📌 我而家想講一段令我好
共 48 條紀錄
我而家想講一段令我好傷痛嘅回憶……呢段回憶係同職場欺凌有關。
2024年10月19日，嗰時我23歲。 我入職咗俊和其中一間判頭公司俊威做墨斗，地點喺粉嶺，我諗應該係古洞北及粉嶺北新發展區，我跟咗一個叫覃錦洪嘅墨皇，我份人係比較鈍嘅，啲嘢成日記唔入腦，所以成日畀覃錦洪話，但當然都有時會無理取鬧，但嗰啲嘢太多亦都太瑣碎喇，所以就唔講。
2024年11月29日上午11-12點左右，我同覃錦洪一齊做嘢，我發生意外小腿後上方俾批盪網𠝹傷咗，傷口大約5cm長，3cm深，嗰陣時我好痛，仲要拎架生返返去架步，我啲血係咁流，隻腳好似淋完水咁樣，一陣冰涼。 之後好快就畀公司用私家車車咗入北區醫院，因為病人眾多，最後等咗大約四個鐘，4點40分左右先開始縫針，一共縫咗五針，之後公司就畀錢我搭的士返屋企。
接落嚟我就喺屋企放咗兩個星期有薪假，每過一段時間洗傷口一次，每次都要我85歲嘅嫲嫲陪我一齊打的士去附近嘅診所洗傷口，落咗車之後嫲嫲仲要扶住我慢慢一步一步咁樣行去診所。 兩個星期之後，返工嗰陣墨皇覃錦洪成日叫我唔好借啲依嘢整親又放兩個禮拜假，又叫我唔好仆街，一連講咗兩三日，於是我有一次同佢講：
「我唔係特登㗎，我邊有可能想有意外㗎」
佢咁回答：「唔係特登，點會整親呀」
「你唔好再講啦，我已經好唔開心㗎喇」
跟住佢易一個好輕佻嘅語氣：「唔開心！」
我知佢係講笑，只係覺得攞呢啲嘢嚟講笑太冇人性 以上對話係大意，因為都一年前唔太記得 嗰陣時我好細膽，冇當場發火鬧佢。 但當日放工之後我就whatsapp同佢講唔好再講，內容如下： 唔該唔好再攞我嘅傷嚟開玩笑，同埋我唔係特登，放嗰兩個星期假，我亦都唔開心，其實呢啲說話對我嚟講好大傷害。 跟住佢就畀咗個ok手勢嘅表情 之後佢就冇再講過，我已經唔記得咗自己隻腳件事。
時間去到六月，突然間有一日返工嗰陣又同我講唔好借啲椅整親，於是我又即刻諗返起隻腳件事，嗰陣時我好嬲，我知佢可能唔記得咗我曾經嘅拒絕，但顯然係佢對我嘅拒絕根本就唔在意唔上心。
接落嚟嘅時間我就好驚佢再講，因為我知道呢句說話同埋呢件事將會停留喺我心中好耐，因為我同上司投訴都冇用，我甚至「傻」到去警署同警察講，但警察都話做唔到啲咩。 我甚至我諗過透過自殘，例如喺某地盤某高處跳下去引起社會關注，當然後來我冇咁做。 嗰陣時我好嬲，成日肚痛，同埋試過發惡夢畀人斬斷隻腳。
當然依家諗不起真係覺得自己好弱，點解唔出聲，發下癲鬧下人都好。 跟住我頂唔順咪辭職囉，但接落嚟幾個月都好我依然都好嬲，同埋係咁凝住隻腳嘅傷，係去到近排先冇咁嬲，但周不時都會凝住隻腳。
原本都冇事㗎啦，係六月份嗰陣佢講完嗰一下，我開始對刀、較剪之類有恐懼，幻想到佢會割到我隻腳，有時自己亦都會幻想有啲嘢割自己隻腳。
其實除咗呢樣嘢之外仲有一樣嘢自己好嬲嘅就係。 有一次試過準備要入一個好危險嘅地方 佢同我講話：「你入去啦！ 唔會死嘅，最多重傷嘅啫。」，然後佢真係叫我入去。 即係其實佢都唔肯定嗰個地方安唔安全。 我亦試過企喺一啲唔穩陣嘅鋼筋上面，嗰陣時我真係好驚我會跌落去，當我心驚膽顫、千辛萬苦彈完啲墨後，佢叫我：「死撚開，影相。」 我嗰下真係好唔開心，點解可以咁爛口。
