📌 我真心想問下大家意見
共 51 條紀錄
我真心想問下大家意見，係咪我有問題？
背景係:
啱啱10:30左右係天晴邨等269d，等到架車就埋站，排我前面個婆婆突然擰轉俾左張惠康收據我睇，問我可唔可以幫佢打單上面個惠康電話問下佢關門未，天晴惠康職員話元朗惠康收11點，佢漏左個電話係間惠康度。呢個時候架269d已經埋左站開左門，咁我同婆婆講上車先，我即刻幫你打，打完去左fax，我再上網搵話收22:00/22:30。
我就同婆婆講:電話無人聽，上網話收10:30，不如你聽日先去拎啦，費事白行一轉。咁婆婆就話好啦，咁我唔出去我落車喇，咁就㩒鐘落車。
件事就係㩒鐘之後發生,
婆婆㩒完鐘等落車嘅時候，個司機突然好大聲咁用全車都聽到嘅聲線而且輕佻嘅語氣講:乜咁玩呀，落車呀，嘩咁玩嘢都得呀，玩啦玩啦，玩埋聽日咋，過埋聽日兩折架喇，無得你玩喇。
我好好禮貌咁問司機:司機，你話緊婆婆呀？
司機就用細聲啲但都係聽到嘅聲線話:玩啦玩啦，玩埋今日啦。
咁我都明白上兩個站又落車麻煩到司機，
我保持禮貌但大聲dd 同司機解釋:婆婆唔係玩呀，佢漏咗電話係元朗要去拎返，但發現關左門先落車咋。
婆婆係隔離同我講:算啦算啦，你帶住小朋友，唔好同佢拗喇。
留言續
然後司機繼續用輕佻語氣話婆婆玩嘢，
呢下我就真係忍唔住大聲同司機講:都話左唔係玩嘢啦，你使唔使咁講嘢呀，你信唔信我投訴你呀！
然後個司機keep住輕佻語氣:我信呀我信呀，投訴我啦。
然後婆婆就繼續好唔意思咁話:你一個人帶住個女唔好同佢嘈啦，婆婆知喇知喇。
我叫婆婆小心啲落車，聽日打左電話去先好出門口。
然後我睇法係咁，想問下大家諗法:
1. 2蚊搭車呢件事俾人濫用我明白，司機誤會我都明白，但有必要係解釋完都要咁樣話個老人家咩？
2.難聽啲講2蚊搭車俾人濫用係政策嘅bug嚟，咁你係咁出條款，人哋就係可以用，啲錢又唔係喺你銀包拎出嚟，司機可以因為呢樣嘢鬧人？
3. 或者職業司機壓力大，都夜晚十點幾會赲，但唔代表可以咁樣話人下話？唔係話我哋啱哂，但互相尊重真係咁難咩？
講明先:我無諗住投訴佢，亦無諗住有下一步，只係真係懷疑自己係咪做錯/諗法有問題，聽下意見。
估唔到訓醒見到咁多人同我睇法一樣，會出post嘅原因唔係想公審佢，係我女係車問返我發生咩事，解釋俾佢聽嘅時候我都諗一諗，會唔會有其他諗法係我偏激左。
不過見到大家都話投訴佢好啲，本身只係單純唔想影響到人哋份安全獎金，無諗過燥底影響行車安全果類，既然都有網友話公司唔會扣錢，咁我都會send封email過去表達下意見，雖然九巴呢啲公司我都知一封email唔會做啲咩嘢，不過盡做啦。
呢件事我都會用佢聽得明嘅方式話返俾個女知，等佢了解多啲。
謝謝大家
先唔論長車短搭係咪仆街
你做得巴士佬，人㩒鐘你就開後門啦，你份糧包㗎
係佢一啲EQ都無，上客落客佢本份嚟
完全唔明有咩好發脾氣
完全唔明阿婆有咩問題😹 搭得短有咩問題 有時啲老人家腳唔好 真係行唔到少少路 搭個車有咩問題 個司機鬧咩-_-
住天北嘅我之前有買九巴月票嗰時
成日都係搭兩個站出返頌富嗰邊轉其他嘅九巴線🤣🤣
有俾錢嘅話佢理得我搭幾多個站姐，有站就可以落嫁啦，又唔係逼個司機喺唔係巴士站嘅地方落車🤣🤣
我懷疑我遇過呢個司機
又係269d
話說我買左9巴月票
