📌 我自行宣布，第一屆
共 71 條紀錄
我自行宣布，第一屆
「聽過教會最離譜嘅嘢」大賽正式開始！
我講先：
小組之前要做功課，出席率唔夠會收email
其他參賽者如下：
個人經驗，應該唔係正規教會：
當年準備放榜前一晚
我著得好頹咁夜晚係屋企附近散步
隔離有個商場
突然有班人（男女都有，後生到中年咁）衝出嚟捉住我話要做心理測驗
話神會話俾佢哋知我嘅一切😂
眼望都睇到佢哋係喺度集體捕人咁
我本身唔信嘅😂但我係勁賤勁有好奇心果啲人（諗返其實好危險）
就順住扮到好懵咁話好呀即管試吓
跟住佢哋話喺商場入面間麥當勞到做
入到去講咗一堆佢哋自己好感動好welcoming嘅嘢之後就開始
一齊圍圈手牽手祈禱
跟住個大粒嘅就開始講佢「感受到我」
-最近有啲學業壓力
-屋企人唔明白你
-同媽媽關係唔好，會俾佢指責
-平時冇咩自信冇咩朋友
-有時會覺得孤獨
跟住就開始懶係caring咁話神令我哋相遇，我哋會係你嘅歸屬，你可以喺到識到朋友，同可以幫你改善人生....
首先我基本上完全唔係咁😂但我馬上明白到呢啲說話肯定對住啲「夜晚獨自係街流連、歲數大概係考dse、打扮比較樸素、喺呢個區出沒嘅毒撚」基本上呢啲嘢起碼8成會中😂
足夠笨柒嘅話就會當佢哋「喺呢個時間出現」真係緣份😂
我照直話唔準，想走
佢哋面色有啲尷尬但好積極咁問「邊啲唔準呀」然後將啲唔中嘅部分mark低喺簿😂
然後仲未完，我keep住話要返屋企喇咁
佢派咗個姨姨試圖放低返我嘅戒心
就話叫我上去佢哋個教會到玩
死都要add wechat
話傳道人教識佢哋好多嘢
問我「知唔知佔中係美國嘅陰謀」
又講多咗半個鐘😂
我唯有扮「嘩學到好多嘢啊」佢先放過我
返去就block返del返晒啲嘢啦梗係😂
總之呢個經歷我會馬上意識體制想培養紅底嘅新血就係target啲「冇社會經驗蠢蠢地、唔關注時事、冇咩獨立思考、平時比較isolated冇咩生活經驗、毒毒地冇社交冇親情嘅年輕人」😂 會諗啲當年落搭然後積極參與嘅係咪出嚟就會去考狗、考公、做民賤聯議員助理、成為管浩鳴....再不濟都做關愛隊etc😂😂😂
都就黎20年前中一、二嘅事
懷疑同樓主返過同一間
小組定崇拜都有功課真係基本
仲要背聖經金句，同章節次序，一對一捉住背
星期六中午俾大學生
下午茶時間俾中學生
星期日朝早俾成年人崇拜
崇拜前大多數人會去活動室hea
崇拜完之後會去隔離個公園圍圈反省／傾其他廢話
每個星期有一日放學要返小組
有時區有活動要好似學校旅行咁付費出席
每個人都有份表格要寫人名
要寫今個星期試過打電話俾咩人同約唔約到
組長有多一份係組員出席表
：每個星期要約到新朋友返教會
(就係其他地方冇乜朋友所以先返教會😮💨）
：小學紀念冊逐個電話打，關心下以前啲同學仔咯
：今個星期又約唔到人呀？
：我哋組今個星期都人太少啦，大家要約多啲人呀
：要多啲人先可以拆組，再多啲人先可以變成自己一個區架
：做咩呢排唔返呀，大家都好關心你發生咩事架
（keep住每個星期打電話俾我半年）
仲有差啲衰11嘅事
不過係啲當年都只係中五嘅組長個別問題
佢有其他問題最後俾人趕走咗
自從第一次返過呢間兩年，我歧視所有想向我傳教嘅人😂
我絕對有資格歧視呢啲人
教會定邪教唔分了：
1. 一講同性戀就成班教友起哂壇，個講師定導師7情上面，用枝pointer好似佛地魔咁瘋狂講下地獄講到奪命咒咁
2. 唱聖詩唱到高舉父之名，全場boom一聲跪地大叫：爸爸～～～ 仲要爆喊
3. 小組分享，有人唔開心，成堆人好似段譽比江南七怪傳內功咁，一個又一個一隻手搭膊頭，一隻手高舉。唔開心果個係咁講心聲，其他人就講：主呀幫助佢/主呀原諒佢/主呀，根本各有各講，各有各做，十足湯令山同攬佬首歌咁
4. 冇啦啦新入會既人去左聽小組分享，冇啦啦有個叫小組組長搭住你膊頭，講一堆唔知咩語言，越講越用力渣爆你膊頭，之後好似上左身咁講：我岩岩聖靈充滿住我，我講左方言，仲過左d聖靈比你，你感唔感受到有股力係你身上面….
