我真心想問下大家意見，係咪我有問題？
背景係:
啱啱10:30左右係天晴邨等269d，等到架車就埋站，排我前面個婆婆突然擰轉俾左張惠康收據我睇，問我可唔可以幫佢打單上面個惠康電話問下佢關門未，天晴惠康職員話元朗惠康收11點，佢漏左個電話係間惠康度。呢個時候架269d已經埋左站開左門，咁我同婆婆講上車先，我即刻幫你打，打完去左fax，我再上網搵話收22:00/22:30。
我就同婆婆講:電話無人聽，上網話收10:30，不如你聽日先去拎啦，費事白行一轉。咁婆婆就話好啦，咁我唔出去我落車喇，咁就㩒鐘落車。
件事就係㩒鐘之後發生,
婆婆㩒完鐘等落車嘅時候，個司機突然好大聲咁用全車都聽到嘅聲線而且輕佻嘅語氣講:乜咁玩呀，落車呀，嘩咁玩嘢都得呀，玩啦玩啦，玩埋聽日咋，過埋聽日兩折架喇，無得你玩喇。
我好好禮貌咁問司機:司機，你話緊婆婆呀？
司機就用細聲啲但都係聽到嘅聲線話:玩啦玩啦，玩埋今日啦。
咁我都明白上兩個站又落車麻煩到司機，
我保持禮貌但大聲dd 同司機解釋:婆婆唔係玩呀，佢漏咗電話係元朗要去拎返，但發現關左門先落車咋。
婆婆係隔離同我講:算啦算啦，你帶住小朋友，唔好同佢拗喇。
留言續

完全唔明阿婆有咩問題😹 搭得短有咩問題 有時啲老人家腳唔好 真係行唔到少少路 搭個車有咩問題 個司機鬧咩-_-

真，架車本身就要站站經……….
咁佢地要禁鐘停係冇得話佢地唔岩
一係搭其他巴士返工，怨氣唔可以咁發係老人家到
咁真係事實架車係要停靠個站
啊婆唔禁鐘，有人係個站上車都一樣要停

佢實際有冇問題就唔知，但大部分香港後生憎d兩蚊搭兩個站就落，拖長行車時間就真😀meanwhile都令政府負擔加重，我納咗稅當然支持政府做法

其實問題並唔係長者本身，而係巴士公司同政府,睇下人哋啲國家,係有分段收費,即是上車拍卡,落車泊卡,淨係計你坐路程收錢,而唔係好似而家巴士公司,所謂嘅分段收費,食到盡

同意你講法
很多後生憎啲老人長車短搭，到佢哋老左就會明，老人家行吾倒，步步為艱，有些站可能需要行斜路或上落長樓梯才到目的地，選擇最近的最方便佢哋嘅巴士站上落吾係佢地嘅錯，能夠分段收費最公道，落車拍咭，點解咁先進嘅城市呢樣做唔到。