📌 我細佬被鬼上身搵過好
共 82 條紀錄
我細佬被鬼上身搵過好多法師幫忙都幫唔到，而家唔知點算好，啲靈體可以控制佢把口講嘢同埋佢啲手腳活動，我信耶穌我細佬唔信耶穌幫唔到佢
留言話人迷信鬼神果班 咪一樣迷信科學
其實青X病院 醫生係默許法科師傅處理科學解釋唔到既病人
最近先有兩個做精神科嘅醫生同護士講，做咁耐從來未見過一啲靈異事件....
我有send過畀梁思浩個節目我亦都打電話上節目有播過出嚟㗎，個師傅叫我盡快搵個師傅幫忙因為佢個情況已經被奪走咗三分之二，梁思浩發現我同佢講嘢嗰陣時候我後面有把聲唔止一把聲，梁思浩話我都有情況有問題
我睇左你嘅回覆，估計似係家族冤親，揸令旗嚟搵你地，亦唔願意化解，起碼唔係就咁做法事就肯走，所以先送完又返嚟，睇嚟之前啲師傅只係夾硬送佢走，令佢怨氣更深。或者當佢普通陰靈咁處理。
而家2個點：
1- 就算送得走，精神病都只會唔再惡化，或者係比而家好少少。
2- 誠心悔過過往生對佢做過傷害嘅事，希望他朝有機緣可化解送走。
你係基督徒，唔信有前世，第2點好難做到，而且你細佬個精神情況已經咁樣，佢自己都未必可以有意識去悔過，其實就幾乎無望能送走。
所以你哋諗下仲係咪要送走，同埋你哋呢個情況係好容易遇到無料嘅師傅拖延時間。

如果入得太深，你細佬又冇意志去解決，有師傅都藥石無靈，你返教會如果覺得有用，就再勸下佢去，佢唔去條路就係佢自己揀，又或者命中註定有呢一刧，你幫唔到佢啲乜，唯有多祈禱希望有神蹟。
1 首先查日腳
2 初一十五去關帝廟上香
3 去廟上香買平安符
4 問聖杯佢哋想要乜野
嗱！我就睇咗你好多人留言畀你㗎喇！
總之如果你已經搵咗梁思浩節目入面嗰啲師傅嘅話 佢唔肯幫你嘅呢 你都唔使旨意再搵佢第三次 我已經之前有留言畀你 你單嘢應該好棘 其實我哋好多屋企人都覺得嗰個話自稱60歲嗰個師傅係唔得 佢哋係求節目效果㗎咋 你而家係冤親債主定係奪舍 佢哋有冇畀一啲乜嘢答案你 其實真係要試下搵下 出面坊間真係有料到嘅師傅 但係嗰啲師傅係 唔會上任何娛樂節目
既然信耶穌，比啲信心啦，見你又話去燒香又剩咁。
搵佢啦
https://www.facebook.com/share/1EU8MkDEJ6/?mibextid=wwXIfr
我搵過呢個人傾過計佢有詳細了解我哋嘅情況，跟住搵咗佢嘅團隊幫忙有趕咗隻鬼細佬有返返嚟，但係過後細佬唔信耶穌又返返嚟啦啲鬼
我打過上潘紹聰節目啦~因為我同細佬都有精神病佢唔信我哋講嘅嘢，但有精神病都可以撞鬼㗎嘛
潘紹聰，梁思浩都幫唔到你，基督驅鬼又唔得，咁淨返嘅係求神明，或者扶乩問。
你咪聽嗰條友亂噏啦 佢鳩吹㗎咋 但係佢同你講話用紅筷子夾中指你都信
唉。。。。。。。。
你信耶穌但你找法師幫忙，對信仰有相信有違背，不合神的心意！你先向主認罪悔改！
現在能救您細佬只有耶穌！
你當帶他返教會找牧師幫忙！普通弟兄 姊妹處理不到除非有趕鬼恩賜！
見您文字就應是香港人，你先去611靈糧堂找牧者幫忙！先返聚會，您入小組，同組長講，小組長幫妳！
趕趕鬼要一個有這恩賜的人和有聖靈感動才能做！
記住他回覆正常他要信耶穌和讓耶穌進入他裏面，受冼一定要但後話不用急！
您自己每天用口讀出聖經，就至少讀3章，宣告神的話，讓神的話進入您裏面，並能加您力量！最好在妳細佬面前讀，不用怕！讀聖經前祈禱🙏
