📌 我真係好撚憎老母成日
共 49 條紀錄
我真係好撚憎老母成日都話乜都唔識
又話冇自己冇讀過大學
乜嘢都要我幫佢搞
屌真係好撚煩
佢哋根本就冇心聽，講幾多次都係嘥氣
寧願行到老遠排隊打簿㩒機都唔肯學吓用銀行app
其實我覺得個重點係我教完佢幾十次之後都係唔肯學，而唔係俾啲耐性去教佢就得，而且我係單親家庭，所以我阿媽特別依賴我。
我見到有好多comment 話我唔孝順或者我細個又係阿媽湊大bablabla 。
第一，我現實唔會咁樣同佢講嘢，佢想要D咩或者有咩要求我都會盡量滿足佢。
第二，佢係態度問題，我阿媽唔算老，佢距離拎長者咭仲有差唔多十幾年，但係佢喺我細個嗰陣時已經成日同我講呢樣唔識嗰樣唔識，佢係唔會主動去學習。我係希望佢唔好一嚟就話咩都唔識，我老啦學唔識，唔係嘅話佢未來應該好易有老人痴呆….
外國有個term係weaponized incompetence，通過表現出自己的無能來逃避責任
我媽62歲完全唔識用手機，佢45歲個陣教佢用電腦開韓劇，教左超過二十次，寫埋教學，貼係電腦隔離，都話唔識。佢完全唔敢問兩個仔，好驚兩個寶貝仔話佢煩。但好夠膽問我依個佢口中的不孝女，同一樣野我已經教左n次，其實我都好忙好攰，但佢會咆哮指責我衰，人地d女不知幾有耐性幾孝順，乜乜77。
我見啲人講返你細個嘅時候父母點點點
我想講其實父母而家唔願意學習
其實某程度上係反映咗佢哋嘅性格
因為簡單講一句唔識唔知
就將責任交咗俾對方
你哋覺得呢啲性格
佢哋小朋友細個嘅時候會好耐心教佢哋咩？小朋友問佢哋嘢佢哋咪講一句唔識啊，叫佢哋唔好問或者返去問老師

我媽都係，明明以前一拖二冇Google map年代都係會搵到辦法，但我大個之後佢就好鍾意話自己唔識呢樣嗰樣，唔幫佢搞就發曬脾氣話「讀書讀到你咁」，但同時間佢真係無曬辦法又會自己搵到辦法🤡🤡🤡
借來呻下，最煩係佢完全連盡力記嘅動作都冇，淨係識一味話自己幾蠢去扁低自己同講「我唔識」。
其實佢真係唔算老，而且有時覺得佢係有能力，所以真係好討厭由細俾佢潛移默化埋我。
見comment有啲人跳掣話你細個嗰陣乜乜乜
我想講我細個從來冇發老脾同命令人咁要人幫我，而且發老脾只會被人鬧得更甘，我都係好聲好氣咁去問人搵辦法，同埋教完做得唔好仲會被人嫌被人鬧，邊有得要人教幾百次仲要唔識就發脾氣😇😇😇
以前嘅人，比上一輩拖住人生，拖返下一代嘅人生就當打和
呢代嘅人就最撚慘
比上一代煩鳩住
但又因為有學識唔會搞鳩下一代
結果自己食晒
真，好似唔識大晒咁，一句唔識就大安旨意，連嘗試下嗰第一步都唔做….
咁你細個時唔識講嘢教你講嘢，咁你老母有無話你好撚柒好撚煩教極都唔識?
