📌 我真心覺得呢個世界係
共 49 條紀錄
我真心覺得呢個世界係冇報應
啲害過人嘅人仍然係風流快活同長命百歲，咩事都冇咁
究竟邊個話呢個世界係有報應咖
其實呢。。。。
會唔會有時可能係早走早解脱？
即係咁諗😕
係啲金字塔頂嘅人呃下面班傻仔嘅謊言，等佢地乖乖地唔搞事
邊個話有報應呀，我唔信有報應，佢哋只會越來越好。被傷害的人，只會越來越差。因為被人傷害後的後遺症。
見過好人有好報，亦見過惡有有惡報。
有啲係好快報，有啲遲啲報。
早有早報好，遲有遲報好。
早報通常都係啲現眼報或者擰轉頭又或者過一排發生的。
愈係惡報，愈遲報係愈恐佈。
試想想，個惡報耐到行惡的人都忘記了
到佢哋享盡了榮華富貴壽終正寢，完全無為來生作準備
殊不知，上帝的審判一直在等惡人壽終直接清算全帳
如此，這從未悔改的惡人所受的刑罰，將會有多重呢。
這樣，惡人的惡就以疊加態形式堆砌得更可怕了
受的罰也將難以想像地重。
所以上帝在聖經說不要為自己伸冤，反要以善勝惡：
羅馬書 12:19-21 ¹⁹親愛的弟兄，不要自己伸冤，寧可讓步，聽憑主怒-；因為經上記著：「主說：『伸冤在我，我必報應。』」²⁰所以，「你的仇敵若餓了，就給他吃，若渴了，就給他喝；因為你這樣行就是把炭火堆在他的頭上。」²¹你不可為惡所勝，反要以善勝惡。
有報應？人民幣上面點會有毛澤東頭像？你睇下佢以前做過咩驚天動地偉蹟
最大嘅報應唔係報在自身，係報係你身邊最愛最在意嘅人，我見好多。
不要只著眼於人哋嘅衰嘢上面 再放大佢睇，
你要睇埋其他嘢，啲衰人點解無報應 其中有因為佢哋做更多嘅善事去抵債呀
我哋唔知今世自己幾時會做咗 或講咗啲 會傷害人嘅事 更何況來自前世的 所以先至要抽時間去懺悔。動機不純 如果你成天都在想 睇你點死 睇你幾時死，雖然你什麼都沒做 但呢個因果 業力 絕對唔輕，施主 放下執著吧😌
倖存者偏差，永遠睇有報應嘅例子，就覺得世界係咁運作。實際上無報應多的是，好似深山個個好痛苦打機個位。
長命不一定享福或者每天開心快樂過！可能身體受苦，捱住…日子！又唔死得！解脫釋放出來
一個人安安樂樂瞓下覺就走左…不痛…就係福
我自己都想瞓覺走💤⋯⋯咁長命咪即刻仲有好多嘢未完結？走不到，心有牽掛，仲有嘢未做，就放不下
例如：你好想見到一個人…等緊人嘅感覺
其實呢報應呢一樣嘢唔係淨係睇呢一世嘅，有機會係上一世或某一世你爭人嘢，我識得有個師傅係咁樣講。
在宇宙嘅進行線上，因果未必今世報，不過總會報，喺前面某個位，類似《大隻佬》嘅概念
我知道有人做咗一啲喺現今嘅法例上係犯法嘅行為，千夫所指嘅事，但係佢仍然安享晚年，甚至乎臨終死嘅時候都只係仆親之後一兩個禮拜嘅事，冇受到任何特別嘅痛苦就過身，我唔覺得佢咁叫有報應
其實有報 父債子還 好多上一代既錯 下一代埋單 唔單單係個體咁睇因果 雖然唔公平 但就係咁 只有接受唔接受
一定會有 因果報應的 一日未去到最後嗰幾年都唔知 仲有就係 未必係今世會有惡報 可能會轉在下一世 如果唔係點解有啲人？ 生長係唔同嘅國家。 捱緊苦難嘅國家嘅人前世好可能係做盡壞事嘅人
若然你真係相信有報應，咁點解你唔諗吓你受嘅果，其實咪臭係「報應」嚟嗰囉～～～～～～～～～😑
報應，唔一定要「即時」發生㗎……天才！！😓
因為有智慧嘅人被自私自利者淘汰咗
所以依家個社會系統玩法係做最頂嗰個資源分配者絕對唔可以智慧英明，否則你好快會玩死自己
佢夠膽害人 唔怕後果
自然得到既成果同開心比你多
呢啲咪報應囉 佢應得
大家成日以為報應係時間一耐就會有，但係其實例如有有一個人欺凌一個人，然後再欺凌第二第三第四第五人，然之後佢係嘗試欺凌第六個人嗰陣時，第六個人一拳打埋去可能佢爆晒缸，然之後前面嗰五個人就話呢啲咪報應，所以個人認為如果一個人係當下做咗啲咩行為，你即刻反擊，呢個就係佢嘅報應，呢個就係根據佢當時嘅行為即刻嘅報應
不嬲都冇所謂善惡有報嫁啦。只係一廂情願將好人遇到好事既時候就歸咎好人有好報，當好人遇到不幸就選擇ignore，反之亦然。實質係大家遇到好壞事既機率都係相約
從來就沒有什麼救世主，全靠我們自己，報應應該係受害者比返加害者
立即見效叫反應，報應係你唔想發生就發生，因為係天意，不是人為！😏
其實點會有，如果世界有報應機制，就唔洗有法律
如果有報應，全人類應該滅絕咗幾次🤣
報應係嚟至其他生態圈嘅物種🤫
報應呢樣嘢從來都係啲失敗者自己無能為力，就期望有第三力量做一啲自己唔敢做/做唔到嘅事
可能係以前d壞人諗出嚟等d弱者唔好報復妄想壞人會自然有天收嘅假像