📌 我的人生經歷37
共 69 條紀錄
我的人生經歷37
比達同我講對唔住，問我可唔可以放工嗰陣時搵佢，同佢傾返件事。我見到佢眼紅紅，我忍唔住又開始流眼淚，冇理佢就衝左入公司。
嗰日收工我都唔敢行正門，我走咗行另一個出口回去兵長屋企。其實都辛苦咗兵長，佢連日都係默默地咁樣聽我係咁呻，佢就冇講啲咩意見。佢只係話可以俾我住到我想走為止。而佢就繼續瞓梳化。跟住幾日返工我都兜路行後門，我好怕面對比達。
比達繼續打爆我個電話，我又繼續逃避佢。
如是者，過咗十日到。
兵長問我，係唔係冷靜咗，決定咗返去同比達傾，定係陪我去搵過另一間屋？我唔識答佢。
佢話我其實我都冇決心去揾屋，佢覺得我放唔低比達，叫我好好地同比達傾，睇吓佢係點樣先再決定下一步。
兵長其實都講得啱嘅，如果我真係咁大決心要走，就好似當年阿 D咁，就自己搵樓走咗啦。正當我猶豫之際，嗰晚就俾兵長拉左我落咗樓下食飯，竟然見到比達喺度等緊我。
見到比達，我就知係兵長出賣我。兵長推我去比達度，叫我聽比達解釋，然後佢就走左去了。咁當時我以為自己都冷靜了，我就上咗比達架車。比達全程都冇出聲，唔知做乜就車咗我上山頂。
到咗山頂之後，比達將成件事講返俾我聽。
佢話嗰個女同事，係有次同幾個同事食飯飲酒飲醉咗，就同佢搞咗。原來個女同事一直都鍾意佢，仲話唔介意做小三。比達話知道佢係貪心，直到我嗰日走咗之後，佢就話先知道我係最重要。仲話而家已經同女同事斷左，應承我唔會再同佢有聯繫。
嗰晚我一路聽一路喊，聽完完全唔知講啲咩好。比達仲繼續講，話近半年覺得同我嘅關係差左，話我成日唔理佢(?)，佢覺得好孤單。佢意思係話我成日放工，走咗去做運動去玩去學嘢。夜晚如果唔搞嘢，就係瞓覺。我當時又唔知點解覺得，好似係喎，認同左佢，係我自己唔啱，所以令到佢向外求。
然後佢攬住我，叫我俾個機會佢，希望我可以再信多佢一次，希望我可以返番我哋個屋企，再承諾我以後唔會再係咁。佢一路錫我，一路講對唔住，又話只愛我一個，求我原諒佢。我當時一路喊一路點頭就原諒咗佢。然後，嗰晚我同比達喺山頂傾咗好耐，我將我對佢之前嘅不滿講哂出嚟，佢亦應承我會改。
我最最最最估唔到，係佢突然攞隻戒指出嚟同我求婚（wtf），仲喺架車後面攞咗紮花俾我。成件事實在係扭轉得太離奇，而我當時都嚟唔切反應，我又傻吓傻吓咁點頭應承咗佢。雖然呢件事我若干年後寫返出嚟，都覺得好荒謬。最後，比達就成為咗我老公。
喂呀，我真係忍唔住，睇你哋啲留言，我笑到仆街，真係好好笑😂😂😂
唉，我都笑我on9啦🥹😂😂
追左咁多集….你長大左，識多左仔，但一直無變都仲係”戀愛腦”…. 忽然間我都想寫下我自己的荒誕離奇的愛情史，當中連我自己在內，4個女人跟同一個男人的故事
下個轉折咁突然嘅🙀🙀🙀睇咗你個故我都想寫吓我個故事....早戀被pua之後用左十幾年走出個陰影，中間又有好多狗血野😂😂😂😂
肯定之後是但一方會出軌 一係比達一係莊子 跟住又和好 跟住又是但一方又再出軌 又和好 。現今香港好多呢啲奇葩情節😁
你後生冇經驗又呢個男人都係幾掂
搞到玩埋結婚都唔奇
本來我都想講人誰無過尤其比達咁後生
但係錯左有啲野係會有裂痕
都無話係咪on9既，想像到當時既情況，你個心已7上8落不知所措，佢居然仲準備埋花同戒指！！希望佢以後生生性性啦
下？？？
出軌過都嫁？ why 阿？？
咁依家個老公係唔係仲係佢阿？
佢係你小朋友既爸爸？？
好多問號添😅😅
我覺得唔係 樓主仲有14年嘅故仔未講
相信架過山車仲未到終點
雖然但係結咗婚仲可以點玩法？
佢老公婚內出軌？
女既出軌？
仔女唔係個老公既？
還是帶住仔女再去玩？
好似幾耐人尋味😅
嘩，比達係老公？？？
2個仔女的爸爸嗎？(好衰，甘都問得出，哈哈哈)！故事係咪將近結束？happy ending
可能P K位係婚內出軌，之後離婚又再婚。系咪同比達生左小朋友，帶住小朋友再婚？
你個仔就係杜拉格斯？
咁有無同佢整時光機？叫佢拎心臟病藥返去俾悟空叔叔
反而想知你點樣 走出「對方出軌」 呢個陰影？ 點都好，都祝你幸福！！
其實我自己都冇走出過，之後仲發生咗好多事
只係我嗰陣時太忙，根本就冇諗，同埋我以為自己放低咗
下。。。。真係估你唔倒呀😂比達竟然做咗你老公😳睇到我眼都凸埋😂
same same，我個threads push呢集俾我，我今日睇咗呢集only，好surprise😂😂
嘩，真係估你哋唔到，不過比達可以成為你老公我又好替你開心😃
下 最後居然係比達😂😂😂😂
都好既 起碼你同佢屋企人都相處到
頂，成件事係Kam，但真係一個承諾黎既，我又覺得比達幾型棍。
之前好似講過同比達一齊只係四年？咁比達應該唔係而家個老公
都唔係
第一我對佢冇愛情嘅成份
第二其實佢都好多女人，私生活都有啲混亂