我真係唔係唔想俾女朋友睇我手機入面嘅嘢
因為我根本冇嘢好驚 成身冇任何一滴屎
但係佢呢個舉動真係令我超冇安全感
好似俾我媽偷睇我手機 或者入我房摷我櫃桶咁
其實就係原生家庭嘅管教方式影響導致嘅
女朋友一拎我手機我就超想拎返 周身唔聚財
佢見到我咁就成日話我係咪出軌
我都覺得我咁樣好似令到佢好冇安全感
但就係習慣唔到 可以點解決 或者點同女朋友解釋😭
你問佢想check幾密？
大家傾定個數量 你又接受到 佢又有返d安全感
E.g. 3個月1次 咪每3個月佢可以任揀1日囉
喺你面前check
你係對被侵犯界線好敏感
同你有冇做錯嘢其實冇關 係你身體同心理一種反應
可以直接咁同佢講你明白佢 但其實唔係唔俾佢睇 係你細個啲經歷令你好唔習慣人哋突然拎電話 好似俾人侵犯咗私人空間咁
重點係俾佢知道你唔係有問題同時都承認佢嘅不安 唔講清楚就會互相trigger架啦
健康關係係可以有透明度但都要有界線
唔係要隨時任查先叫冇問題架
睇吓你到底想自己冇安全感，定係女朋友冇安全感，佢當住你面提都算好，起碼冇偷睇，因為如果我見到男朋友咁驚，我一定忍唔住偷睇
我哋兩個都係女仔呀😭但係我都係唔知要點樣處理呢件事
我有啲難答你，因為我就係似你伴侶個種，我係一定要睇人手機個種，唯有睇手機可以解決到我安全感⋯
過來人 就算冇虧心事 都可以無理取鬧
eg 相簿有以前ex既合照/真點純友誼既女性朋友chatroom
大把嘢可以做文章
老實講唔係好明，冇嘢嘅話驚咩人睇？我覺得全部都係藉口。
反而係你有冇同過另一半講原因。如果冇嘅話，唔怪得對方咁諗同咁冇安全感
試吓理解
老母check你電話係驚人哋對你唔好
女朋友check你電話係驚你對佢唔好
淨係俾部電話佢check佢就有安全感嘅話 何樂而不為
咁你咁講我都應該俾部手機老母check 佢驚人哋對我唔好咋嘛
冇屎樓主，你手機有冇裝叫雞網app, 爆房app, 交友app, 你認為正常野，可能係十惡不赦行為，有女朋友同你check下，雙方就互有安全感，唔係3個月1 check, 係每星期。
直接講
「我媽以前成日摷我嘢，所以有人掂我手機我會自動緊張，唔關出軌事。」
然後話佢知
「你想睇我坐你隔離開俾你睇，但唔好突然拎走。」
佢明就明，唔明就唔關你事。