📌 我自行宣布，第一屆
共 50 條紀錄
我自行宣布，第一屆
「耶穌救過我條命」大賽正式開始！
我講先：
信三代，15歲開始隊草、玩弄感情、偷嘢被捉（下刪2000字）。因從小真道喺心裡紥根，兩律持續爭戰，令我悔疚感特別強。一直嘅墮落，令我失去關係、健康、學業。於是我喺谷底牙牙學語、嘗試祈禱求神介入。神一步一步讓我戒甩壞習慣，慢慢添加好品格，令我得嘗生命改變。
其他參賽者如下：
等我試吓幫樓主起樓
我中三嘅時候團契活動去赤柱聖士提反灣BBQ
大家起爐嘅時候我覺得好熱
就自己落海浸下（本人唔識游水）
點知嗰日個海啲浪不知不覺咁扯左我離岸好遠
去到踩唔到地嘅位
我靠喺個口含一口氣浮咗一陣
因為啲浪仲係向外 就算我點嘗試游向岸嘅唔得
嗰一刻我好平靜咁同神講
（唔知點解嗰一刻完全唔驚）
如果祢宜家要帶走我就帶走啦
講完嗰下 啲浪就開始轉方向
由扯我出去 變做推我上岸
喺我唔用力嘅情況下
推到水位低過肚臍位
我好清楚 嗰一刻唔係巧合
係神蹟 我神救我嘅經歷
戴返個頭盔先🪖🪖
希望見到呢段見證嘅人唔好鬧同我一齊去BBQ嘅人
1. 冇人估到我可能會有意外
2. 嗰次已經唔係第一次同嗰班人喺海邊玩
3. 同工中間有嚟睇下我點 ，但係嗰下自己淨係唔想佢擔心就扮冇嘢咁同佢揮手，所以所有人都以為我好安全
神好錫你，俾你經歷呢種神跡奇事。係literally救咗你條命呀！慶幸你今日可以仲喺度同大家分享🫶🏼
「其實係你自己打救自己」
「其實『耶穌』呢個名可以被其他名詞取代」
我諗未試過用屬靈思考框架審視過自己嘅人係唔會明白到底樓主所講嘅「兩律持續爭戰」實際上係咩感覺
冇錯，樓主之所以可以戒甩壞習慣，的確係因為佢改變佢嘅生活方式，因此唔存在「淨係靠祈禱就能改變」，裡面亦有好多個人努力，可能仲有身邊嘅親朋好友鼎力相助
然而，樓主亦意識到驅使佢改變嘅「根源」，係來自神。佢意識到單靠個人意志，根本冇可能將自己從深淵拉翻上嚟。就算身邊有好多人支持佢，只要樓主嘅「舊我」依然存在，佢都無法真正、徹底地與壞習慣斷絕。假使佢真係戒得甩壞習慣，亦難以痊癒多年來被罪疚感、羞恥感刺透嘅心。
旁人嘅救贖係有限、自我嘅救贖係有限，唯獨自有永有、全知全能、不受時間空間管制嘅神，先能夠賜予無限嘅救贖。
因此，樓主亦強調佢一連串脫胎換骨係始於一個決定：「放下自我，並將生命嘅主權轉移俾神」
做左呢個決定之後，樓主先係感受到心態嘅更新、再跟隨神嘅引導一步一步改變行為、呢個cycle loop到咁上下就添加到好嘅品格aka基督徒口中嘅「聖靈果子」
因此樓主會將credit俾神，因為神就係佢嘅inspiration
PO主話耶穌救咗佢，邀請同樣得救嘅朋友分享得救嘅故事。有嘅咪分享，冇嘅咪飛走。留言駛唔駛個個都反駁隊上身。
呢位兄弟，耶穌醫治血漏婦人後講過「你的信德救了你」。希望你的信德堅定，從今以後遠離罪惡與誘惑。
利申：耶穌有救過我，不過不便公開。
十幾年前，我晚餐食咗八爪魚刺身，
之後隨即落街去海旁跑步，跑跑吓發現氣管開始收窄，越跑越標冷汗，於是停咗係度。
深呼吸一下，點知唔係好吸到，然後開始耳鳴，見到自己手上皮膚毛孔開始擴大，好驚慌之際見到有幾個人開始行埋我度，我就灘咗係地上面。
呢一刻我內心好驚，同神講，我未想死，但係如果你要我返天堂咁都無辦法。當時最驚係通知唔到屋企人，因為嗰陣時去跑步唔會帶電話。
過咗陣，我已經合埋咗眼，聽到兩把熟悉嘅聲音，咁啱係熟悉嘅朋友經過，見到我咁嘅狀態，即刻通知佢家人，而佢家人即刻通知咗我媽去醫院。同一時間，有個人同我講已經call咗白車啦。
當刻，我身體已經亦控制唔到，忍唔住失禁。然而，突然有陣風吹過，有把好磁性嘅聲音同我講：我係度~ 我問：係咪耶穌？ 再吹多一次陣風，再係耳邊講：我係度。呢陣風前所未試過咁平安咁舒服~
過多兩分鐘聽到有救護車聲，有人拍我塊面：小姐唔好瞓覺，起身，唔好合埋眼。嗰人keep住拍我同問我問題，我當時只能點頭同搖頭，因為氣管呼吸唔係好好，收窄咗。
入到醫院，打好哂啲敏感針，醫生同我同家人講：如果我入遲咗醫院一分鐘，可能真係唔再係度。
感恩你今日可以喺度同我哋分享…🙏🏼
又係一個literally救咗你命嘅故事。
嗰兩句「我喺度」，相信終身受用💎