件事講到呢度㗎喇，sorry冇頭冇尾，文筆唔好。 我只係想講地盤真係可以好黑暗。
地盤過來人話你知 做呢行最忌對人地話你既說話上心
你當佢鳩up 佢炆憎好過你唔開心
之前都試過比師傅屌到頭痛要食止痛藥
心態好就冇人打得低你
至於整親 小心啲就得 做地盤係咁
仲有整親claim工傷就梗㗎啦
唔使幫佢慳喎 
就咁睇你打字，只可以話你食唔到地盤呢行飯，及早轉行
咁都叫職場欺凌
大個啦
講幾句就欺凌。仲小朋友咩
串你幾句又接受吾到
轉工啦
唔好話地盤工人老粗一名,根本出嚟工作,任何一行都好,無人會理你個人感受！
我都做過2年地盤工人,唔係知識文化原因,佢地係咁樣溝通
佢其實係叫你工作小心d工作專注d不要受傷,不過用咗串串貢既表達方式,並無惡意
你反而長期情緒有d異,需要搵社工了解下睇下是否需要做轉介
其實好小事！
師兄，我覺得你應該睇睇心理醫生，上一次既受傷已經對你做成一定程度嘅心理影響，搵醫生傾下會好d。
你呢位工作伙伴好差，無同情心！將心比己，叫他試下流如此多血時多痛仍要工作。又試吓縫針後又常要去之洗傷口。還狠心話你借傷騙病假！令人氣憤！
師兄 墨斗兩個人行 唔妥就真係搞唔掂 我以前都做過 墨王想快手做完收工 個個都係狂屌怒屌 我都見過有即場屌喊 劈炮唔撈 記住呢份感覺 以後唔好成為呢種人 辛苦你捱咁耐
你知自己鈍又會做地盤？
唔係講笑做地盤要好識執生 轉數快
你成日啲野唔記就抵俾人屌
想繼續做就一係醒目啲 一係日日帶住老母出街 一係轉行
利申冇睇哂你up乜
好明顯你唔識反擊，
欺凌就好似同人對打咁，
人地踢你一腳，你唔係就咁俾人踢完就算，你都要提腳，令佢都會痛。
令佢欺凌係要有代價。
我係你就硬淨，佢罵你3分，你敬返佢7分。
其實你性格唔適合做地盤
比你遇到更惡劣嘅人大有人在
如果適應唔到
自己要調整心態
或者轉行
Bro，呢一行就係咁，要出力要用腦，1個月3，4皮係有原因，所以都睇人做嘅，你搞唔掂嘅你拍檔工作量就多咗，你初頭表現差你師父就自然唔太妥你，尤其墨斗呢行做野急記性就要好，所以唔好咁辛苦了，轉行喇，有啲錢唔係你搵唔好太執着
唔好意思，但你真係好玻璃心，無嘢呀，咁小事，自己小事些咪得，怕傷咪唔好做地盤，人地講幾句就要生要死咁係香港生存？
關心都冇仲要冷熱嘲諷，條友心理變態，而家又唔係佢出糧，係我實食住佢，乜都話工傷👀👀，面對呢一種同事，對佢仁慈姐係對自己殘忍，你太過介意人哋講嘢，你要分清楚做嘢還做嘢，不過首先都要諗吓係意外定係嗰陣時唔留神，跟住俾佢睇到你做嘢態度嘅轉變，如果將個人情緒放大咗喺工作度，咁人哋就會不停咁樣用呢一樣嘢去審視你。
其實所有地方都一樣，唔止地盤。
同埋搵個老友講出嚟都好過死忍，
仲要搵地方宣洩吓 ，呢個唔係軟弱，
而係情感有時講咗出嚟就冇嘢，師兄其實都係想得到安慰，不過男人就真係極少會安慰人，仲有啲恃住做得熟、識得人多，會有小圈子揀嘢做，響老細篤背脊，唔係死做爛做就得，如果佢唔教你，仲要講野難聽，基本上你可以話返佢或者轉拍檔，大枝野既可以做定轉盤轉工既準備，9成老細會幫返佢。
