我知道佢一定係盡力救人到最後一刻
感激街坊 John 同婆婆，將呢段關鍵時間嘅空白補返出嚟。
如果撇除咗陰差陽錯上錯樓呢一點，其實佢一路都係做緊佢應該做嘅事，冇偏離過職責。街坊亦證實咗偉豪嘅出現，令到不少人因而獲救。
另外，哥哥，你可能會對「單獨行動」有問號，
但以一般實際操作嚟講，由地下去到25樓，一個人行動其實係冇問題嘅。因為呢一段路通常仍然屬於相對安全區域，未真正進入火場。好多時，當隊員已經上咗樓做嘢，但需要再從車上拎裝備，司機都會單獨由地下搭𨋢上樓，呢種情況係常見而且合理。
而橋頭堡一般會設喺涉事樓層對落兩層嘅後樓梯位置，响果度嚟攞水、開喉，同時設立入口指揮站。
去到呢個階段，真正進入火場嘅煙帽隊，先需要最少兩人一組進入火場。