多謝你嘅分享🫂
你嘅改變真係唔容易，
我親生爸爸就係吸毒而離開，
喺佢人生最後兩年，
我有一而再再而三勸佢戒毒，
可惜佢到最後都冇戒到，
直接放棄咗自己，
真係唔係每一個人都可以做得到，
但你倚靠住神而做到，
呢個大能的確係神所賦予🫂
你好叻，希望天父一直祝福你嘅生命，
希望你能夠讓更多迷羊感受到神嘅大能🫂
So sorry to hear😔
多謝你嘅祝福！睇你寫嘅嘢，睇得出你都從你嘅背景走咗出嚟，唔容易呀，你都好叻。
長話短說
10年前，突然有啲好奇怪既頭痛，形容唔到（平日無頭痛）
過左一日都仲有痛 因為答應左人幫手監考所以仲出左街
返到屋企就一直訓係沙發 無食嘢
家人返來見唔對路 就送入醫院
（最後記憶係係救護車上）
原來我個腦入面有個膠質瘤
好快急症科醫生就決定要幫我做手術
做完手術順利醒返
醒返之後第一晚知道自己咁既狀況都有啲驚 原來聽日唔係必然⋯擔心如果我走左，我屋企人朋友病友點算⋯⋯
但第二朝訓醒之後
心入面好有信心一定會好返！
呢份平安 真係唔係世人所賜！
而且係神跡 因為手術後
個人完全無唔同到
手腳都郁得
本來識既野（我自己係中醫 醫學無忘記 鋼琴都仲識彈 記憶就只係無左入院嗰啲）
化療電療都無好大副作用
直到依家都無復發
我家人見到咁大神跡 都仲未肯信主
我都明白 神有佢自己既時間
願各位都身心平安健康！💪🏻💪🏻💜💜💜
因為前度，被逼返教會，教會有一度好，就係容易入睡。
我哋成日祈禱保守關係。
返教會7年後，頂唔順要欺騙人欺騙自己，誠懇告白，唔想再浪費時間返教會去瞓覺，聽埋走音難聽詩歌。
即使我當時好愛我前度，仍然要逃離教會，就算要緣盡都在所不惜。
去到第七年教會時日，就快開地圖炮，想同教會人鬧交，因為自己頂唔順。
最後都係過唔到這座基督大山，在我角度睇就係耶穌殺死我段關係，我今生今世不斷去憎恨基督。
我以前靠自己努力去改變自己
但好多時都堅持唔到
我求主改變我
最後都做到
而且好多生命上
都要交畀主去安排
因為好多時
好多嘢其實唔到自己話事
例如見幾份工
最後請你個份
必有神嘅意思
仲有好多事
不能盡錄
多謝分享，恭喜你有踏出重要一步！願神繼續帶領你前面嘅路，並繼續加添你嘅信心！
中一是遇到學校霸凌，遇到一班很壞的同學，因為小學讀基督教學校，跟住成日祈禱，救主打救，好快成功轉校，和那班人脫離關係，在新學校遇到一班好好的朋友，讓我的中學生涯由地獄變得很美好，感謝主🙏🏻
因為本身唔係想focus喺我到🤣 但當然我都控制唔到個post嘅走向🤓 有機會再分享。
見到留言好多人覺得救係真實嘅救，當然都會有因為可能神未要個個人走。但係神既救贖係心靈上救左靈魂。聖經好多故事裡面都呈獻好多苦難但係苦難中有神既同在得到安心。個種安心係要感受過先明。好多人聽落會覺得痴線，我以前都有咁諗。點會有可能，咪巧合。但係當你諗深一層就會發現之前發生既同你祈禱嘅野得到既嘢係一樣。只係有時祈禱嘅答覆未必係你想要既。sor for1999
我唔信神
但係我好慶幸你能夠喺信仰令自己更好
其實係你自己打救左自己 不過當然明白人軟弱時係想尋求依賴 但俾d credit自己啦 你自己先係救贖自己最大功勞既一個
被野波被抓，
那時剛信主，
教會姊妹送我聖經詩歌，
搶走丟掉，假裝，後來藏起來
後來，
親妳說上一壘。
根本被。不想約會性侵...因這事簽徹不清，妳的罪必追上妳
林龍說
識的是蔡坑不是他。
其實代入唔同名稱都可以成立
例如阿媽幫左我好多
ms ho一直扶持我
有人高空掉左架鐵巴士，岩岩跌左係我backpack反彈落地下
谷底呼聲....
吾主耶穌
救我一命
草隊情場
盜影纏身
三代信、望、愛
根深紮我心
兩律爭戰
悔火焚靈
失盡情緣、健康、學途
懇切哀禱，求主垂憐
一步步
戒惡習如脫撒殫枷鎖
添善德似朝露滋生
主恩如光
穿透幽谷
生命重塑
榮耀新生
「我主耶穌、可憐我」，
永頌聖名
愈顯主榮
至死不渝
一生一世事祢
心無忘思、思無妄動
假如有一天我死去
仁慈的你們
請對眾生這樣說：
『在這冰凍的屍體來，
流過愛主沸騰的熱血；
在這空白的頭顱中，
懷過願意乘聖瑰麗的夢想....」
當然有啦。當願意放低自己俾神，神就會好微妙地、一步一步、多角度改變你嘅生命。