係仁慈保護者」嘅滿足感，又有即時感激返嚟。但對其他人好就冇咁易有呢種英雄快感。
嗱事先聲明，唔需要意淫，at least in my case with my dad and husband唔關吸引力，性方面事。
真，見識過有個男人，會非常刻意地對工人姐姐，餐廳侍應好，清潔阿姨，超乎地好，但佢對家人好差，對同事朋友都差，而且人品同價值觀都真係好差，佢會經常強調自己對低下階層好Nice，自己係人上人人品好。
佢哋一定唔肯做醜人。有時總會有啲情況要指導/批評佢哋，男人就唔會做呢啲角色囉。
點會有人對男人客氣，男人一早就被物化只能做牛做馬。
對老婆直來直去係因為對老婆好放鬆做返自己
對工人好聲好氣係因為識尊重人
讚姐姐、用溫柔語氣、同佢解決小問題，成本接近零，但就可以即刻得到我係個好仁慈好大方嘅老闆嘅 dopamine。
但要對住個為屋企背負咗多年 mental load 嘅太太，畀返同樣嘅溫暖同欣賞，成本突然又變得好貴。因為太太同佢平起平坐，唔係個老公對佢溫柔啲太太就會即刻心心眼。
it’s a cheap kind of 英雄主義。
男員工就完全觸發唔到同一個現象。
大家係同性，工作又多數係「男性化」或者實際啲嘅（揸車、維修、外勤等工作）。冇紳士風度觸發點，冇傳統需要保護嘅弱勢女人damsel in distress感覺，對方亦唔預期有太多情感上嘅溫柔。
即使一個係老闆。因為冇咗嗰種我係英雄要照顧人嘅dopamine reward，所以就冇咗特別 nice 嘅誘因。
根本就係咁，由細到大見得太多，一係工人博同情一係就對唔同人唔同咀臉，所以一定要自己做工人僱主，同工人講我嘅說話先係說話，唔可以問其他工人或者其他家庭成員嘅意見。當住工人炒唔聽話嘅工人同司機，就係因為佢哋唔聽我話咪要炒。除咗新年之外，嚴禁老人家無端端得閒就比利是工人。同你老豆同老公講，唔好管工人嘅嘢，唔好做架両多多事幹，唔好出嚟做好人，否則全部雞毛蒜皮嘢比佢哋管。佢哋唔想管就唔好扮曬好人。對工人只要待遇合理，人工比多啲（通常比市價高多啲會更聽話）唔需要有任何情感上嘅交流，請佢哋返嚟係做嘢。
試過請過個完約工人，話佢個阿Sir知佢將會唔做唔開心到訓唔著，我話咁佢又唔肯比多啲錢去留你？
我覺得未至於savior complex咁嚴重
另一角度睇香港人普遍日常講野語氣同態度都偏「堀」，但自己唔覺（好似某國遊客都唔覺自己講野大聲咁）
有時同啲歐洲老人講野會好感受到個分別，仲有去台灣日本都係類似，佢地日常舉手投足對話都係偏滋悠偏緩和
如果對方係外地人，例如家傭，我講野都會刻意放柔啲，有排要相處，相處客氣大家都好做啲
但佢對你阿媽態度又係另一樣議題
咁你期待佢對每個人都唔客氣定對每個人都溫柔 關心多多？
到時你又會搵其他方式黎話佢.
又唔使咁極端，對每個人溫柔關心梗係好啦，但係要有reasonable limit。
例如我奶奶同老爺嗰邊，我老爺就對啲工人好冷淡，有距離感，反而令我奶奶易做啲。因為如果男嘅對佢哋太好而女嘅又要discipline做醜人，啲姐姐咪好鍾意個男人嘅而仇恨個女人。
會對工人nice過老婆，有要求要同工人講會叫老婆去🤮
其實女人都會有嘅…
但對弱者溫柔唔好咩？弱者本身生活都未必太如意，如果有機會令佢哋感受到溫暖，何樂而不為？
我對佢哋都好好㗎。好彩請嘅姐姐都好好，同理解佢哋離鄉別井又交個心出嚟湊我啲仔，所以我哋對佢都好慷慨。
但係我老竇同老公對佢哋嘅好係有些少過咗火，我老竇就對姐姐仲好過對我阿媽，我老公就對女嘅好過對男我先會出個post嚟研究吓。
真事 本來都呃到下人 但一旦處於弱勢嘅人ask for同佢相對嘅power 就會露哂陷 一句講哂就係鍾意patronize人
因為家傭可以辭職 亦都唔難搵過另一份 （越來越多家庭需要用4千蚊請家傭）
對外人比對自己人好嘅人全部都係男人，因為佢哋覺得錦様可以帶比佢哋光環同面子😏