我奶奶6x歲大學畢業，都係一樣好多野話唔識，最離譜係佢黎到英國話佢唔識英文
真，愈老愈懶😒 連睇中文字都話唔識，叫我睇完解俾佢知。仲進化到乜都唔想做，最好搵人服侍佢，當自己老佛爺😑
又成日用「老啦，無記性／睇唔清楚blah blah blah」做藉口，地下有一毫子都睇到曉執啦，扮乜啫🙄
我阿媽同老豆都係，完全係選擇性依賴，唔想做嘅嘢就話唔識…… 覺得同我講一句問題就可以解決…………
我而家會search AI然後cap個答案畀佢，試咗好多次之後佢就冇癮
嘩⋯⋯你哋一個二個唔會老嘅，你哋細個依賴父母，而家佢哋老咗依賴仔女好正常，你哋都有做人父母嘅一日。
兄弟 因為屋企人只得你一個幫手需要靠你
到你冇得教嘅時候
唔好後悔😔
你而家可能唔明白，有個阿媽日日煩住曬，但總有一日唔煩你嘅時候，不知道有幾多人想阿媽再煩。明就明，唔明就搵黎明
好正㗎，佢哋連最基本嘅閱讀理解都會放棄咗㗎～ 重要後生係大學生/老師嚟㗎。
我屋企個個仲好proud of自己唔識搭地鐵架🙄岩岩夠6字頭咋
有時啲login野，入完密碼，彈左句incorrect password，佢就隊比我問點解唔得嘅？我話佢咪寫住incorrect password囉！睇字好無？
放心，天下老母都一樣，無論你老母定我老母，唯獨係人地老母最好🤣
我老母仲識指責我
啊仔，乜你個淘寶啲野甘貴架，我朋友果到便宜好多wo
我即刻放低部電話
“妳叫你朋友幫你買，以後唔好揾我”
細個我都咩都唔識：屌鳩我 刮我兩巴叫我自己搵方法解決
大個佢乜都唔識：「點解你唔幫我 我係你媽媽」
？？？？？
Hello 我無失憶😅😅😅
我媽七十幾歲好肯問啲app點用，而家好叻，成日上網買嘢、搞銀行嘢、買賣股票😂
細個時我都會覺得好煩，咩都叫我幫佢搞，教完佢又唔記得，但之後心態變了，見到媽媽開始老，我好珍惜每次佢搵我幫忙嘅時候（上網預約睇醫生、申請唔知啲咩），仲有機會幫到佢嘅機會係我福氣嚟…. 🥺
唔知你係點咩背景，但係我自己有焦慮同抑鬱，所以呢幾年睇多左相關嘅野。察覺屋企人如果過份依賴，有時唔係在於佢點唔識，其實佢可能識。佢可能係有焦慮/想要俾關注/關心既感覺。
我自己屋企係單親，所以我認為通常如果屋企有失平衡嘅責任/關注會導致佢地咁，因為可能如果係單親，就會嘗試係子女得到另一半俾唔到既（其實一個雙親家庭都可能會，因為可能關係唔好，我覺得都有可能導致）。
我最近有解決係我自己為例，唔知會唔會幫到你參考。最近我每星期搵個時間都會做啲關心佢既嘢，可能只係煮一餐飯，或者簡單啲聽佢講嘢，靜係聽就算我用手機，但係都聽同覆少少就算簡單回覆都好。跟住依家佢好多嘢都冇過度搵我，而家仲自己學識 Facebook，咁得閒我肯聽佢會講下 Facebook 得意野。咁就而家冇左啲聽落無理嘅要求，變返啲可接受。
你可能會覺得，點解我做子女要承擔/搵辦法解決。我之前係咁諗，但係都冇架，我果陣可以選擇繼續咩都唔解決、覺得唔係我責任，但係關係就越嚟越差、越來越難受。而家叫做搵到辦法睇多咗關於 mental health 既嘢。我唔知你用唔用得著，
始終每個人唔同，但係我希望你撐住、加油，你已經好叻。
同款老母，老豆過身後更依賴我，但我忍咗多年已頂佢唔順，覺得佢做到果啲嘢叫佢自己做番，有時又發吓脾氣鬧佢弱智，而家都知知地衰
有啲位係我唔明點解佢地會話唔知點做
複雜嘅嘢都算
填form例如人地寫明「電話號碼」佢問我要填咩
頁尾寫住「點擊下一步進入下一頁面」佢問我即係點
講緊明明平時都識自己google嘢/youtube搵嘢睇 但一要做啲非娛樂類嘅嘢就成部機塞埋嚟話唔識
我好明，我阿爸都係咁，成日都話：媽媽叉叉…… blah blah blah，我識英文唔洗叫你搞啦！