都痴線
有一對情侶，已經被教會牧者祝福攞到印証準備下一階段，突然男方既前度返轉頭，個男又真係同前度一齊返，搞到女方好無辜尷尬，啲教友話無辜女方係信心唔夠又唔夠大方唔祝福男方同前度一齊，搞到女方既情緒病反發，再離開教會。
教會小組長做直銷，一有新教友決志信主必定第一時間衝去帶人，實際係叫入直銷行業，不停煩人，有教友同返教會牧者講話幫唔到，你地自己解決，間教會有齊放數，保險，金融，直銷等等。可以用污煙漳氣來形容。
教會經常有聖靈充滿會，唱歌跳舞high 爆全場，之後又發岀一大堆音節話係神既語言，然後突然大叫全場好多人一齊倒下，台上牧者話聖靈充滿，要放低理性去接受，唔接受你就係信心唔夠。
係無錯，佢哋就係講方言，你講唔到就係你冇信心又點點點，煩到你離開。
我某位親人：
隻狗腰/腳有問題，祈禱求神話佢知洗唔洗帶隻狗睇醫生。
佢本人條腰有事，一直睇開個中醫都醫唔好，但又唔會轉下其他中醫，佢話已經祈禱求神幫佢搵個好中醫。
佢辭咗教會份工，但又搵唔到另一份比教會更好待遇嘅工，佢以為教會啲人一定會主動搵佢返教會做，然後佢話神同佢講叫佢等下，過咗（當年）復活節之後先搵工都未遲。
某日佢同我講，佢祈禱嘅時候神同佢講我（前）男朋友殺過人。
又係某日佢問我最近係咪沉迷緊一啲嘢，我唔明佢想表達啲乜，我問返佢點解問我呢個問題，佢話祈禱嘅時候，神同佢講，我沉迷緊一啲嘢，佢仲話神同佢講我再沉迷落去我個人生就會玩完。
天主教女校
有老師morning assembly攞個singing bowl出黎叫我地一齊靜下心來聆聽主既聲音😂但我淨係聽到啲巴士係出面行過既聲🙏🏻
Zoom既時候都要開mass 然後我個濕鳩班主任係都要我地留低係度同我地講左一粒鐘天主點點點…然後抽我地書問佢講左咩
然後我個陣對自己成績好高要求,驚自己成績差入唔到自己想讀既 etc(而家睇返完全冇嘢),有老師話祈禱就會有好成績🙏🏻
最shocking係中六個年,有個老女人係re堂同我地講：「女仔唔洗讀咁多書,天主比左個任務你地就係結婚生仔相夫教子」 （冇錯中六都要上re堂 佢既言論真係a freaking joke)
祈禱係要嘅
但同時你俾咗幾多心機去預備都係一個重點
如果祈完禱打天才波就得咁我唔知你讀咁多書係為乜
問題係我冇感受到呢位老師有安慰我/支持我 佢淨係一味叫我祈禱返教會😂🙏🏻
祈禱啦返教會啦
咁天主就會保祐你考試順利㗎喇
聽我講 一齊企硬 返教會
小學返教會 有個教徒姨姨做見證
話佢小學晚晚食飯都會祈禱
祈禱其實都冇乜大問題
但佢會挑佢老竇機 話啲食物係神賜嘅
唔係佢老竇辛苦賺錢買嘅
所以唔使感謝父母 要感謝神先啱
小學嘅我同朋友面面相覷
心諗童言無忌ok 但你唔係玩咁大吓話💀
當然佢老竇聽完係嬲到仆街
姨姨(小學)喊住跪喺度 開始諗主禱文
個老竇就嬲到揾把刀威脅佢唔准再返教會
然後佢媽媽幫佢擋咗刀(well，我唔知點擋)
最尾佢話多謝上帝幫佢擋咗嗰刀✋🏻😭
成班小學生聽到都覺得cls
唔係個姨姨唔分場合亂講嘢
點會搞到咁大鑊💀
佢仲當 good experience 分享喎...