5CM長 3CM 深，好大鑊，訓左ICU ，幾多日？
冇瞓到呀，連完針就返咗屋企，可能醫院太多人冇床位呱，原本佢只係個好普通嘅一個疤痕同意外，但依家畀覃錦洪話完之後，佢已經背負住一段傷痛嘅回憶，佢抹唔走，就好似段回憶都抹唔走一樣。
比著我笑哈哈咁答返佢 洗唔洗整返獲比你抖下 你個師傅都係關心你 提醒你啫 返工由朝到黑都會提同事安全 慢慢做
咁小事都打上網 你唔好返工啦
地盤佬係要屌先溝通到，明顯你新入行未了解。
CHing 宜家係邊個盤做緊？定已轉行？
讀緊書避緊世呀，咩工都唔想返，覺得去到邊都要起曬鋼咁樣保護自己。
其實我唔係好知你當時既工作性質，亦無接觸過你呢行。但感覺好聽咪男子漢、唔好聽既咪一班粗人（希望你唔好介意）你預咗佢地講野唔係粗口就係咸野！ 講嘢都係口沒遮攔。做得唔好俾人小就預咗、但工業安全就真係唔係講笑、真係隨時命都冇！如果有危險，真係要say No！ 你整親隻腳，第一時間就應該係送入醫院。 把口生喺人哋度，佢點講你都控制唔到、同埋當時佢應該都係你阿頭，點樣你同佢講嘢都要客氣啲！ 不過過咗去嘅就當被鬼壓。
事實上他們應自我提升素質，不然比人歧視，雖然有些理想。
其實呢d情況無論係邊一行都有，文職又好，地盤又好，總會有呢種同事。我都係做工程，只能夠講對方並唔算好過份。你就算之後做任何工作都有可能遇到差唔多，甚至更差嘅同事/上司，所以你更加需鍛煉自己嘅心理質素
嗰陣時好似簽咗嗰啲免責協議，我嗰陣時又唔知佢講啲說話係咪真係真心，我都希望佢唔係啲口術啦
公司一定氹你想你唔好報，但你冇即時呈報時間耐咗touch wood有咩後遺症係冇得追究
唔駛擔心
好多時佢地都涯唔到好耐
因為中梅毒
點解？
我出黎做細個陣請班師傅去叫隻好正既雞
我食尾圍 中撚左生晒粒粒。
之前都試過跟呢D咁嘅大佬，病左請假比佢呢樣個樣，問我點解專科唔book星期日；郁就屌，吾郁又屌，冇野搞坐喺度唞下都要俾佢屌，仲要放假喺個公司group果度，係咁俾佢鬧，鬧到地盤其他人都睇唔過眼，最重要系講一句話測量唔使食飯就日日都冇飯食，直砌到兩三點先放到飯，一坐低嗌完野食，打個電話嚟，又叫你翻地盤。後嚟頂唔順就換咗一份。想話呢啲人真係黐孖根
講真
初時入行都帶住個老母返工㗎啦
每日都俾人講你個老母臭閪
咁唔通我又擸嘢打鳩佢咩
搵食呀嘛
雖然我心入邊諗嗰句搵食啫 使乜為難大家姐 你又唔係老細
但其實你都管唔到咁多 咪由佢囉
我都係打份工等出糧
佢要屌咪由佢屌囉 佢爆血管姐 又唔係我爆
我都跟過大佬，把口唔收，不停屌屌聲，又話睇死你。細佬，做地盤啱做就繼續做，唔啱就轉下，轉轉下，你都變左師父。
睇樓主打既字，其實唔適合番工🧐建議你自己開公司，呢個世界咩西人都有，更仆街都仲有老實講你呢個算小事
有啲人都咁樣多廢話，你夠硬其實都吾會咁樣，我有個師兄返工扮白卡，被人講一兩句，即刻翻轉架步，乜鳩打爛晒😅，結果調盤加人工👍👍👍。
做得地盤實係咁啦 唔通好似幼稚園老師氹你瞓覺咁咩？咁小事都有創傷你都幾玻璃心😐
趁後生轉行啦
地盤全部講關係茶煙炮飯
你唔埋堆就比人杯