我話：你細個唔努力，你自己攞黎～要人幫手就客氣啲，唔係你妹仔。
之後，幫佢做事，佢會請食飯。
咁我個心都舒服啲。
我媽做教師的時候也持續進修學位，所以也算是大學畢業，而且我已經離開家裡在外地/外國生活接近十年，很多我私人事務都是我媽幫我處理。我一直很感激我媽。
一有咩問題，我阿媽就會話，我幾多歲你幾多歲呀。你個讀咁多書點解唔識呀
唔知大家幾多歲，叔叔三十幾 阿爸阿媽六十幾，小學都未畢業，有時d信/ 填form，你要佢哋填英文又真係難既
我阿姨話唔識用銀行app交費，但自學馬會app買馬仔好叻😂
唉..真心唔明啲人，其實當時都唔算老40歲時連初代cell phone即係2000年時嘅Nokia 都唔識用,連phone book都唔識用，教到而家smart phone廿幾年都未識用contact list(即係原始嘅phone book), 咁基本都唔識，唔使講其他啦😤又要虛榮要我買貴嘅smart phone 佢用，乜都唔識用但又要比人睇佢有好貴嘅smart phone, 10年前我都係初畢業出嚟搵錢咋😤啲老人真係乜都要人就晒佢哋仲要秒幫，遲少少都鬧你鵝你😤
本身我都以為呀媽係電子廢老，撳2個掣又話睇唔明，又唔識blablabla。
直至到佢愛上咗乒乓波，我教佢開咗一次YouTube 搵live，佢依家為咗睇比賽中東台佢都識開嚟睇。
證明學習呢家野真係興趣行先，冇得逼🙏🏻
我媽都係咁，成日揾人求救，不過以前果代人係咁，好多無乜點讀書，唔識點去學習，佢問我就盡量教多幾次，我覺得可以教到佢嘅時間唔多，教度就教。另外都有少少擔心自己老咗係咪都係咁樣😂
當人年紀漸長，心理同身理都開始退化，大家可幫到幾多便幾多
我媽係比我鬧左好多次（年）之後，依家終於會講「等我自己試下先」
其實我個心態係好心痛，一黎我細個時佢係我心目中係好叻：
一個人湊大我仲有能力請工人
自己揸車周圍去見客（當年係無電話導航
自己賺錢買notebook自學速成，仲教返我轉頭
小學程度但自學英文（雖然唔叻
二黎我係獨女，以前已經會諗當我獨立搬出去住或者嫁左之後，佢一個人點算
所以我寧願惡d對佢，都唔比佢未學過未研究過就話自己唔識
唔想佢由得自己退步
唔想佢提早唔用腦，腦退化
一開始我都係好嬲
但當我諗深一層到底自己嬲咩，到底佢點解會咁
我覺得佢心態其實係想懶下
可能因為已經努力左咁多年終於養大左個女，想過收成期嘅生活
慢慢開始我雖然都仲會惡佢，但已經有耐性左好多
去到依家我都真係搬左出去嫁左人
我好慶幸佢肯重新用腦
有時佢都仲會留係comfort zone唔敢做d未做過既野，一黎就問唔會自己研究下先
我鼓勵佢唔掂就都係會惡同佢講「你以前都係咁架啦唔咩識姐，學咪識囉唔通我一出世就識」
之後比左方法佢就由得佢自己完成
PS. 我媽係唔鬧唔鬆化既人，溫和鼓勵佢係唔會改變，要視乎阿媽係咩人對症下藥，未必個個受得😂
家人生性真係好緊要
早10年開始我就間中教阿媽用電話
依家佢已經識基本操作 仲識自己去download新App用
近幾年教埋佢用AI 生活上小問題都可以AI解決
依家終於叫做唔係「電子文盲」
唔識可以，咁咪唔好用，地球幾千年無上網都係咁，抄電話簿，睇地圖，一樣生存。但更討厭的係佢自己理所咩都唔洗識，然後買奇怪野番來要人幫佢set然後你唔識用就係有心唔幫佢，買d 連play store 都無的大陸機，真係鬼知點用咩。
我老母又係乜都話唔識，其實想依賴我。但我負擔都好重，唔幫佢就會話做少少野都唔得，情緒勒索我
我所有嘢都是網上攪，包括網上銀行，所有電子支付，不會煩仔女，除非真係攪唔掂，我都不喜歡有些長者總是話費事煩，還說大把時間做乜唔去銀行排隊，時間多不是用來排隊的，有時間不如煲吓劇😂