你病，佢話「係要在你身上顯出神的作為來」《約翰福音》9:1-3。
你睇醫生，佢話：「祈求主比一個醫生智慧。」
你病情好轉，佢話：「感謝主！」
病情再次惡化，佢會話：「係上帝比你嘅考驗。」
死咗，佢會話：「主懷安息。」
你問：「點解教會裡面點解會有咁多仆街？」
佢會話：「樹大有枯枝。」
「一棵樹咁多枯枝，你會唔會懷疑棵樹有啲問題呢？」
「咁教會就係聚集罪人嘅地方。」
「咁如果呢位醫生醫極啲病人都係咁，會唔會係個醫生問題？」
「上帝嘅旨意係超過我哋所想像嘅⋯」
作為已離開教會嘅我，都成日好犯賤咁同基督教親友討論這些🙃🙃 次次都係被壓倒性擊倒， 但啞口之後會延身更多問題…… 但總之聽得最多都係，信教得永生，死左可以上天堂，佢想係天堂見翻你
但問題，我唔係個個都想見 🤐 即咁講，仲係呢個時空嘅地球，大家沒死，有得見你唔見，or 無友善溝通，咁點解會想要天堂見？ 邏輯好奇怪🥹
作為離開咗教會嘅我，都有一班以前教會識嘅人，平日又唔見佢哋會主動關心我，但係一到聖誕復活節，就主動到好似保險佬咁搵我返崇拜。我會同佢哋講：「你個上帝已經留咗位俾人，而呢班人將香港變成地獄，乜你仲覺得天堂好咩？」
我記得以前洗禮好似追數咁
你你一到洗禮年齡會不停打電話coldcall你
我記得我當然係唔想咁快嘅
佢就係咁問我點解之後我會講一個理由佢就推翻一個理由
同埋如果你父母都係教會堂會幹部/教徒家庭,佢哋會一齊比壓力你
我最記得當年佢仲用羊群壓力
話你同年紀嗰啲全部都已經報曬洗禮班,到時個個洗曬得你一個冇洗,乜嘢活動都冇你份㗎喇,會排擠左你出去㗎喇
最後半推半就十幾歲就洗咗禮
我記得同期有啲而家已經冇返教會
不過大家都唔算玩玩下嘅起碼洗完禮之後都返咗最少6-7年
教會有斷食明志7日清除身體污穢，同小組癌症病人進行第1日差暈低係厠所，第2日話佢連續訓左17，8個鍾，組長話係神俾力量佢，叫佢堅持，若果實在不行食塊餅。我聽完打俾組員建議即停止，有生命危險，佢似係暈左10幾個鍾自己醒多d，點知組員鬧到我仆街，話我係魔鬼誘惑佢。去到第4日條友身體受唔到停左。教會試過為初生嬰兒進行浸禮致死，可以話係天父早左接佢上天堂。曾經返萵幾個月教會，感覺極致洗腦，次次都係神蹟，神點愛世人。
有一次同班friend去玩
其中一個friend帶咗佢啲教會朋友嚟
咁啱我哋講起原生家庭嘅嘢
我就話我同我爸爸感情好好
因為佢好後生已經生咗我 我哋可以兄弟朋友模式相處
突然有條教會撚屌開始話我老竇老母唔檢點
話自己好似好自己30幾歲仲係處男
嗰陣時我焗住道氣 淨係講咗句「我欣賞你嘅堅持 不過唔好侮辱我屋企人」
跟住佢就話「我都係講事實啫，佢係污糟邋遢」