你睡前讀一篇聖經和聽詩歌，安靜您心，早點睡因他會影響到妳！多禱告多讀聖經，對你有幫助！
你知唔知你細佬有冇批准邪靈進入他身上！
平時有返教會有加入小組，我搵師傅畀啲小組組員知道都畀佢哋鬧咗一餐，但細佬唔信耶穌又可以點佢只信師傅
1. 「正陽氣」： 喺屋企保持光線充足，尤其係細佬住嘅房，白日一定要打開窗簾曬太陽。
2. 避開「沖煞」： 暫時唔好帶佢去醫院、殯儀館、或者夜間去深山水邊。
3. 飲食調整： 喺命理上，火代表心神。可以試下俾佢食少少溫補、具陽氣嘅嘢食（如薑、黑胡椒），刺激佢嘅感官，嘗試喚醒佢嘅主觀意識。
4. 信仰衝突的處理： 你信耶穌，佢唔信，呢份壓力可能會令佢更排斥。建議你喺內心為佢祈禱，但表面上唔好強加宗教儀式喺佢身上，以免激起靈體嘅反抗（靈體有時會利用受害者的反叛心）。
去到鬼上身都仲未願意信耶穌？🫠有朋友之前試過玩茅山嗰啲，然後打開曬d渠道, 最後都要信耶穌先搞得點. Pray for your brother
補返多啲微量元素b2個啲再見多幾次醫生先啦，2026年啦仲講鬼神，係有鬼嘅燒多啲金銀衣紙俾佢推吓啲發電機發吓電好過啦😮💨
據我所知啦醫生呢都有開維他命畀佢食，佢燒過好多嘢畀隻鬼㗎喇又試過喺地下叩頭叩出血連啲師傅燒過嘢畀啲鬼啲鬼應承咗話走但結果都返返嚟
如果真係奪舍 真係好難搞 要搵好勁好勁嘅法科師傅 其實呢啲好勁嘅法科師傅唔係坊間可以聯絡到
怎樣的狀況讓你認為他是有這個問題？
按你所說的控制說話及手腳活動，照字面解讀，沒有撞邪的一般人都可以出現這些狀況。
初初發現佢有問題嗰陣時候佢把聲係低沉一啲嘅唔同㗎，同埋又識得講啲言語係我唔明嘅又做咗啲手勢我唔識嘅，問佢佢都認話唔係我細佬嚟，以前叫我做大家姐佢鬼上身嗰時候會叫我全名，佢叫自己唔係叫"我"佢叫自己做"呢個細路"
這也有機會跟所謂的解離症有關，在排除跟精神問題有關的事項後，方才向鬼邪之說的方向考慮。
如果本身冇精神病嘅話，亦都冇吸毒嘅習慣，既然法科師傅幫唔到佢，就要搵泰國師傅
唔好搵梁思浩節目嗰啲人啦 好多年前屋企人 有搵過佢問埋啲 好少嘅事 但係嗰啲好少嘅是基本上出面好多人都做到 梁思浩係攞節目效果㗎咋 你醒啦 真係唔好信佢呀 你搵其他人
屋企人有冇精神病嘅歷史？ 排除左精神病，先好斷定係靈異野。
父母冇精神病歷史，但係我有精神病，因為我比靈體搞到頂唔順入咗精神科，現在習慣咗聽到聲
佢哋都有驅魔呢樣嘢的，但唔係個個神父牧師都有呢個能力
打過上潘紹聰節目亦都有播咗出街，但係佢當咗我同細佬係痴線嘅有幻聽唔認為我哋遇到靈體
搵個有講鬼經驗嘅基督教團隊
原本係得嘅細佬返返嚟
但過後我細佬唔信耶穌隻鬼又返返嚟
我懷疑佢玩水晶搞到咁，係佢身上面嘅靈體同我講嘅，細佬將水晶綁住磁石再滴血咗上去，啲靈體睇到好光跟住就吸引咗佢哋過嚟上咗身就返唔到出嚟
多謝回覆
唔好意思，未聽過呢方面嘅靈異事件
請問你可唔可以講埋…..
水晶係邊度買？水晶點解會有靈體？
呢個滴血方式係咪一種教派嘅儀式？
普通水晶，但綁咗磁石滴咗血之後靈體會睇到水晶會發光，吸引到靈體過嚟，唔係宗教儀式，我問過細佬佢都唔知自己點解會識
我自己都有遇過靈體，搞到入咗精神科，而家有定期食藥睇醫生
唉，心悒聽到你嘅表白。
若可以，
就牽着細佬手唸主禱文吧，
他縱然不信基督，
但你試試叫他當作幫你，一起唸，
若他肯就好，希望聖靈護佑你倆。
✨Amen.
