📌 我真係覺得我阿媽好慘
共 55 條紀錄
我真係覺得我阿媽好慘，完全俾中國孝順嗰一套綁到實一實。
又一開始做嘢去到而家50幾歲，每個月都固定比一筆錢婆婆，平時為咗儲錢自己連飯都唔捨得食。然後婆婆攞住阿媽啲錢日日買啲最高級嘅生果去請啲和尚食。
婆婆其他仔完全唔俾錢婆婆，有一次俾咗500蚊佢，同我阿媽講咗好幾個月。
去到冇人肯照顧公公。我阿媽專登轉間大啲嘅屋接公公過嚟一齊住用好多心力照顧起居飲食，然後而家公公分家產，阿媽一蚊都冇。
真係戥佢心痛。
重男輕女呢一套，完全就係剝削上一輩既女人，佢係愚孝
同你講，有啲人呢唔做心不安，裝睡的人叫不醒，你呀媽唔知佢地錫仔唔錫佢咩，但佢都無計，唔對父母好又唔安樂，所以響我地依一代就完結依啲有病文化啦
呢啲係有病文化 你呀媽生你出嚟先有病 孝順可以陪父母食下飯 有時間可以一齊去下旅行 如果窮到連食一餐飯都唔得嘅 咁就抽時間返去部下父母 如果呢啲都做唔到 認真 你媽生你出來先有病
所以響我地依一代就完結依啲有病文化啦 你呢句唔係話要你哋呢一代完結孝順父母嘅有病文化嗎？ 我理解錯誤？
你媽在還親情債，還完就好，也是給你做榜樣，要多孝順長輩當積福
跟我很相似，我每個月都有俾家用，個仔唔俾不得只，仲有零用錢收。我唔俾一次家用，已經有說話聽
但你婆婆最錫都係你舅父，唔知點解，老一輩全部都係咁，但阿媽永遠睇唔到
冇㗎，呢啲行為係因為你阿媽渴求公公婆婆嘅愛。所以盲目不斷去催眠自己只要不停課金，公公婆婆就會愛佢。
作為旁人你咩都做唔到。你最重要係劃返boundary 唔好俾佢拖你落水就得。
有幾慘?有得孝順父母仲想點，好多人連想孝順嘅機會都無
你媽禁做無問題，係佢心目中父母重要，哩件事算係佢單方面既愛，父母當佢免費工人就肯定，最尾用禁既方式回報你媽，證明佢地都係衰格，人之間關係係唔會有平等，你睇開d就算。
但係我就要承擔佢咁樣做嘅苦果，佢將人工剩返嘅一大部分俾咗婆婆，無錢淨，我就要承擔自己嘅學費，去打工，食最平嘅餐廳，買唔到自己想買嘅嘢。
重男輕女通常都係咁，衰嘢辛苦嘢就要個家姐做晒，然後個細佬呢就乜都唔使做仲要有錢分，勁慘
其實當其他仔完全唔比錢時，你阿媽都唔應該比，根本睇下邊個面皮厚咋
其實生仔從來都要考牌，大把人無做好做人父母既責任，包二奶又有，爛賭又有，吸毒亦見過。
果啲係唔撚係都叫人「孝順」果啲，隨時就係果啲叫家姐細妹拎幾十萬比自己結婚/買樓既仆街。
得亞洲人先有「孝順」呢個概念，外國大部分都讚成子女成左家就分開，無「家用」，大時大節返去探父母已經好好。
都唔知邊個發明要仔女比返錢父母，當初無人指住你個頭要生，生完又當仔女係一件貨、一個奴隸，成日拎個「孝順」壓落黎，自己做仔女果時又做唔做到呢？
人年紀越來越大，覺得「孝順」呢兩個字簡直係情緒勒索的方式，係一個藉口去為某啲唔公平既對待合理化。一個人與人之間的關係應該是平等，有啲上一代慣性既思維，就係家庭𥚃面做嘢就叫個女做，食嘢或分享好嘢就留返俾個仔。佢哋仲以為咁係好正常，而通常佢自己最需要幫助嘅時候，啲仔閃曬，仲繼續作個藉口話佢哋太忙！根本從來冇諗過咩叫做真正「愛」自己的子女。
幾多錢應該唔係重點啩？公公都唔係有好多錢，我覺得係心意問題。