所以一兩個站我都會搭車
有次搭269d但搭左兩個站就落車
比佢串我話我2個站都要搭車
搭兩個站都係要停 有客按鐘 咁趕個司機去邊 🙃 同埋人哋係符合資格有用綠悠卡付車資 憑咩要刁難人 🙃司機欺善怕惡 🙃
天水圍北向南
落車，車站有部機啪
可以當短途搭
一般人都可以當短途搭
司機憑咩估佢唔係搭短
係個司機有問題
就算一開始佢誤會咗所以講埋啲有骨嘅說話
但係後尾你都解釋咗俾佢聽啦
都仲要咁講嘢
你好好呀，幫婆婆講說話，又幫佢打電話🥹🙏🏻
上車有俾錢，落車前有噤鐘，合法！
司機有誤會，你有解釋，合理！
贊成 send email講翻件事，唔係投訴，請注意一下情緒。點知佢幾時跳掣，片個大彎一鑊熟咖。。。
望返留言有啲人都係同一個路線遇到奇怪司機…勁似係情緒唔穩定有徵兆，之後唔知邊日會爆發
人地落車佢鬧乜？😂又唔係個個站撳佢鐘玩野唔落，咁都要發癲
佢見到人地地鐵個個站上落客係咪會世界末日
雖然唔buy $2撚濫用，但事實係狗巴本身都整咗分段機俾正價客長途車搭短途，個司機唔gur可以去返狗巴同運輸署投訴，而唔係喺度屌客咁戇鳩。
有客係車上就要預站站有人襟鐘落車
襟咗鐘都講咁嘅嘢，其實應該打去投訴佢態度差
即使(我說即使) 真喺「長車短搭」都不關司機事，無損司機利益！ 就算巴士公司本身都會因為可以賺多D錢 更開心添！
這個司機的態度叫做「犯賤」，衰格到無人有！一定要向巴士公司投訴佢！
其實司機冇指明道姓，又唔係話你，聽到唔需要對號入座。可能佢平時見唔少人濫用資源所以有感而發啫。
當時架車只係第二個站，全車下層只係得我同個女同婆婆，如果咁大聲真係唔係同我哋講嘢，可以講句唔係話你哋，亦唔需要話我信呀，投訴我啦。
其實俾正價同特價，坐幾多個站係人哋嘅權利同自由，而巴士司機有需要入站睇下有無人上落車，明白佢工作壓力大，但莫名其妙講出果d說話真係好難理解，我會覺得需要投訴佢。
司機係唔啱…………但我想講既係😏而家就個個都話老人家腳唔好一個站咪一個站囉…………無俾錢咩………………？😂😂你地返工返學坐巴士嗰陣上幾個一站老人唔知係咪仲咁有善心呢？？香港人
就算係坐一個站落車又有咩問題？呢個係司機嘅職責！老人家行唔到或腳有事唔需要解釋，一定要投訴呢啲司機
我試過係旺角搭701A 巴士去南昌站，上到車先發現佢唔輕，（701先經），下個站我就落車了。
個司機EQ 都幾低……
其實好多老人家唔識用巴士個app，唔企得太耐，只係見有巴士就上，咪搞到啲人話佢哋坐一兩個站就落車，浪費納稅人啲錢，將心比己，代入別人想法，就會明白，懂得體諒。
其實佢有比錢，我搭2個站落車又點？有比錢wor...岩規矩wor....
只能怪太多廢老平時玩爛兩蚊，而家啲巴士司機又差EQ接近冇
樓主善心上天，婆婆同網民知道㗎啦感謝您🙏
我覺得公司要正視司機心身健康喎….
係到自言自語feel咁……….
搭幾多個站落車，司機都唔應該鬧人，更加唔存在玩嘢。
俾兩蚊又好俾兩節又好佢俾足錢就有權利坐佢想坐嘅站落車。
其實搭幾多個站係乘客嘅權利，俾幾多錢亦都係政府同巴士公司嘅協議，做司機做好自己本份就好。我覺得條友擺明恰阿婆老人家，如果係個公仔佬搭一個站我覺得佢唔夠膽出聲😏
司機有咩資格同需要去管D人搭幾多個站？我搭一個站唔俾咩？咁叫玩咩？你揸巴士埋站上落客你職責啦！