我真係好緊張
大家有冇同白人朋友出街玩係點？
身邊唔多白人朋友
好驚人地唔鐘意自己 唔鐘意我個性格
當年四個鬼佬捉埋我去美國road trip 過瀑布境果時全部人要落車 佢哋話未試過 平時就咁揸過去就係 落車原因 美國邊境人員嚴重懷疑佢哋販運人蛇 嗰條蛇即係我 捉晒我哋上去問問題 問我哋點識 去做乜嘢 大家如實作答 亦俾到大家一個好難忘嘅回憶 依家10幾年後每次見面都會講返出嚟
如果你係女。。放心，佢哋會好鍾意同你去玩，如果你係仔，英文又唔多好既都可以放心，佢哋唔會叫你出去玩
佢地都係人一個 個個人唔同
真誠啲對人人哋會感覺到
其實好nice
岩傾咪好咯，唔岩傾嘅亦無需刻意討好佢哋
（99%朋友都係白人）
試過帶白人去打邊爐
其實好撚懢介
所以點解有啲野係無法融入
傾計時專注傾計
玩時專注玩
一去諗人哋會唔會xxx自己就會唔自然會出戲
擔心嘅事就會成為現實
（吸引力法則嘅正確使用方法——諗「想要」嘅，唔諗「唔想要」嘅）
keep唔keep到之後再算啦
可能人哋都覺得你幾好玩呢
就算同聲同氣都可能唔鍾意自己
盡情去玩就好，開心左就肯定無輸
加拿大白人表面有禮貌，但係其實比較虛偽…類似英國人，盎格魯撒克遜文化就係咁嘅樣（你唔知道佢哋其實諗緊啲乜嘢）
歐洲白人會直接/真誠啲，冇咁鍾意兜圈（我老闆係法國人，我有三成嘅朋友係斯拉夫人，有幾個朋友係德語系國家嘅人…所得出嚟嘅結果）
唔駛諗咁多喎
做朋友係睇性格嗜好人品咋嘛，呢D嘢夾就傾多句唔夾就hi & bye囉
咁約得出去玩就即係唔會唔鍾意啦
做番自己就得呀喇，順其自然就最好
幾正架，我嚟咗加拿大身邊大多數都係local，無論黑人白人甚至乎其他種族都係比較個人主義，做自己多啲，你都可以做自己，多啲表達吓自己嘅感受啦，完全唔使驚佢哋唔鍾意自己，不過有啲文化差異上自己都要留意吓，好似見面或離別會攬吓或者擊拳等，放鬆心情啦！
朋友本身就無分顏色。既然叫得朋友。唔岩就唔約架。。
大家都係地球人。 你當佢香港人咁就得。 傾到就朋友 傾唔到咪下個
唔好太內向基本上都會識到一班白人朋友, 佢地比Chinese 貪玩好多