我阿婆又係好重男輕女，對落三個仔（我啲舅父），大舅父正常少少，二同細舅父就吸毒，大姨媽好錫啲細佬但唔錫啲細妹（細姨媽+我媽），細姨媽嫁左人改埋電話號碼，到依家一啲消息都冇，好似人間蒸發左咁，我媽排最細，除左細姨媽，聽我媽講，佢全家都對佢唔好，自從阿婆走左之後，佢有十幾年係冇搵過佢啲家姐阿哥
我讀小五果年，細舅父舅母係住阿婆屋企，有日兩條友錫走阿婆，跟住喺我地屋企住左幾日先返到屋企，但阿婆臨走前，間屋係填晒啲仔名🫠 我媽其實好心淡，所以阿婆走左之後，佢決定改電話號碼，以後都唔再搵佢地
其實成件事最醒係細姨媽，我媽近呢幾年又同舅父舅母大姨媽飲茶，但次次都同我呻佢地點點點，我話「本身你都十幾年冇搵佢地啦，咁咪以後都唔好搵囉，佢地又唔係對你好」跟住佢話「唉，算啦，佢地都果頭近，咪陪下佢地」
冇野補充，你鐘意點咪點🤷♀️🤷♀️🤷♀️
我課金俾我媽係'因為先父對佢唔住，但我好愛先父，我理解我媽超難相處愛情緒勒索而且虚偽愛挑撥離間，我當還債所以非常睇得開，但姊妹有時真係頂佢唔順，可能冇我咁化。能力範圍內盡咗責任就算。
孝順岩要有但睇情況
咩都唔理盲目聽父母講咩做咩係愚孝
但條你媽簡都要尊重佢選擇
你阿媽同我阿媽一樣，做就有佢份，要出錢又係我阿媽出，但係無人appreciate 佢嘅付出，呢啲就係所謂嘅「家人」。
以前上一代好多都係咁，大陸走落嚟香港，捱苦工作賺到錢，就經常返上大陸去接濟班老一輩、窮親戚，到而家人地有錢有屋，你估人哋真係會有心感恩你，回報翻俾你？其實無乜大責任咁做，有時候真係自己攞嚟笨。
有時有d 野唔係為錢既 有時佢還d 比你， 有時你還d 比佢 呃呃氹氹，擺下擺下好快就一世
明你，但都明你媽，其實你未必知你媽細個有咩經歷，我曾經同你一樣諗法，直到有次我媽話佢十幾歲時，出街好夜都未返屋企，當時冇電話，我公公驚佢出事，1-31層樓每層行落去，驚我媽出事，但我見到嘅公公係只錫仔，唔錫女，其實我地呢輩體到嘅係表面，因為我地公公個輩，特別係男人，錫仔女未必會表現出嚟，當然佢地骨子裡都係重男輕女，但係唔係就代表完全唔錫個女？或者你媽細個嘅經歷，你都唔知道。而且講句唔好聽，老人家仲有幾多年命？佢最多盡孝多10幾年，之後冇㗎啦，想叫聲爸媽都冇機會，既然佢覺得值得，咪友佢照顧爸爸媽媽lor，樓主
你阿媽中哂毒，唔會有得改…
唯一可以改變係教佢要錫自己多啲，連飯都唔捨得食，佢咁偉大但係無人領情。
梅艷芳咪又係咁，無話值唔值得，心安理得訓得舒服，佢哋對你媽唔好，個問題唔係喺你阿媽度。
媽媽嘅父母睇唔到你媽媽的好，還好你睇得很清楚，相信日後你唔會對㷶媽太差 。
+1 我媽媽為我阿公做好多 到今時今日七兄妹得我媽媽會拜祭佢🙄
明白你為媽媽不值，但盡孝不求回報，這是有福報的，但願你能好好愛你媽媽，讓她幸福
你媽媽做完心安，係最大得著！
人地點做，佢無需理會。
唯有慢慢開導吓佢啦。同佢講有啲嘢唔做唔代表佢唔愛自己媽媽嘅
你阿媽唔係慘，係傻咗囉，愚蠢、愚孝，叫佢醒吓啦。
你媽自己一早唔清醒，邊個都幫唔到佢，身體人講幾多都無用
每次見到呢一啲被洗腦嘅長輩真係覺得好可惜，同時覺得好頭痛
我唔明有啲父母，可以咁，個女孝順佢哋當老奉，自己當啲女係工具人，一直只有要求你做什麼，但從來唔關心你，如果冇仔，眼中只有老公，而老豆眼中只有自己。
衣個係你啊媽願意承擔嘅野
尊重媽媽嘅選擇
即使佢唔洗照顧父母
啲錢都唔一定要俾你洗