總之最後我俾人告傷人17 不過好彩淨係要守行為一年
然而，我不後悔
1. 你瞓唔到覺係因為你好多罪
2. 未信教嘅親人離世，牧者同你講：喊咩啫，你知佢要去邊架？
3. 不出席小組的相睇聯組活動：你要順服教會的安排
4. 工作本身攪event，返工要返星期六日：你咁好阻礙信仰，你不如全職返教會事奉，教會好需要人攪活動
5. 同你祈禱你唔喊：你好靈頑不靈唔聽聖靈嘅聲音
6. 同弟兄拍拖，牧者話你哋唔可以拍拖，我牧養咁耐知你哋咩人，一定散，所以唔可以拍
7. 神俾你有苦難，係因為知你受得住
以前試過跟frd返教會「體驗」，因為嗰間教會名聲唔係太好所以大家都好擔心佢...
嗰位牧師（？）喺台上叫大家「睇少d電視新聞，會睇壞腦，多d讀聖經」（而家睇返佢講d嘢唔知算唔算預言，但當年聽完真係welcome to facebook）
佢仲話「同性之間係禁忌嘅，一定會落地獄」之類嘅說話，但係佢下一part就話「神愛世人」，聽到小編哭L咗，係嬲到哭L咗，完全唔明點解件事前後矛盾到咁都仲有會返呢間教會......🙃
以前教會有個敬拜隊,類似夾band嗰啲,負責崇拜/佈道會彈歌唱歌,嗰個團長係好有料彈base好勁嘅,亦都識彈琴,佢支支結他萬幾蚊,記得當時有個姊妹係同某位弟兄拍緊拖一齊加入嘅,突然一日公開宣佈自己要退出,好快連個團長都退出埋,成個樂團畀咗第二個接手
之後收到風原來個團長話呢個姊妹彈得差經常私下教佢,教教下仲同個姊妹一齊咗,但係個姊妹當時亦都同嗰個弟兄拍緊拖,當然梗係畀人踢爆咗啦
朋友以前為左溝女（溝左十幾年 但條女唔受 係我fd 唔肯放棄)而入教會
朋友因為條女唔理佢 而唔開心 比組長發現
然後個組長不斷開導佢 開解佢
最後原來個組長係為左溝條女 而係我fd度收風(例如條女仲意d咩 仲意食咩 等等）
最後組長同條女一齊左
一齊左幾個月都無講比我朋友聽 因為我朋友唔夠高級(佢地係組長 我朋友係組員) 所以無權知
Btw呢間教會要拍拖 要靠神父問天主比唔比先拍得
我嗰間仲要係最出名最邪惡嘅教會一講名係人都知係邊一間。我最初返教會嘅時候，都係返咗兩日，跟住嗰間教會家牧叫我幫手在街邊拉啲人返教會信主，跟住我同人講，我都啱啱返了兩日教會點解要我去幫手？喺街邊搵人過嚟拉人過去信主，
最離譜就係比較呃咗五年。佢話要我11奉獻，根本就係信咗耶穌洗咗禮先去做呢一樣嘢。俾佢呃咗三年，根本我呢間教會就係搵錢
番左十幾年，體驗過唔同教會
1) 每星期主日都會將該月每一個人名同奉獻金額既名單印係當週資訊上
2) 第一日去個間就卑張通告你，上面叫你填你因感動而想捐幾多錢落擴堂基金(上係無唔捐既/無感動option
3)因為生面口，主日崇拜第一次去佢唔卑我去主堂坐，送左我去一間坐到6個人既房仔睇直播