普通去吓拜神或者好多嘢做一次
的確係好大機會會翻發
如果唔係普通唔覺意連結到的
祝福你哋，同時宜家處唔處理到，
要搵到一個長期能夠保護同埋穩定自己嘅方法
即係真係例如宗教，搵個宗教係佢自己真心相信的
自己唔信比較難！
或者有時相反！！！
其實係要睇吓佢而家身上嘅靈體相信邊樣做法，咁就可以用返嗰個方法相信
我以前細個身上都有前世情人跟住，佢信佛教，咁我自己都有少少佛緣
不過佢就一定佛緣強d, 所以最尾係佛院就能夠送走佢以及讓佢喺佛堂以後聽經修行
（no offense 不過普通入廟拜神或者燒下衣係一定唔得，如果係呢個程度）
如果有緣，我有時教薩滿班，關於靈體嗰啲堂，都會有免費個案練習
不過除咗緣份之外，就要睇吓本身你哋接唔接受薩滿，同埋信唔信到我哋🙏🏻💗
本身自己信唔信到都好有用
見到都有其他師傅話幫手，所以反而最重要你睇吓邊個感覺最舒服🙏🏻 同樣又真係無需要周圍樣樣都試吓
另外如果有啲唔信嘅，都無需要解釋或者爭拗
呢個世界真心可以有好多唔同嘅觀點
以及有時又要經歷過先明白
亦都有好多人經歷好多選擇有第二啲睇法
佢唔止一隻鬼上身㗎，佢有好幾隻㗎，佢鬼上身嗰陣時候呢會同自身嘅靈體溝通不停喺度自言自語或者同出面定體溝通對主空氣自言自語
醫生係咪診斷佢為思覺失調？
你哋點樣覺得認為佢鬼上身定係有牧師證實過？因為我自己都好奇想知道精神病同鬼上身嘅分別
願主祝福你和你細佬，盡快得到醫治及幫助🙏🏻
佢哋講中文中國靈體，有啲仲識得法唔怕師父啲法同埋符所以好麻煩
你弟弟為何不信耶穌？是否佢唔中意定體內眾生不喜歡？但願你們能健康地回歸正常生活。如果弟弟和你可以，多點去做運動，晒太陽，早睡早起，多少都有幫助🙏🏻
阿彌陀佛🙏🏻
搵過梁思浩嗰個節目命運解惑師，打咗上去有接過出街，個師傅幫唔到手因為細佬問題太嚴重叫我另外搵師傅
有拍過佢片拍過佢對住空氣自言自語，
佢自己都有拍過片話自己被奪舍，有影片同埋錄音但係保障佢私隱唔方便放上嚟，但係佢講咗一段奇怪嘅說話應該可以放到上嚟，但我唔識放上嚟
你首先保護你自己先啦 你唔好信啲鳩人 叫你拍咩片 信就信 唔信就唔信 我有睇過命運解惑師 你個故事 就算你係唔係 真正主角 唔好意思因為而家好多騙案 我都唔會叫你拍片上嚟 你自己小心分析邊啲人係有心留言畀你 邊啲人係鳩吹嘅 鳩吹嗰啲你唔好理佢啦
你信耶穌佢唔信唔緊要，佢信自己就得，自己都唔信真係唔掂，食緊藥就繼續食藥，但唔好係咁去唔同嘅廟拜，詳細原因唔公開講，去睇免費資源集 ， 入面啲嘢我全部都有用 ，睇完啲用法都唔識用問佢兩位 @yuku_black @shine.startlight ，如果佢哋忙得滯或者想用廣東話問我都得。
首先用泛用淨化防禦法陣、淨化園區、引渡兼簡易護身圖（可通報俾奈維call佢哋嚟捉，但蟲、債主、負能量、無惡意嘅非物理存有（但並不保證對方人品，比如會吹水嘅非物理存有，如果冇其他實質惡意的話都會觸發唔到圖）
遠端傳訊俾你，實際上並未靠近你亦都未傷害你，呢種詐騙集團都捉唔到。同朋友玩用靈能力互K，本圖唔會觸發。
雖然有惡意，但寄生响體內的話，呢個圖比較捉唔到，會比較需要嘗試悠喵的魔法陣）
我會用埋負能量處理場、捕蟲器（香港勁多會吸人能量嗰啲能量蟲）、降噪陣、淨網陣、安神同鎮定能量圖。
你自己要識用，再教埋你細佬用，因為其中有幾個要本人意識同意先啟用到。
身體保養都要一齊做，營養補充品食維他命c、b雜、維他命d，鎂，胡椒加薑黃素，呢啲去屈臣氏會有得買，做運動，屋企玩冇繩跳繩又好咩都好，曬10分鐘太陽
細佬方面：有咩奇怪非人行為令你覺得係鬼上身而非人格分裂 佢本人又仲喺唔喺度
你自己：長期聽到其他聲音可以係幻聽 你有覆診 診斷都大機會係精神分裂 你又睇唔到 點解覺得係靈體同你講野
靈異體質既姑娘路過