仲有好多，但愈講愈容易traces 到邊幾間，遲下先
1. 唱唱吓聖詩，牧師話：「邊個見到神嘅光，就行出嚟大聲讚美」
跟住全部弟兄姊妹 行咗上前台跪拜
淚流披面
得返我 同幾個行動不便嘅老人家冇上
2.我問牧師點解有恐龍，聖經冇講過
點解神專登要借猶大去陷害耶穌，是神嘅旨意？
牧師嬲到
3.有好多虔誠基督徒、工作者，問我流年，搵我睇風水、部份為奇怪感情問題 要開卦問卜
哇 我都有係教會你人屈偷野
修女：「你誠實啲講出黎,係咪攞左主日學D錢去玩啊？」
修女：「要做個誠實嘅人喎」
好彩我母上大人好lun firm：「我個女唔會偷野」
結果係佢地人手mark 錢，mark 左我份錢去個冇再續主日學嘅細路到。。。
教會送左個耶蘇大富翁比我當無事？？？？？
你屈9個時得小三/四嘅我喎？？？你個道歉呢？
宗教個啊sir：
「地球本身比一層水膜包住
人類基因本身好完美，近親繁殖都唔會有問題。
一直到諾亞方舟，大家睇聖經有冇疑問
到底邊到嚟咁多雨水
答案係上帝用咗個層水膜嚟降雨 淹沒咗整個地球
冇咗層水膜之後 太陽輻射入咗地球 破壞咗人類基因
所以依家人類先咁多病痛 近親繁殖先會出問題」
我：？？？？？
諗起我兩個妹當年返教會
其實我帶佢哋返教會，但不久後遇上分立，我當時希望兩個妹跟女組長，感覺會比較好
但之後發生的事，多年之後我再一次去思考，女組長係有責任
例如女組長當時太年輕，廿歲左右好多人情世故都未學識，賞罰方面真係做得唔公平，亦唔識體諒兩個妹個difficulties ，又有迫佢哋去信教等等⋯
去d屋村教會因為免費自修
無啦啦有一日 ，教會d人話想約我了解我讀書狀況。跟住果日去左，關埋房門 ，成3，4個人圍住 叫我入教 又話神已經開啟大門比你 你願唔願意入去之類 果次都磨左個幾鐘 ，最後我話如果唔願意 係未出唔到個門口 ？ 跟著佢地即刻知驚 好快咁比我出去。自從果次我對宗教好反感。
Harry Potter, Narnia, Pokemon都是邪靈魔鬼嘢，但凡有返少少常識都會知道Narnia作者係耶撚成個故事就係翻版聖經...
仲有有個姊妹喺一齊食晏晝嘅時候講，叫我上到大學小心d因為會容易接觸到lgbt同埋叫我遠離佢哋保守自己，然而當時中五嘅我已經向左frd出櫃自己係bi...呢件事都成為左我決心脫離舊教會嘅契機
之前坐同事老公車 我坐後座 ，揸揸下突然有架車cut線 差啲撞到. 然後個同事老公即刻勁嬲諗住想屌柒果架車果陣，個同事突然勁大力深呼吸再好溫柔既語氣爆左句： 咳咳，耶和華說什麼。 點知佢個老公又真係即刻冇咁嬲既樣。當下既我比佢句說話嚇窒左果陣個同事擰左轉頭問我有冇嚇親….
霸佔icu，想唔俾非教會親人（子女）見最後一面，想主控成個告別式，建議當非教會家人（子女）只當來賓
同人解釋因為親人唔信主，所以令到先人得唔倒恩賜，不斷抹黑親人
另一單，教會傳道人係告別式講，佢臨終前信主，係明智決定，走都走都精靈靚仔過人。真係可以話走得好
教會團契，男生追求同女生被拒多次，但教會長者們覺得男才女貌好，基本上所有活動都指定佢兩個同組。之後有次男生表白夾硬上鍚人地，女生同教會長者們哭訴，得出結果係女生點解唔接受。之後女生無返教會一排。。。
最離譜既係前幾年我IG見到佢哋結左婚，仲生左兩件。
之前loop threads 見到有女話佢媽一直無照顧佢，係佢婆婆公公湊大，到個女18歲定唔知幾歲，佢媽同佢飲酒，先話佢知佢媽當年16歲跟婆婆公公返終國參加親戚婚禮，半夜去廁所比人強姦有左佢，之後佢婆婆公公信教唔比佢媽落仔，重遲左份工24小時睇住佢媽，直到生。
讀基督教中學
有次週會，有個miss分享佢面對屋企人生離死別嘅經歷。嗰個環節嘅MC係學校教會主任。miss講完之後，個主任仲要扮風趣，笑笑口講一堆正能量廢話，最後仲笑住講：「期待你下次嘅分享。」
我聽完O咗嘴，呢句說話同詛咒人哋屋企人再出事其實冇兩樣。
阿姨返咗教會三十幾年，好熱心幫教會做義工，有洗禮同奉獻$，過身前3年中風行動不便無再返教會，佢過身表哥通知佢教會問牧師葬禮安排，牧師話阿姨太耐無返教會，幫唔到佢。連會友證明都唔出，安排唔到申請基督教葬場嘅位，最後海葬。
見過最撚on9係個主持人，崇拜嘅時候見我嬲，佢話佢都好嬲 真係好唔尊重神
仲有 有一次我帶個仔去求籤，我話未試過咪去試下，佢竟然話你未試過食毒品你唔試下 ！我R撚曬頭
條友仲要喺某U 教psy 嘅大粒野，咁撚高學歷都可以講出咁嘅嘢
我𡃁妹果陣試過俾教會幹事當眾好大力捉住手腕, 因為我着左件吊帶背心+格仔shirt衫
果時暑假熱左少少除左外面果件, 冇諗過差d俾人打🤡
條8婆宜家生左兩件, 都係冇咩家教, 仲走黎教人地個女😵💫
失晒見證之後我都冇乜返, 好痴線
著裙／短褲要過膝
出席率唔夠你上唔到天堂
唔升做"會員"你同神關係疏離
你反抗不合理的事，你比魔鬼引誘
教友要返工／放工要照顧家人，05：00起床，迫人做“靈修”功課，唔會無時間做，時間都是擠出來，睇你對神有幾有心：）
有些人覺得返得耐返得多=虔誠，我前老闆，我同佢講：辭職，佢俾本‘中信’我叫我睇吓，佢話：我唔夠包容佢喎！多謝晒。
現代好多野係自己演繹出來, 我又真係唔信咁都有kpi 同降grade, d 友都信到short short 地, 又用自己嗰套控制人
擺明，所以我離開咗，又話神比自由人，但佢哋又情勒人，所以我明點解好多人敵基督
5，6年前報道會牧師當眾教訓信徒：點解冇新朋友嚟？平日教你哋教會係另一個家，咁你會唔會為屋企付出……….如果唔當教會係屋企唔想付出嘅，可以即刻走。
我回流咗幾個月咋，真係冇乜感情，之後話同朋友番另一間就冇理。
2-3年前，諗住追車返hall，跑住經過商場門口，比個教會女人好開心咁走埋嚟，佢諗住迎面比佢啲宣傳品/單張比我，我見到個女人嗰陣時就已經伸手拒絕佢嘅好意，話「不要了」，結果我經過佢嘅時候，佢up左句「耶穌不愛你」
唔知前因係乜，牧師同師母離婚，女教友又同一樣係教友既老公又離婚 ( 我地大家都係同一個教會 ) 。之後牧師同呢個女教友結婚。過咗一段日子之後，牧師話離婚係因為師母出軌。( 匝佢老母牧師條撚樣，信佢就奇啦 😡 ! )
中學嗰陣嘅周會搵咗啲教會啲教友嚟分享，其中一個女教友嘅分享就係⋯⋯
去天台自我.了.斷嗰陣有個咸濕佬想女女女佢，所以想多謝上帝派個色狼過嚟停止佢自我.了.斷⋯⋯
我聽完之後：ummmm?!!!!!我聽咗啲乜嘢？
死唔去仲要俾人女女女之後竟然都要感謝主成件事夠晒地獄
我就唔係聽過啦！
我細個跟隔籬屋返教會，到咗要奉獻嗰一刻，我十歲八歲嘅小朋友點會有錢呀！我只好喺我穿窿嘅褲袋拎咗幾蚊出嚟放入個奉獻箱，之後見到個阿姑嘅嘴臉，重點係「我哋唔收毫子！」一世難忘！🤗
我都試過入幾蚊落奉獻箱然後有人嫌我俾得少
咁我嗰陣仲讀緊書你想我俾幾多？
同學約我去佢教會嘅義工活動，活動開始前，有條教友同我講：「你信唔信神呀？你信我就送個十字架俾你呀？」（先唔好講你賄賂緊我，仲要係核突珠珠十字架，呢件事好癲）
本身好憎耶撚嘅我，呢件事之後更架憎
如果因為個掛飾而信主
咁究竟係信緊主定信緊個掛飾？
舊同事係錫安教，佢結婚請我地去唔知乜乜堂，以為D教友唱下歌咁就算……
DLLM！突然成班跳晒舞舉晒手好似撞邪咁😨😨😨，嚇L到我即刻想走！
個陣成日叫我放假跟佢返教會，我一句得埋去：我信自己！🤣🤣
聽過個friend講
佢由細到大都返教會，直至高中一次
個神父問佢要奉獻啲錢比教會
佢keep住比八十到幾百蚊
俾咗大概三個月
個神父定唔知教會啲人問佢點解比咁少
又唔係成日比
跟住我個friend就冇再返嗰間教會
（靈恩派）有個求關注嘅姊妹逢大會服侍都會’被擊倒‘，牧師特別’服侍‘佢，會一巴二巴車到佢起身為止。
姊妹仲話屋企有邪靈，成個小組上去抹油，成屋周圍牆身都係花生油。連關公把關刀都掉咗。
中學有個阿sir好信教
我哋唔係教會學校
但好多時星期五周會佢就搵啲教會人過嚟傳教
有次個傳教人仕講到
如果大家好想得到某啲嘢
仲好記得佢用ipad做例子
你向神祈禱嘅話你就會得到
笑到我而家都記得
聽過我有個朋友分享，佢嘅教會會邀請新來嘅教友唱一首：
【生命這樣的旅程 我渴求你的微笑來完整…..】
聽完佢講之後即刻有晒畫面🤣🤣🤣
📮如果大家太後生冇聽過呢首歌，可以Google一下🙏🏻
我唔係教友，但係聽完”主能夠”一次，都記得佢呢首詩歌😂
主能夠，主能夠，我知祂能夠，
我知救主能帶領我經過一切。
仲要係唱得唔好聽唱歌好難聽嘅人唱聖詩都特別好聽，我唔知道編曲嗰個奧妙喺邊度
但係如果唱K嘅話，應該好啱啲五音不全嘅人去唱🤣🤣
我舊教會行細胞小組，我當時返教會個陣係F.4-F5 ,我好朋友大我幾年，跟我返教會，本來好地地，但教會覺得我frd年紀大啲要跟返同年紀既小組, 我個frd後來連教會都唔肯再返！我恨我軟弱冇同教會既人嘈
我反而會諗
就算同佢哋嘈完又點？
問題未必能夠化解之餘
亦隨時加深矛盾同對立
結果隨時令你更快離開教會